Tweet
الاعزاء أعضاء المنتدى المحترمين
أنا من الناس المقلين في الكتابة لكن أنا مدين للمنتدى بفضل كبير و هو إنو ساهم في إختياري للعربية أخر السنة إلى فاتت و كمان من خلاله اتعرفت و تواصلت مع ناس زي الفل زي الأستاذ المحترم سمعة إلى كلمته في التلفون وقت الشراء
و كمان أنا ملاحظ إن مفيش مواضيع كتير عن السوناتا ، و يمكن ناس بتكون بتفكر تشتري دلوقتي أو في المستقبل، يعني الموضوع ممكن يكون مفيد إن شاء الله
في الأول عايز أأكد على كام حاجة :
-أنا مليش في العربيات أوي ، يعني تقييمي ده من وجهة نظر واحد مش محترف إطلاقا ،
-السوناتا تقفيل مصري، فأكيد مستوى الجوده مختلف من عربية للتانيه ، بالبلدي كدة مفيش ضمان إن كل السوناتا حيكون فيها نفس العيوب بالذات في الحاجات البسيطة في ألتقفيل
-أرجو البحث عن مواضيع الأستاذ سمعة "som3a" لأنها ببساطة متكاملة و فيها كل المعلومات عن العربية ، أنا بس حتكلم عن خبرتي معها من وجهة نظري، بعد ٥٠٠٠ كيلو تقريبا
نبتدي:
العربية عامة هايله بالنسبة للسعر ، أنت حقيقي بتاخد عربية في مستوى تاني خالص بسعر مناسب جدا ، أنا جايب العربية ٢٠٠٠ CC بي ١٦٢ ألف ، الكلام ده كان أخر السنة إلى فاتت
طبعا الشكل ده أذواق ، الناس إلى بتحب التفاصيل البسيطة العربية ديه بالنسبة ليها تحفة، فيها بساطة و شياكة مميزه جدا، بس للناس إلى ليهم في الكلاسيك يعني
أكيد طبعا الصالون كلنا عارفين ، بحر من جوا ، العربية مريحة جدا
الحاجة إلى مميزة جدا في السوناتا مستوى العزل ، ده بجد غريب و مميز عن عربيات كتيرة ، أنت لو قافل القزاز أنت معزول تماما عن الدنيا
الموتور متناسب جدا مع العربية ، هيا اتقل بكير من el-octavia مثلا بس ١٤١ حصان، بصراحة على أي سرعة العربية بتشد معك ، هيا أكيد مش عربية جري بس لو عايز تجري بيها مش حتقول لا أبدا
أكتر حاجة بتعجبني في العربية ثباتها مع السحب، لما بيتيسحب بيها بتكلبيش في الأرض بشكل غريب
النعومة برضو مميزة جدا ، مفيش ناقلات بتحس بيها حتى مع el steptronic ، نعومة جميلة جدا . أنت ممكن تجيب ١٤٠ في مسافة قصيرة جدا بدون ما تحس بأي صوت موتور أو حتى إن العربية بتشد
العيوب بأه
العربية مافيهاش el options العالية أوي، بخاخات و كدة . أنا بصراحة موش فارقه معايا ، هيا فيها الحاجة الأساسية ، كاست هايل، تكييف touch، بس بصراحة العيب الأساسي في نظري إنها مافيهاش "كروس كنترول" ، على سفر أنت موش ممكن تزبط نفسك على ١٠٠ ، استحالة! العربية لغاية ١٦٠ موش بتحس! ديه مشكلة بجد
العربية ناشفة في المطبات في الطريق ، يعني أنت بتحس بكل مطب صغير ، يعني لو على الطريق الدائري مثلا و ده كله حفر و سايق بسرعة ممكن تحس العربية بتتنطط بيك شوية ، بس الغريب إنك لو نزلت في مطب كبير أوي بس بسرعة بسيطة مش حتحس بيه، الإحساس ده بس مع السرعة العالية، أنا سألت على الموضوع ده و إت ألي إنه طبيعي علشان وزن العربية و كمان لسة العربية في أول ١٠٠٠ ..
