ايهما افضل الفيرنا ولا الاكسنت

[wsh1985]

السلام عليكم
بالنسبة للعربية الاكسنت هل سعرها دا كويس 45 الف علما بان
عدادها للاسف عالى شوية 76 الف كيلو فهل انزل معاة فى سعرها شوية ولا بلاش منها خالص
-هى مرور البحر الاحمر وانا من الشرقية وانا مش فاضى اروح هناك اجدد الرخصة مشوار و غلبة فهل ممكن اخلية ينقلهالى وبلاش استفيد من فترة سريان الرخصة (9شهور كمان) ولا اعمل اية بالظبط
شكرا ليكم جدا واااااااااااسف للاطالة

[johnnagy]

الاكسنت:
1-1300cc كربراتير اوفر فى استهلاك البنزين
2- العربية ثابتة لحد 120 بعد كدة مفيش تحكم خالص
3-بتجيب من 0-100 فى 14 ثانية (عن تجربة)
4-العربية خفيفة جدا
5-التكيف بيأثر جامد على سحبة العربية
6-كراسى العربية ناشفة و دة مش موريح فى السفر او القيادة فترة طويلة
7-ارتفاع السيارة عن الارض قليل ودة بيديها ثبات شوية بس المشكلة المطبات
8-قطع الغيار رخيصة
9-السرعة القصوى 165
الفيرنا:
1600cc انجيكشن استهلاك البنزين عالى
2-السيارة ثابتة لحد 130 بعد كدة مفيش تحكم
3-بتجيب من 0-100 فى 12.3 ثانية
4-العربية خفيفة جدا جدا (اتقل من الجيتز بحاجة بسيطة)
5-التكيف مابيأثرش اوى على سحبة العربية
6-كراسى العربية مريحة جدا
7- مش وطية اوى بالنسبة للارض بس الاكسنت اوطى
8-قطع الغيار غالية
9-السرعة القصوى 189
10-بتفرمل من 80-0 فى 32 متر
انا من رايئ لو عايز عربية تجرى بيها و بتجيب سرعات عالية (الفيرنا)
اما لو عايز عربية موفرة فى استهلاك البنزين و قطع غيارها رخيصة (الاكسنت)
ياريت لو حد عندة معلومات اكتر عن السيارتين ياريت يفيدنا

[aba]

اكيد الفيرنا احسن لانها بيساطة اكتر عربية منتشرة فى مصر

[SAMEHNOSHI]

اوعى تجيب الفرنا اللى عملة 213 الف دى!!! دى كدة عربية طلع عنيها خلاص و اتبهدلت و حتبهدلك معاها, المقارنة بين العربيتان اللى كتبهم اكيد الاكسنت تكسب طبعا, خد الاكسنت بودن تفكير لكن لو مش مقتنع بالاكسنت و عايز فرنا يبقى دور على فرنا تانية و ابعد عن اللى عملة 213 الف كيلو دى, انا اساسا مش مصدق ان فرنا عملة 213 الف و لسة ماشية!!!

[slimbig]

فيرنا عامله 213 ألف ..... يا حفيظ

[dr_hitman]

مش مشكلة اوى حكاية 213 الف دى لو واحد محافظ على العربية يبقى خلاص......بس 213 فى 5 سنين دا مش طبيعى خااااااالص يعنى وش كدة العربية دى بتتاجر وكمان مرشوشة كلها......لا يا عم ابعد عنها
وبعدين الفبرنا المستعملة مش قليلة دا انت لو دورت هتلاقى 1000 واحدة بس دور
والاكسنت انا مش بفضلها بحس انهاصعب اوى تقارنها بالفيرنا لان فرق كبيير اوى.....وبعدين فى عربية فى مصر تبقى عاملة 76 الف وفابريكا برة طب ازاااااااى دا اى حد لو محافظ على عربيته اخرها معاه سنة واحدة وتكون مخبوطة وللاسف دا بقا قانون فى مصر