مشكلة الطنابير فى النيو النترا

[HamadaMOMO]

مشكلة الطنابير كلاكيت ثانى مرة حروح اغيرهم ثانى فى الضمان مع العلم انهم ممشيوش اكثر من 5000 كم وغيرت ساعتها تيل الفرامل علشان كلو يبقى جديد فى جديد لو حد يعرف السبب يدلنى يكسب فيا ثواب................

وبفكر اجيب طنابير رياضية اية رايكم ؟

[ahmad--ezzat]

نفس مشكلتى فى النوبيرا لو حد يفيدنا بقااااا
بس انا غيرت الاربع طنابير وبعد كدة غيرت الاتنين اللى قدام فقط عشان كان فى هزة مع الفرامل
المهم راح كل
ولكن فى هزة خفيفة اوى اوى تكاد تكون لا تذكر..مش عارف اية المشكلة بقا فى الهزة الخفيفة دى...وبتبفى مع الفرامل برضو..بس لا فى هز دركسيون ولا فية هز فى دواسة الفرامل

[ahmedfd]

شيئ غريب فعلاً... أنا مش قادر حتى أقولك إحتمال سواقتك عنيفة أو رياضية لإن الحقيقة 5000كم قليل جداً.
ربنا يكون في عونك و إن شاءالله تكون آخر مرة.
و يا ريت برضه تشوف التيل أخباره إيه بالمرة و تطمنا..

[mecho_392]

الماتريكس عامله 58,000 كم بدون تغيير تيل فرامل مش طنابير.. و فى نيو النترا فى العمارة عندى عامله اكتر من 20 الف كم و مش محتاجه ولا تيل ولا طنابير.. بس اكيد سواقة حضرتك اللى عنيفة شويه لان الالنترا فراملها جامده جدااااااااااااا او يمكن فى التوكيل قالولك انهم غيروا الطنابير و معملوش حاجه او خرطوا اى حاجه!!!
حضرتك تقدر تحدد؟

[ahmad--ezzat]

مش موضوع سواقة يا جماعة
الموضوع ان مش كل عربية زى التانية بالظبط تختلف الصناعة بنسب قليلة جدا لاننا مهما كان الغلط بيبقى وارد ..بتبقى حجات كلها بسيطة
مش عيب فى العربية لقدر الله

[eng_abdou]

السلام عليكم ,,,,
عربتى الانترا 2008 عاملة 25,000 وبلغتهم فى صيانة ال 20,000 على نفس المشكلة بتاعة الطنابير قالولى الاتى :
1- اما هنحاول نخرطة ونغير التيل شرط خرط الطنابير علينا والتيل عليك.
2- او لو الطنابير متنفعش تتخرط , هنغيرة على الضمان وبردة هنغير التيل على حسابك.
بس حضرتك ممكن تمشى بالعربية لحد 30,000 لو مش مزعلاك ونغيرهالك علشان التيل غالى وانت ورحتك , فقررت اغيرها فى ال30,000

طب السبب .... انا بنسبالى مش عارف, بس فى ناس بتقولى عشان انا بغسل العربية كتير وممكن اكون غسلتها وهى الطنابير سخنة .. ودة احتمال عشان انا مدمن نظافة ... وميفضلش ان الطنابير يجى عليها مياة وهى سخنة... دة الكلام الى سمعتة.

بالنسبة للاستاذ HamadaMOMO فاحتمال حاجة من الاثتين :
1- احتمال يكون خرطة الطنابير ورجعت تانى.
2- او غيروها وانت بتعمل حاجة بتخلى الطنابير تعمل نفس المشكلة.

ملحوظة :
العربية ما شاء الله اكتر من ممتازة ومحدش بيشتكى منها تفريباز
والسلام عليكم

[ahmad--ezzat]

ياجماعة هيا الهزة الخفيفة اللى بحس بيها بعد تغيير الطنابير ممكن تكون تيل؟؟( لانى مغيرتش تيل خالص)

[Dr.Mohamed]

معلش يا جماعه انا داخل فى النص كده ؟ بس ممكن حد يقولى ايه الطنابير دى ولازمتها ايه فى العربيه ؟ وعرفت منين انه فيها مشكله
و ان شاء الله خير يا باشا ربنا معاك

[KING_LEDO]

انا الحمد لله 61000 كيلو النترا 2007 و كله تمام لا تيل ولا طنابير
ممكن علشان ماينستخدمش الفرامل الا نادرا في الغردقة

[mecho_392]

معلش يا جماعه انا داخل فى النص كده ؟ بس ممكن حد يقولى ايه الطنابير دى ولازمتها ايه فى العربيه ؟ وعرفت منين انه فيها مشكله
و ان شاء الله خير يا باشا ربنا معاك

الطنابير دى عباره عن اسطوانة او شكل ديسك دائرى هى اللى تيل الفرامل بيقرص عليها علشان تفرمل العربية و توقفها.

