الحمد لله وصلت جيتز 2009

[amirhamed]

مبروك وربنا يباركلك فيها ويديك خيرها ويكفيك شرها

[meshmeshahanem]

meshmeshahanemمبروك على الجيتز الاوتوماتيك وياريت تقوليلنا اخبارها ايه معاك وخاصة مسالة الثبات على السرعات والتكييف والبور ووسع العربية فى الكنبة الخلفية ولو جربت التكيف ياريت تقوليلنا ايه اخباره

الله يبارك فيك هي بسم الله ماشاء الله زي الفل بجد عربيه محترمه جدا انا من وجهه نظري المتوضعه جدا شيفه انها من العربيات الثابته اكيد مش زي فئه مافوق المئه بس بالنسبه للفيرنا ثابته جداا ومماثله للمتريكس تقريبا
التكيف انا لسه مجربتهوش اما الباور فهو تحفهه بجد والعربيه بالنسبه انها هاتش باك فهي تعتبر واسعه بتاخد 3 علي الكنبه مستريح

[Puresoul]

مشكرين على الموضوع الجميل و يكون طبعا احلى واحلى لما يكون بتكلم عن عربيه مش ماخده حقها في السوق الا و هي الجيتز طبعا كلنا متفقين انه عيبها الوحيد التوكيل السئ السمعه لكن غير ذلك العربيه -مانيوال بتفحة سقف- تستاهل كل قرش ادفع فيها و انا بقول الكلام ده بعد سنه و شهرين و معدي بيها 6740 كيلو و العربيه بجد بسم الله ما شاء الله و لا حول و لا قوه الا بالله ما كلفتنيش حاجه خالص غير صيانتها بتاعت ال 1000 و صيانه ال 5000 و غير كده ما فيهاش حاجه ..في حاجه حلوه انا اضفتها للعربيه بخصوص السنتر،طبعا كل الجيتزاويه عارفين انه الشنطه ما بتتفتحش الا بالمفتاح و ده حاجه طبعا مقرفه للي مننا بيستخدم الشنطه كثير و غير كده كلنا بنبص على عربيات تانيه بتلاقي انك بتفتح الشنطه من جوه زي لما تجي تفتح الكابوت لكن الحاجه دي مش موجوده في الجيتز ،المهم قعد دورت و دورت في النت و في مواقع الكماليات و لقيت انه ممكن سعادتك تعمل حاجه اسمها وحده فتح للشنطه تتوصل مع السنتر يعني بكل بساطه لما تجي تفتح السنتر تفتح معاه الشنطه اتوماتيك و ده صراحه حاجه مريحه جدا جدا بدل ما تكون مثلا شايل كم حاجه في ايديك و تنزلهم على الارض و تحطهم على عربيه جنبك و تشيل المفتاح و تفتح وترفع ،ده كله ملل و تعب بس يا سيدي وانت جاي على العربيه والريموت في ايدك تفتح السنتر تلاقي الشنطه فتحت اتوماتيك هوب فتحت الشنطه و لا فيها تعب و لا حاجه..الموضوع كان بسيط و ما كلفش اقل من 60 ل 80 جنيه بالصنيعيه ..صراحه مش فاكر بالزبط لانه كنت في نفس المكان ركبت وحده رفع لكل زجاج العربيه على اساس بيرفع الزجاج بتاع العربيه كله لما تنزل من العربيه و تقفل السنتر الموضوع كان بسيط و ما اخدش اكثر من ساعه زمن لكن صدقوني يا جماعه بجد بجد الواحد ارتاح نفسيا و جسميا كثثثثثثثثثثثثثثثثثثير...
تحياتي لكم و الي حابب يعرف انا موجود و مبروك لكل الجيتزاويه العربيه الي في فئتها تستاهل كل تقدير و احترام..

[Mostafa Hessen]

ربنا يديكى خيرها ويكفيكى شرها

وألف مبروك العربية الجديده

ومنتظرين تقييم جامد للعربية

وبالتوفيق