سؤال بخصوص الاكسنت

[Karim_Mohy]

عايز اسال عن الاكسنت ال 1300 موديل 99 او 2000
هل قطع غيارها فعلا رخيصة الي حد ما000 و العربية نفسها كويسة وتستحمل000 و المعلومات ده اللي قالها سواق تاكسي معاه الاكسنت فا قولت اعرف منكم معلومات عنها
وهل الدركسيووووون تقيل فعلا ولا لا؟000وفي تكييف في ال1300 ولو فيه00هل بياثر علي سحب العربية؟

[yahiahelaly]

فى المجمل يا باشا العربية فى قطع الغيار والاستهلاك جملية جدا
دركسيون ال 1300 تقيل بس مش قوى لانة مش باور وانا مقدرش احكم عشان
معايا 1500 باور ومسقتوش ال1300 غير مرة وكنت بركنها وطبعا ركنتها ركنه اى كلام
وهية مش فيها ابوشن غير التكييف التائير مش ملحوظ اوى يعني بس على فكرة ممكن تركب سكترة باور يا ريت اكون افدتك

[Karim_Mohy]

شكرا ليك جدا يا يحيي و مستنيين بقية اراء الزملاء

[m000dy]

ياريت تقولنا ياباشا سعرها كام

[Karim_Mohy]

لسه يا مودي بجمع معلومات عن العربية عشان اعرف كويسة ولا لا000بس اللي اغرفع ان ال 1300 في رنج التلاتينات تحت ال35 والله اعلم وعلي حسب الحالة برضو000وياريت بقية الاعضاء يفيدونا

[zomzom11]

انا معايا ال 1300 وكويسه جدا وناعمه وتكيفها حلو وبالنسبه للسحب مش ماثر قوى بس هو فارق بسيط المشكله ان فى ناس بتفضل ميزه عن ميزه فى العربيه
يعنى انا مش بجرى بيها لانها خفيفه وبخاف منها والسحب مش فارق قوى معايا انا بشغل التكيف وقت ما احتاج فى ناس تانيه بتفضل السحب والسرعه وده حقها تفاضل فى الميزه دى بين العربيات وبعضها
اتكل على الله انا واصحابى بنقول عليها التطور الطبيعى لل128 لانها قربت تبقى زيها مع الفرق فى الشكل والنعومه للاكسنت لكن سعر قطع الغيار وتوفرها والصنايعيه الى بيفهمو فيها قربت تبقى زى ال 128
بالتوفيق إن شاء الله

[Karim_Mohy]

شكرااااااااا ليك جدا يا زووووم علي المعلومات ده000بس سؤال انت ليه بتخاف تجري بيها هي خفيفة اوي في السرعات العالية ؟؟؟
وبالنسبة انها التطور لل 128 000فهل يعني ادور علي حاجة تانية ولا ايه000

[masrawy_online]

السلام عليكم
بصراحة عربية حلوة فى كل حاجة سعر قطع الغيار رخيصة جدااااااااااااااااااا
واستهلاكها فى البنزين كووووووووويس
عيبها انه الدركسيون مش باور فقط وخفيفة فعلا بس انا بمشى على سرعة 140 بس مركب جنوط عريضة 185/14
وهيه كويسة فعلا

[Karim_Mohy]

شكرااا ليك يا مصراووي وربنا يباركلك في عربيتك
سؤال باه000هو فعلا شغل الميكانيكا بتاع الكربراتير اسهل من الانجكشن وارخص قطع غيار
معلش اسئلتي كتير لاني بجد محتار وخصوصا في الاكسنت 1300 ولا 1600 000بس هاتباه غالبا 1300 عشان الاستهلاك طبعا و محتار برضو في المقارنة بينها وبين اللانوس 1 في نفس الشروط بتاعة مقارنة الاكسنت
ومستني بقية نصايحكم والف شكررررررررر

[اسلام ابراهيم]

السلام عليكم ورحمة الله وبركاته
بص يا صحبي انا عندى هيونداى اكسنت 1300وبصراحه حكايه الامان فى العربيه ديه ممكن تقول منعدمة بنسبه 90 % من الاخر العربيه ديه حلوه فى كل حاجه بس عيبها الرئيسي انها ما بتوقفش نهائي
ما تسألش ليه هى تصميمها كده الكاوتش بيربط ولكن العربيه ما بتوقفش سبحان الله واسأل مجرب ولا تسأل طبيب

[Karim_Mohy]

شكرررررا يا سمسم000طب تفتكر اشوف حاجة غيرها احسن؟؟؟

[yahiahelaly]

السلام عليكم ورحمة الله وبركاته
بص يا صحبي انا عندى هيونداى اكسنت 1300وبصراحه حكايه الامان فى العربيه ديه ممكن تقول منعدمة بنسبه 90 % من الاخر العربيه ديه حلوه فى كل حاجه بس عيبها الرئيسي انها ما بتوقفش نهائي
ما تسألش ليه هى تصميمها كده الكاوتش بيربط ولكن العربيه ما بتوقفش سبحان الله واسأل مجرب ولا تسأل طبيب

مع احترامى ليك الكلام دة غلط الف مرة يغني اية مبتقفش مانا معايا 1500 والجنوط ال 13 وبجري بيها 170 و 180 خي خفيفه صحيح لكن يعني اية مش بتقف بتسند بريجلك من الباب مع الفرامل من غير زعل انا بهزر ياباشا بس كلامك غريب ولوو كانت عريبيتك كدة يبقى ممكن يكون عندك مشكلفه فى النيل واو الطنابير وعلى فكرة العربية ياما نجدتنى فى مواقف كتيرة اوىى الحمد لله

[Karim_Mohy]

شكرا ليك يا يحيي علي ردك00 بس لو قارنت لانوس 1 مع الاكسنت مين افضل؟
و هل استهلاك البنزين فارق قوي بين ال1300 وال 1500؟

[zomzom11]

بصراحه العربيه دى جميله جدا بالنسبه لفءتها وسعرها وصيانتها وشكلها ومميزاتها كتير اوى بالنسبه لفئه معينه من الناس او على اد فلوسهم بالنسبه لموضوع السرعه انا بطبعى مش بحب السرعه ولو حصل وجريت بخاف منها لانها خفيفه فعلا بس انا اعرف ناس مش بيهمها وبتجرى بيها انا اصلى كان معايا ريجاتا قبلها وهى اتقل واقوى طبعا وده برضو مخوفنى بس على بركة الله هى عربيه جميله جدا وانتشارها اكبر دليل على مميزاتها بالنسبه لسعرها وشكرا لكل الاراء المطروحه

[Karim_Mohy]

شكرررا ليك جدا يا زووووم