ياترى لو الزمن رجع للوراء كنت برضه هتشتري هيونداي(ياريت كل يقول رايه) ؟

[A_A_ELAZIZ]

نتيجة لسوء المعامله الى بيتعرض لها معظم مالكي هيونداي حبيت اسال حضرتكم السؤال ده وخصوصا لما لقيت على المنتدى العام حمله بعنوان لاللهيونداي بعد اليوم !!!!
بصراحة الناس معاهم حق ....
بس ياترى ليه محدش بيتحرك ؟؟!!
طيب لو الزمن رجع للوراء هل هتفكر تشتري هيونداي ؟
وياريت توضح السبب ؟
اتمنى محدش يبخل بالرد لانى بجد شايف الموضوع مهم

[MEMES]

بصراحه هشترى هيونداى خليجى
هيونداى عربيه ممتازه والعيب فى التوكيل و الناس اللى شغاله فيه
و السبب انا حكيته هناhttp://www.nilemotors.net/Nile/showthread.php?t=67218

[A_A_ELAZIZ]

شكرا على الإيضاح وكلامك فعلا صح
هيونداي عربة كويسة جدا سعرها مناسب لأمكانيتها بس عيبها فى التوكيل
بس برضه حضرتك اخترت هيونداي تانى !!!!!!!!!!!
يمكن علشان السبب الى انا قايله ؟؟
على كل حال الف شكر للإيضاح واتمنى من جميع الرد .

[midoonesaid]

هاختار هيونداي
بالنسبالي عربية لو عطل فيها حاجة هاعرف اجيب حاجتها بسهولة وبسعر رخيص وبعدين هي كعربيات ليست بالسيئة بالنسبة لاسعارها علشان نبعدعنها انا من رأيي عرببيات اعتمادية لايعيبها طبعا سوى التوكيل

[mohbasyouni]

انا عندى النترا 2008 مانيوال و لو رجع بى الزمن هاجيب برضة النترا العربية كل احتياجاتى لاقتها فيها واسعة مربحة تقفيلها كويس سحبها جميل و ثباتها رائع رغم انها نازلة بكاوتش رفيع نسبيا 185/65/15 انما تحسها لازقة فى الارض و الفرامل ممتازة فى كافة الظروف برغم عدم وجود abs و السعر ممتاز و اسعارقطع الغيار هنا فى السعودية رخيصة مثلا فلتر الزيت ب 12 ريال دلوقتى و السنة اللى فاتت كان ب 10 ريال كذلك اسعار القطع الاستهلاكية بس مش فاكر بقية الاسعار بالضبط لانى الحمد للة ماحتجتهاش و اعادة البيع هنا فى السعودية كويسة جدا تانى احسن سعر اعادة بيع بعد التويوتا و موجودة هنا تاكسى منذ موديل 2005 جنبا الى جنب مع الكامرى و الكابرس ورغم كدة مستمرة كتاكسىو باعداد حتى الموديل الجديد بدون اى مشاكل مع ملاحظة ظروف التشغيل شديدة القسوة من حرارة مرتفعة جدا و غبار شديد معظم شهور العام و قيادة بسرعات عالية جدا لمدة طويلة تلاقى العربية بقالها سنتين و عاملة فوق ال 200 الف انا شفت فى الصيلنة السابقة نيو اكسنت 2007 عاملة 180 الف كيلو و صاحبها بيقول ما بيعملش غير الصيانات و تقريبا كل السعوديين بيقفلوا العداد فى الطرق السريعة

[ezzatfox]

انا معايا نيو اكسنت و لو رجع الزمان هجيبها تانى .. انا تعاملى مع غبور كان فى صيانة الالف فقط .. و بصراحة محصلش اى مشكلة او حاجة تضايق بالعكس كانوا فوق المستوى .. و رجعوا كلمونى بعديها عشان لو فى اى شكوى او ملحوظة .
انا مش شايف ان غبور وحش اوى كدة .. هى كل مشكلتة انة زحمة شوية و دة بيأثر على النظام هناك و دة شىء طبيعى لانة مستحوذ على حوالى 40% من حصة السوق المصرى لوحدة .. لو فهمنا كدة هنعرف انة كويس مش وحش و خاصة لو شفنا شكاوى الناس من التوكيلات التانية و اللى بيحصل فيها - من سرقة قطع الغيار الى قطع الغيار المضروبة .. الى اخرة .
انا قريت شكوى الاستاذ memes لقيتها بتنصب على حاجة واحدة الزحمة و قلة النظام و المعاملة الجافة و دة شىء متوقع من حجم الضغط اللى علية بس دة مقدور علية بشوية صبر هتاخد خدمتك من غير مشاكل و لا مناهدة مع حد .
ودة الطبيعى فى البلد دلوقتى مش فى غبور بس - انت لو رحت تدفع فلوس الفيزا فى البنك ممكن يقعدوك ساعتين لما ييجى دورك و فى الاخر اسمك رايح تدفع فلوس .