[mecho_392]

مش موضوع سواقة يا جماعة
الموضوع ان مش كل عربية زى التانية بالظبط تختلف الصناعة بنسب قليلة جدا لاننا مهما كان الغلط بيبقى وارد ..بتبقى حجات كلها بسيطة
مش عيب فى العربية لقدر الله

ما انا يا باشا قلت انهم ممكن يكونوا بيستهبلوا و مغيروش الطنابير و بيقولوا غيروها و هما يكونوا خرطوا فيها جزء او زودوا نعومة السطح..

[bishoy02010]

متهيقلى فعلا لو بتغسل العربية والطنابير سخنة من اكتر الأسباب اللى بتبوظها

[HamadaMOMO]

السلام عليكم ,,,,
عربتى الانترا 2008 عاملة 25,000 وبلغتهم فى صيانة ال 20,000 على نفس المشكلة بتاعة الطنابير قالولى الاتى :
1- اما هنحاول نخرطة ونغير التيل شرط خرط الطنابير علينا والتيل عليك.
2- او لو الطنابير متنفعش تتخرط , هنغيرة على الضمان وبردة هنغير التيل على حسابك.
بس حضرتك ممكن تمشى بالعربية لحد 30,000 لو مش مزعلاك ونغيرهالك علشان التيل غالى وانت ورحتك , فقررت اغيرها فى ال30,000

طب السبب .... انا بنسبالى مش عارف, بس فى ناس بتقولى عشان انا بغسل العربية كتير وممكن اكون غسلتها وهى الطنابير سخنة .. ودة احتمال عشان انا مدمن نظافة ... وميفضلش ان الطنابير يجى عليها مياة وهى سخنة... دة الكلام الى سمعتة.

بالنسبة للاستاذ HamadaMOMO فاحتمال حاجة من الاثتين :
1- احتمال يكون خرطة الطنابير ورجعت تانى.
2- او غيروها وانت بتعمل حاجة بتخلى الطنابير تعمل نفس المشكلة.

ملحوظة :
العربية ما شاء الله اكتر من ممتازة ومحدش بيشتكى منها تفريباز
والسلام عليكم

والله يا مان غيروهالى اول مرة واتاكدت بنفسى وغيرت تيل الفرامل معاها بس انا بصراحة بجرى اقل سرعة ليا 140كم - س بس لما بمسك فرامل برضوا بمسك بهدواء يعنى مبخليش الطانبورة تتعرض لحرارة عالية واغلب خروجى بيها سفر وبيكون ليلا !
وباكد مبغسلش العربية وهيا سخنة علشان حتى البوية بتتاثر لو اتغسلت وهيا سخنة ونفس الحالة الطنابير
وبحس بيهم جدا لما بيكون فى الكرسى الخلفى معايا شخصين بحس ان فى زى الغربلة وعلى فكرة العربية فيها حدفة بسيطة شمال ؟

[eng_abdou]

كلامك مظبوط
وانا كمان بحس بيهم جدا لما بيكون فى الكرسى الخلفى معايا شخصين بحس ان فى زى الغربلة ودة فعلا من الطنابير.

[HamadaMOMO]

انا النهاردة ظبطت زوايا وترصيص عند برجستون عباس العقاد وجربت العربية بغباوة ورحت التوكيل قالولى علشان عندك Abs هيا دى لما بتفرمل بيبدء ميخليش العجل يتزحلق
بس الى انا متاكد منة ان Abs بيشتغل لما امسك فرامل بقوة لكن لو بهدى تهدية جامدة شوية بحس بصوت زى الغربلة بس مفيش غربلة فى الدركسيون!
فهل هما صح ولا انا صح ؟