كـلاكــــيت عـــاشر مــــرة.. البنزيــــــن فى الفيرنـــــا

[alizowail]

دخولا فى الموضوع.. بشتكى من معدل إستـهلاك البنزيـــن الفظيـــــــع..
معايا فيرنا 1600 و عندى شكوى من إستهلاكها المفزع للبنزين،
الصفيحة بتعمل 165 - 170 كم داخل المدينة ، منغير تكييف أو حرق..
و فى الطريق السريع (على طريق السخنة أو الساحل) الفول تانك 40 لتر عمل حوالى 390 - 395 كم ، على سرعة 90 إلى 120 بحد أقصى..
العربية لسة عاملة صيانة العشرة ألاف من أسبوع بالضبط..
وأنا فى التوكيل فى قليوب ، بلغتهم بالشكوى دى.. المهندس اللى بيستلم قللى سيتم عمل الازم..
وأنا بستلمها من الورشة.. سألت عن الفنى اللى كان شغال فيها..
الراجل قاللى أنا ظبت الإنجكشن يا باشا..
بعدين أنا روحت للمهندس مارك.. قالولى إنه المهندس المسئول فى الورشة فى قليوب.. الراجل بصراحة سمعنى كويس بعدين جاب الجهاز اللى بيتوصل أسفل التابلوه ده.. و عمل فحص.. و بلغنى إن كلو تمــــام.
بعدين قاللى حضرتك بتمشى على كام..
قلتله عادى واحد ماشى جوه البلد مش دايمن زحمة و مش طريق سريع.. يعنى أنا بنزل بدرى قوى و برجع متأخر بتكون الدنيا رايقة.. قاللى لأ.. إمشى على 90 و جرب تانى.. و لو لسة المشكلة موجودة..
شرفنا هنا و بلغهم على الباب.. حيركب معاك مهندس متخصص و يطلع معاك يفول العربية و يمشى 100 كم و يشوف إيه الموقف.. بغض النظرعن الشق الكوميدى فى الرد.. و حضراتكم كلكم عارفينه طبعا..
إنما أنا عاوز حل فعلى.. عملت كل الإختبارات المطلوبة..
يعنى.. فولت على الأخر.. و مشيت 100 كم داخل البلد.. بدون تكييف أو حرق.. و دخلت أفول تانى.. أخدت (13.5) لتر..
طبعا بستعمل بنزين 92 من يوم ما جبتها..
العربية أكيـــــــــــــــد كدة مش مظبوطة و فيها مشكلة واضحـــــــة..
حقيقى مش عارف أتصرف إزاى.. هل فى أى إقتراحات أو أى نصيحة ؟؟
وشكرا مقدما..

[ashouhdy]

بصراحة كدة كويس جدا !!! دى 1600 ياباشا و طبيعى جوة البلد اكتر من الطرق السريعة و استهلاك الفيرنا عموما 10 لتر فى ال 100 كيلو

[kh_talaat]

بص انا معايا فيرنا 1600 برضه والمعدل اللي انت بتقول عليه في استهلاك البنزين كتير شويه بس مش زياده جامد عن الطبيعي

يعني مثلا داخل المدينة بدون تكييف ال10 لتر بتعمل من 90 كيلو ل95 بالكتير


وعلى الطريق السريع ال10 لتر بتعمل 100 كيلو وممكن اقل لو ثبت السرعه على 100 مثلا حتى مع التكييف

[alizowail]

مش عارف يا رجالة..
يعنى إن ال 10 لتر يعملو معايا حوالى 82 كم جوة البلد.. مش حاجة فظيعة ؟؟
يبدو إن أنا اللى مش فاهم موضوع 1600 ده..
عموما.. ألف شكر على الرد يا رجالة..

[ashouhdy]

مش عارف يا رجالة..
يعنى إن ال 10 لتر يعملو معايا حوالى 82 كم جوة البلد.. مش حاجة فظيعة ؟؟
يبدو إن أنا اللى مش فاهم موضوع 1600 ده..
عموما.. ألف شكر على الرد يا رجالة..

