حسبت استهلاك عربيتى للبنزين

[analyzer]

اليكم ما فعلته
فولت العربيه للزور
مشيه 380 كم
روحت فولت تانى اخدت 29 لتر بنزين
يقى الاستهلاك 380 / 29 = 13 كم تقريبا لكل لتر
يعنى 10 لتر يمشوها 130 كم
الصفيحه ( 20 لتر ) يمشوها 260 كم
ملاحظات :
380 كم الى مشيتهم جوار البلد وعلى الزراعى وبشد وسحب وقرص وتكييف اوقات بسيطة

العربيه 1500 سىسى مش 1600

البنزين 80
اعتقد ان كدا معدل الاستهلاك عندى مناسب جدا ولا انتم ايه رئيكم

[mohamed_mohsen]

بنزين 80؟!!

[analyzer]

نعم بنزين 80
بس كل تفولتين او ثلاثه بفولها 92

[mecho_392]

الاستهلاك فى المتوسط ولا حلو ولا وحش.. بس العربية ايه اكسنت و لا فيرنا و موديل ايه علشان نعرف نحكم!!!

[firstknight216]

وسواء اكسنت ولا فيرنا فولت ازاي 80 كده مش صح على الموتور بتاعك واعتقد ان الكل ح يوفقني على كده

[mecho_392]

وسواء اكسنت ولا فيرنا فولت ازاي 80 كده مش صح على الموتور بتاعك واعتقد ان الكل ح يوفقني على كده

فعلا انا لى صديق كان بيقولى انه بقى يحط بنزين 80 لاكسنت 1300 سى سى قولتله و طبعا بقيت تسمع صوت غريب من الموتور زى تخبيط (التسقيف) قالى فعلا بسمعة,, فشرحتله الموضوع و خطورته.

[analyzer]

هى فيرنا موديل 2007
وفعلا البنزين بيفرق معاها فى حاجه واحده بس وهى بتتحرك من على الارض تطلع
بتحس ان العربيه مش بعزمها الى انت متعود عليه منها بس بعد ما بتمشى فى الحقيقه محسيتش بفرق كبير فى السحب

[fadynabil]

هى فيرنا موديل 2007
وفعلا البنزين بيفرق معاها فى حاجه واحده بس وهى بتتحرك من على الارض تطلع
بتحس ان العربيه مش بعزمها الى انت متعود عليه منها بس بعد ما بتمشى فى الحقيقه محسيتش بفرق كبير فى السحب

موديل ٢٠٠٧ .. بجد حرام عليك

دا أنا راكب إبيزا موديل ٩٤ .... واخد بالك ٩٤

وبحطلها ٩٢ علي طول ولما مبلقاش غير ٩٠ مبرضاش أحطلها بنزين لحد ملاقي

مفتكرش إني حطيتلها ٩٠ غير مره أو إثنين من ساعة ما إشتريتها ( بتبقي زنقه وغصب عني) ... وعلي فكرة أنا كربراتير مش إنچيكشن

تقولي إنت موديل ٢٠٠٧ وبتحط ٨٠ .... حرااااااام

[mecho_392]

فعلا مش هتحس بفرق كبير جدا فى السحب لكن العربية موصى فيها باستخدام ايه؟؟؟؟؟ لازم اكتر من 87 او 89 يعنى اقلك 90 (فى الفيرنا ال 1600 و الماتريكس اقلهم 91)
المشكلة هو تأثيره على المحرك من حيث عمره الافتراضى... لانك بتستعمل اوكتين اقل من الموصى بيه و كمان نسبة الانضغاط عندك عاليه مش قليله و بالتالى التسقيف هيزيد (الصفع) و هتلاحظه على هيئة تصادم بين معادن و رنين من المحرك (خربطه) بالذات على ال rpm القليل و اضراره كبيره جداااااااااا.
قدرة ضائعه لم تستفيد منها
فقد حرارى اعلى لمياه التبريد
زياة الضغط الاقصى داخل الاسطوانة
يمكن حدوث كسر فى عمود الكرنك (المرفق) + الاهتزازات
لو ناوى تبيع العربية بعد سنه و بتستعمله كتوفير ماشى لكن لو ناوى العربية تقعد معاك منصحكش.
كمان ال 90 و ال 92 هيعملوا معاك مسافة اكبر لان مقاومتهم للاحتراق الغير طبيعى اعلى و بالتالى الاحتراق عندك هيرجع لشكله الطبيعى و بالتالى ده مكسب للمحرك و اطالة لعمر تشغيل المحرك.

