مساعده: هل دى صفقه رابحه؟

[NoRmAl]

السلام عليكم
ناوى اشترى النترا 2009
فى معرض عارضها عليا بــ 93000
وانا هاشترى تقسيط و معايا شهدات البنك الاهلى
هو قالى هيقسطلى بفايده 6 % على 7 سنين
بس هيعمل بلوك على المتبقى من تمن العربيه الى هو 43000 لانى هدفع 50000 مقدم
بس هو عايز يعمل بلوك على 43000 + 10% مش عارف ليه الحقيقه..
طبعا انا خايف من اى حاجه و كل حاجه
حاسس ان كل الناس بتضحك على بعضها و كل الناس نصابه
ومش عارف ان كان الكلام ده كويس ولا فى تركه مش هعرفها غير لما ادبس كالعاده
يريت لو حد يعرف يفيدنى...
شكرا

[أبو صلاح]

البنك الاهلي شرطه في الاقتراض بضمان وديعة ان قيمة القرض ماتزيدش عن 90% من قيمة الوديعة

انا سمعت انك ممكن تقسط من المصرية للسيارات بدون فائدة وبضمان الوديعة والفائدة على الوديعة مستمرة

اسال كده هناك احسن

[ezzatfox]

اولا انا عايز اعرف يعنى اية ( بلوك )
ثانيا: انت ممكن تقسط عن طريق ابوغالى بردة بفايدة 6% بشرط انك تدفع 30% على الاقل من تمن العربية و تجيب مفردات مرتب ، و التقسيط عن طريق البنك العربى الافريقى .. ممكن تتصل بيهم و تسأل .
الالنترا جميلة .. الف مبروك مقدما

[NoRmAl]

كلام المصريه الى من غير فايده ده كلام فاضى
انا نفسى رحت و كلمتهم الى احنا اساسا مش بنتعامل مع البنك الاهلى!!!!!!!!!!!!!!!!!!

استاذ عزت
انا مش عايز حوار مفردات المرتب ده
انا عايز بشهادات البنك الاهلى لان الى معايا تغطى تمن العربيه تلت مرات
انا مش موظف من الاساس

كل الى عايزه واحد يتعامل معايا بالشهدات دى و فى نفس الوقت بفايده كويسه بس
فا الراجل ده كويس من النواحى دى بس خايف برضو لاينصب عليه من اى جهه...

[HamadaMOMO]

اسئل فى شركة كونتكت عن برنامج تمويل السيارات تعاملهم محترم جدا جدا وحتاخد ميزة انك ممكن تعمل معاهم وثيقة التامين