انت بس حتاخد فترة لحد متظبط رجلك مع العربية و عموما ال 1600 بيحرق بنزين جامد عند القرص لما تتعوعد عليها حيكون جوة البلد بالضبط بتاع 90 او 93 كيلو و برة البلد 100 كيلو
انا لسة قايس على العداد ال 27 لتر بنزين 92 عاملة معايا 280 كيلو بالتكييف و على فكرة اللى اكتشفتة بتفرق من محطة لمحطة فى محطات عارفها بنزينها نضيف و بيعمل ال 280 كيلو فى محطات تانية يدوبك 200 كيلو فنصيحة منى جرب كذا محطة تانية

[chicobon]

انا كمان عندي نفس المشكله في الفيرنا الاتوماتيك بتاكل بنزين جامد جدا و مش عارفين ايه الحل في الصيانه معملوش حاجة و قالو كل حاجة تمام مع تغير فلتر البنزين بس برده مشاوير بسيطة في البلد بحس انه البنزين بيقرب يخلص هل ده في كل العربيات 1600 ولا هي بس في الفيرنا يعني هل النيو اكسنت نفس النظام ولا بيوفر عشان كده البنزين لوحده محتاج ميزانيه ياريت حد يقدر يقول نصيحة .

[atamim]

انا كمان عندي نفس المشكله في الفيرنا الاتوماتيك بتاكل بنزين جامد جدا و مش عارفين ايه الحل في الصيانه معملوش حاجة و قالو كل حاجة تمام مع تغير فلتر البنزين بس برده مشاوير بسيطة في البلد بحس انه البنزين بيقرب يخلص هل ده في كل العربيات 1600 ولا هي بس في الفيرنا يعني هل النيو اكسنت نفس النظام ولا بيوفر عشان كده البنزين لوحده محتاج ميزانيه ياريت حد يقدر يقول نصيحة .

يا جدعان استخدموا اسلوبى بتاع الدحرجة و الزحلقة

لية تفضلوا دايسين بنزين لما حتدوسوا كمان كام متر فرامل

لو حتقف على مطب ولا تلف شيل رجليك من على البنزين و سيبها تتحرك بالقصور الذاتى

[bishoy02010]

انا شايف ان استهلاك البنزين بتاعك عالى قوى

[ابو حسين]

انت بس حتاخد فترة لحد متظبط رجلك مع العربية و عموما ال 1600 بيحرق بنزين جامد عند القرص لما تتعوعد عليها حيكون جوة البلد بالضبط بتاع 90 او 93 كيلو و برة البلد 100 كيلو
انا لسة قايس على العداد ال 27 لتر بنزين 92 عاملة معايا 280 كيلو بالتكييف و على فكرة اللى اكتشفتة بتفرق من محطة لمحطة فى محطات عارفها بنزينها نضيف و بيعمل ال 280 كيلو فى محطات تانية يدوبك 200 كيلو فنصيحة منى جرب كذا محطة تانية

الله ينور عليك
كلامك سحيح بنسبه كبيره

[ashouhdy]

الله ينور عليك
كلامك سحيح بنسبه كبيره

متشكر ياباشا اصل الغش بقى فى كل حاجة حتى البنزين بيفرق من مكان للتانى

[massoud2]

يا جدعان استخدموا اسلوبى بتاع الدحرجة و الزحلقة

لية تفضلوا دايسين بنزين لما حتدوسوا كمان كام متر فرامل

لو حتقف على مطب ولا تلف شيل رجليك من على البنزين و سيبها تتحرك بالقصور الذاتى

اخى العزيز شاهدت فى احدى البرامج التليفزيونية ان انسب طريقة لاستهلاك البنزين هو السير بسرعة معتدلة فى حدود 90 ك وان السرعات العالية تستهلك بنزين بمقدار عالى

[akram2010]

نصيحه وزميل لى حكى لى نفس الموضوع عن محطات البنزين ان هناك غش فى العدادات ونوعيه البنزين يعنى تشحن 20 لتر والحقيقه هم 18 ونصف لتر والعداد كاتب 20 ودة حلها جرب من محطات تانيه والغش كثر اما استهلاك العربيه كويس

[firstknight216]

اخى العزيز شاهدت فى احدى البرامج التليفزيونية ان انسب طريقة لاستهلاك البنزين هو السير بسرعة معتدلة فى حدود 90 ك وان السرعات العالية تستهلك بنزين بمقدار عالى

بأيد كلامك بشده
صدق او لا تصدق
عربية نيو اكسنت فولت العربية ومشيت سرعة 90 والتكييف شغال لمسافة 421 كيلو فولت لما فولت كمان مرة تخيلوا كام ومحدش يسأل ازاي لأني مش عارف اقل من 24 لتر
في الغالب العربية بتاخد معاية 7.3 لتر لكل 100 كيلو بس بيكون بين تسخين عربية وجري لا يقل عن 110 وزحام اشارات