[fahmy]

حرااااااااااااااااااااااااام

[mab]

ولو خلط النوعين

يعنى حط مثلا 20 لتر 92
ومعاهم 10 لتر 80
حيبقى برضه فى تاثير جامد كده على الموتور

[analyzer]

يا ساده شكرا على اهتمامك ونصائحكم
بس التسقيف نادر ما يحدث اثناء الطلعه بس وبعد ما بتتحرك مفيش اى مشكله

وبعدين انا اعرف ناس معاهم لانسر 2007 وبيمونو 80
والنهارده كان واقف ورايا اوبترا ولانسر
وكذا مره اشوف افيو ومرات معدوده شوفت اوكتافيا
وعلى طول بيبقى يا اما امامى او خلفى نوبير ولانوس
اقصد من كدا ان الى انا بعمله ده مش حرام
طبعا مش هنختلف ان كفائه العربيه بتقل فى 80 عن 90 وكمان العمر الافترادى للموتور بيقل
بس ياترى هو قد ايه العمر الافترادى ده ؟
الحمد لله انا ماشى الى الان 133 الف كم ولسه الموتور بييجيب ماء من الشكمان ( بيعرق )
يعنى معتقدش انه هيقل عن 400الف ان شاء الله
وبعدين ايه الى يحصل عامرة ماهياش معضله خاصة بعد المده دى كلها
ملحوظه انا مش بشجع على استخدام البنزين 80 كل واحد حر فى عربيته
ولكن انا بوصف الحاله عندى للافاده مش اكتر
ولمعرفه الاستهلاك نظرا لكثرة التسائل فى هذا الشان فى الاونه الاخيرة

[big big]

حرام عليك بنزين 80 علي 2007 انا عاوز اؤل كلمة بس خايف تزعل بس
دية مش شطارة
مع احترامي الشديد

[AHMEDCAR]

فعلا مش هتحس بفرق كبير جدا فى السحب لكن العربية موصى فيها باستخدام ايه؟؟؟؟؟ لازم اكتر من 87 او 89 يعنى اقلك 90 (فى الفيرنا ال 1600 و الماتريكس اقلهم 91)
المشكلة هو تأثيره على المحرك من حيث عمره الافتراضى... لانك بتستعمل اوكتين اقل من الموصى بيه و كمان نسبة الانضغاط عندك عاليه مش قليله و بالتالى التسقيف هيزيد (الصفع) و هتلاحظه على هيئة تصادم بين معادن و رنين من المحرك (خربطه) بالذات على ال rpm القليل و اضراره كبيره جداااااااااا.
قدرة ضائعه لم تستفيد منها
فقد حرارى اعلى لمياه التبريد
زياة الضغط الاقصى داخل الاسطوانة
يمكن حدوث كسر فى عمود الكرنك (المرفق) + الاهتزازات
لو ناوى تبيع العربية بعد سنه و بتستعمله كتوفير ماشى لكن لو ناوى العربية تقعد معاك منصحكش.
كمان ال 90 و ال 92 هيعملوا معاك مسافة اكبر لان مقاومتهم للاحتراق الغير طبيعى اعلى و بالتالى الاحتراق عندك هيرجع لشكله الطبيعى و بالتالى ده مكسب للمحرك و اطالة لعمر تشغيل المحرك.

+11111111111
كلام فى الجون

[mecho_392]

يا ساده شكرا على اهتمامك ونصائحكم
بس التسقيف نادر ما يحدث اثناء الطلعه بس وبعد ما بتتحرك مفيش اى مشكله

وبعدين انا اعرف ناس معاهم لانسر 2007 وبيمونو 80
والنهارده كان واقف ورايا اوبترا ولانسر
وكذا مره اشوف افيو ومرات معدوده شوفت اوكتافيا
وعلى طول بيبقى يا اما امامى او خلفى نوبير ولانوس
اقصد من كدا ان الى انا بعمله ده مش حرام
طبعا مش هنختلف ان كفائه العربيه بتقل فى 80 عن 90 وكمان العمر الافترادى للموتور بيقل
بس ياترى هو قد ايه العمر الافترادى ده ؟
الحمد لله انا ماشى الى الان 133 الف كم ولسه الموتور بييجيب ماء من الشكمان ( بيعرق )
يعنى معتقدش انه هيقل عن 400الف ان شاء الله
وبعدين ايه الى يحصل عامرة ماهياش معضله خاصة بعد المده دى كلها
ملحوظه انا مش بشجع على استخدام البنزين 80 كل واحد حر فى عربيته
ولكن انا بوصف الحاله عندى للافاده مش اكتر
ولمعرفه الاستهلاك نظرا لكثرة التسائل فى هذا الشان فى الاونه الاخيرة

انا كنت فى غبور ابو رواش من حوالى شهر,,, كان واقف جنبى تاكسى فيرنا محافظات و السواق بيتكلم فى الموبايل و بيقول لصاحب العربية (اكيييييييد) ان الموتور محتاج يتغير او يغيروا طقم بساتم...
اكيييييييييد بيستخدم بنزين 80 لان ده تاكسى..

و بصراحه انا لما جربت بنزين 95 مره لقيته عمل 45 كم زياده فى التانك عن بنزين 92. لكنه كده مش حل عملى لانه غااااااااااالى جداااااااااا.

طبعا انا مقدرش اجزم ان بنزين 80 هيبقى مضر جدا على المدى الطويل خصوصا انك مشيت 130 الف كم و دول مش قليلين.. يمكن فى الكتالوجات الشركة بتراعى ان مفيش بنزين 80 لو افترضنا... طيب نسبة الانضغاط راحت فين؟؟؟؟؟

انا ناوى اعمل اختبار للمحرك معمليا ان شاء الله على بنزين 80 و 90 و 95 و اشوف الفرق فى القدرة و الاستهلاك. ادعو لى ربنا يوفقنى.