أنا طلعتلي مشكلة عند el 4000 ، صوت مع الملفات ، أنا كان عندي خبرة وحشة مع مركز أبو رواش في صيانة el- 1000 ، فرحت عملتها في مركز Caravan ، في الرحاب ، الناس هناك محترفة جدا و طلع الموضوع مسامير عايزة ضبط عند المساعد اليمين و تحل على طول
السؤال هي العربية مقارنة بالعربيات الأخرى ، تستاهل الشرى ولا لأ؟
الإجابة صعبة شوية لأنها تعتمد على الشخصية بتاعت الشاري ، يعني
لو شاب، ممكن السيفيك أحسن بكتير، شبابية و مودرن و تابلوه أخر شياكة
لو تاجر مثلا، el-octavia أحسن علشان el-resale value
لو واحد يهمه الكماليات ممكن el-octavia or el jetta
بس برضو علشان أكون موضوعى أنا لما ركبت el-octavia ماستاحميلتيش ضعف الموتور ، الفرق كان رهيب لدرجة إني كنت فاكر دواسة البنزين فيها حاجة ، و كمان السيفيك عند واحد صاحبي و اتعقد من المطبات ، الكلام ده موش موجود في السوناتا خالص ، العجل عريض و العربية عالية جدا
من الاخر العربية هايلة ، فيها مشاكل تقفيل بس لغاية دلوقتي مفيش مشكلة أكتر من موسمارين عايزين رابط ، العربية مناسبة لمصر جدا و عن نفسي راضي بيها جدا
و ألف شكر ليكم جميعا
أنا من الناس المقلين في الكتابة لكن أنا مدين للمنتدى بفضل كبير و هو إنو ساهم في إختياري للعربية أخر السنة إلى فاتت و كمان من خلاله اتعرفت و تواصلت مع ناس زي الفل زي الأستاذ المحترم سمعة إلى كلمته في التلفون وقت الشراء
و كمان أنا ملاحظ إن مفيش مواضيع كتير عن السوناتا ، و يمكن ناس بتكون بتفكر تشتري دلوقتي أو في المستقبل، يعني الموضوع ممكن يكون مفيد إن شاء الله
في الأول عايز أأكد على كام حاجة :
-أنا مليش في العربيات أوي ، يعني تقييمي ده من وجهة نظر واحد مش محترف إطلاقا ،
-السوناتا تقفيل مصري، فأكيد مستوى الجوده مختلف من عربية للتانيه ، بالبلدي كدة مفيش ضمان إن كل السوناتا حيكون فيها نفس العيوب بالذات في الحاجات البسيطة في ألتقفيل
-أرجو البحث عن مواضيع الأستاذ سمعة "som3a" لأنها ببساطة متكاملة و فيها كل المعلومات عن العربية ، أنا بس حتكلم عن خبرتي معها من وجهة نظري، بعد ٥٠٠٠ كيلو تقريبا
نبتدي:
العربية عامة هايله بالنسبة للسعر ، أنت حقيقي بتاخد عربية في مستوى تاني خالص بسعر مناسب جدا ، أنا جايب العربية ٢٠٠٠ CC بي ١٦٢ ألف ، الكلام ده كان أخر السنة إلى فاتت
طبعا الشكل ده أذواق ، الناس إلى بتحب التفاصيل البسيطة العربية ديه بالنسبة ليها تحفة، فيها بساطة و شياكة مميزه جدا، بس للناس إلى ليهم في الكلاسيك يعني
أكيد طبعا الصالون كلنا عارفين ، بحر من جوا ، العربية مريحة جدا
الحاجة إلى مميزة جدا في السوناتا مستوى العزل ، ده بجد غريب و مميز عن عربيات كتيرة ، أنت لو قافل القزاز أنت معزول تماما عن الدنيا
الموتور متناسب جدا مع العربية ، هيا اتقل بكير من el-octavia مثلا بس ١٤١ حصان، بصراحة على أي سرعة العربية بتشد معك ، هيا أكيد مش عربية جري بس لو عايز تجري بيها مش حتقول لا أبدا
أكتر حاجة بتعجبني في العربية ثباتها مع السحب، لما بيتيسحب بيها بتكلبيش في الأرض بشكل غريب
النعومة برضو مميزة جدا ، مفيش ناقلات بتحس بيها حتى مع el steptronic ، نعومة جميلة جدا . أنت ممكن تجيب ١٤٠ في مسافة قصيرة جدا بدون ما تحس بأي صوت موتور أو حتى إن العربية بتشد
العيوب بأه
العربية مافيهاش el options العالية أوي، بخاخات و كدة . أنا بصراحة موش فارقه معايا ، هيا فيها الحاجة الأساسية ، كاست هايل، تكييف touch، بس بصراحة العيب الأساسي في نظري إنها مافيهاش "كروس كنترول" ، على سفر أنت موش ممكن تزبط نفسك على ١٠٠ ، استحالة! العربية لغاية ١٦٠ موش بتحس! ديه مشكلة بجد
العربية ناشفة في المطبات في الطريق ، يعني أنت بتحس بكل مطب صغير ، يعني لو على الطريق الدائري مثلا و ده كله حفر و سايق بسرعة ممكن تحس العربية بتتنطط بيك شوية ، بس الغريب إنك لو نزلت في مطب كبير أوي بس بسرعة بسيطة مش حتحس بيه، الإحساس ده بس مع السرعة العالية، أنا سألت على الموضوع ده و إت ألي إنه طبيعي علشان وزن العربية و كمان لسة العربية في أول ١٠٠٠ ..
أنا طلعتلي مشكلة عند el 4000 ، صوت مع الملفات ، أنا كان عندي خبرة وحشة مع مركز أبو رواش في صيانة el- 1000 ، فرحت عملتها في مركز Caravan ، في الرحاب ، الناس هناك محترفة جدا و طلع الموضوع مسامير عايزة ضبط عند المساعد اليمين و تحل على طول
السؤال هي العربية مقارنة بالعربيات الأخرى ، تستاهل الشرى ولا لأ؟
الإجابة صعبة شوية لأنها تعتمد على الشخصية بتاعت الشاري ، يعني
لو شاب، ممكن السيفيك أحسن بكتير، شبابية و مودرن و تابلوه أخر شياكة
لو تاجر مثلا، el-octavia أحسن علشان el-resale value
لو واحد يهمه الكماليات ممكن el-octavia or el jetta
بس برضو علشان أكون موضوعى أنا لما ركبت el-octavia ماستاحميلتيش ضعف الموتور ، الفرق كان رهيب لدرجة إني كنت فاكر دواسة البنزين فيها حاجة ، و كمان السيفيك عند واحد صاحبي و اتعقد من المطبات ، الكلام ده موش موجود في السوناتا خالص ، العجل عريض و العربية عالية جدا
من الاخر العربية هايلة ، فيها مشاكل تقفيل بس لغاية دلوقتي مفيش مشكلة أكتر من موسمارين عايزين رابط ، العربية مناسبة لمصر جدا و عن نفسي راضي بيها جدا
و ألف شكر ليكم جميعا
Comment