[ahmedfd]

الحمد لله... 14000 كيلو النترا 2008
بدون مشاكل في العربية و لا التوكيل بالعكس شايف إن التوكيل جيد جداً في حدود تعاملاتي معهم حتى الآن.

[arch_peter]

لو رجع الزمن وبنفس الامكانيات كنت هاجيب هيونداى فيفا ايضا
ولكن طبعا لو رجع الزمن والامكانيات مختلفة كنت هاجيب حاجة تانى

[A_A_ELAZIZ]

يحيا الفيفاويه

تقريبا من كلامنا كلنا مقتنعين بالهيونداي

يبقى كيد العيب مش في العربية العيب في التوكيل

[alizowail]

نجاحها كعربية بمختلف فئاتها و مستوى أسعارها و قطع غيارها و تلبية إحتياجات صاحبها..
ليس له مثيـــل..
و كذلك فشل توكيلها فى الحفاظ على رضى عميله و بالتالى إرتياحك لإختيارك..
أيضا ليس له مثيــــــل..
نـعـم لا يعيبها سوى توكيلها...... و كم هو عامل فعـــــــــال و خطيــر..

[mecho_392]

طبعا هيونداوى للابد

طبعا هشترى هيونداى تانى..

معايا ماتريكس 2007 عامله 58000 كم و ما شاء الله وحشششششش و مسميها الدبابة ثبات تحفه و قعده مريحة و وضعية السواقة عاليه ليها احساس غرييييييب و كمان موتور قوى (يبهدل المازدا 3 دى كفاااااااااايه) و واسعه جداااا و تكييفها يجمدك.. كل ده مش مشكلة لكن المهم انها ماشيه بدووووووووون صيانات نهائيا (عدا صيانة ال 5000 من بعدها مروحتش التوكيل تانى) و بغير زيت و فلتر كل 10,000 كم فقط,,,, و العربية زى الفل بدووووووووون تغيير فلتر هواء او بنزين او بوجيهات او تغيير تيل فرامل. و استهلاك البنزين مازال اكتر من ممتاز,,, ناوى على 60,000 كم اكون جبت كل حاجه من التوكيل و اركبها بره. الحاجه الوحيدة اللى ظهرت فى العربية (و لا يمكن اعتبارها عيب) هو زيادة الاهتزازات نوعا ما اثناء السلانسيه و دى ترجع لعدم تغيير البوجيهات و كمان فلتر الهواء لونه (((اسووووووووووود))) و صعقت لما شوفته يوم الجمعة اللى فاتت.

كماااااااااااااان يا جدعان مروحتش اربط عفشة خاااااااااااااااااااااااااااااااااالص.. العربية كان ينقصها باور زى ال i10 و فرامل زى ال i10 كانت تبقى اجمد بكتيييييييير.

السيارة التانيه:

هيونداى i10 عربية حكااااااااااااااايه ناعمه بشكل غير عااااااااادى و بموووووت فيها ولسه معملتش فيها اى صيانات او تغيير زيت حتى الآن (2895 كم) و ناوى اتبع نفس النهج اللى مشيت عليه فى الماتريكس .. لكن عيبها الوحيد ان قطع غيارها ممكن تكون غاليه شويه.

و بصراحه هيونداى كشركة بتنتج سيارات مش قليله المشكلة فى التوكيل هنا هو اللى ضايع لان اللى شغالين فيه مصريين و ال concept بتاعهم مصرى يبقى لازم تخرب.

هيونداى الشركة الخامسة على مستوى العالم

و سيبك من اللى بيقول يابانى و المانى انا عندى اشترى عربيه زيرو تريحنى و اعرف ابيعها افضل شىء.. شوف الالنترا و ال i30 عاملين ايه بره.

[mohamed_mohsen]

هيونداي برضه بس كنت هستني شهر كمان لما الفيرنا ال1600 و الفول اوبشن ينزلوا(ماكانتش موجوده في التوكيل الا ال1500 الهاف اوبشن ساعه لما كان والدي بيشتري)
بس ارجع اقول الحمد لله
يكفي انتشار قطع الغيار الهائل
سعر اعادة البيع الممتاز
يعيبها التوكيل اللي اسمع انه سيء و ماليش الا تجربه واحده معاه و كان عادي بس ماروحتش تاني لزيادة اسعار المصنعيات بغباء
بعمل الصيانات بره مع نفسي

[A_A_ELAZIZ]

الف شكر على الردود والإيضاح
بس انا شايف ان معظم الأعضاء الكرام بيعملو الصيانة بره التوكيل ومعاهم حق بس افرض لاقدر الله العربية كان فيها حاجة في فترة الضمان كده سعتك الى هتشلها مش هما