سؤال لأصحاب الماتريكس (الصوت عالي)

[mnael]

أنا قرأت في هذا المنتدى كثيرا أن صوت الماتريكس عالي. بس أنا حاسس إنه أعلى من الأول (ما كانش كدة أول م استلمتها)
أنا عندي ماتريكس 2008 مانيوال عاملة لحد دلوقت 22000 كم
حد يعرف ممكن يكون العيب فين؟
وبعدين إيه كاتم الصوت؟ ممكن يكون العيب فيه؟

[mnael]

ليه يا جماعة ماحدش بيرد

[mecho_392]

انا بلاحظ صوت العربية عالى اول لما تدورها الصبح و بيكون عباره عن تكتكه و لما العربية بتسخن بيبقى صوتها عادى.. ملحوظة الصوت بلاحظه من بره العربية اكتر من جوا صوت بيبان ضعيف جدا.
كمان اتأكد من نوع الزيت اللى بتحطه 5000 و لا 10,000

انا بستعمل موبيل لانه بيهدى صوت الموتور عن شيل و ده عكس اللى هيونداى بتوصى بيه.. لو بتحط شيل و مستعد تجرب موبيل جرب.

انا عامل اكتر من 58 الف كيلو و اكيد صوت الموتور اعلى من الاول شويه لانى مغيرتش اى حاجه فى العربية و دلوقتى لازم اغير سير الكاتينة.

انا بقى عندى الاهتزازات عاليه شويه و صوت رفه احيانا علشان زى ما قلت مغيرتش اى حاجه فى العربية..

ابقى طمننا

[mnael]

أنا فعلا باستخدم شل 10000. بس أنا لسه في الضمان وماشي مع الصيانة كل 10000 متهيألي مش هاغير دلوقت.

أنا ما عنديش إهتزازات و الصوت العالي كنت لما بأقفل الزجاج بالكامل بيخف قوي دلوقت مش عارف ليه حاسس إنه مش بيخف زي الأول مع قفل الزجاج.

بالنسبة لصوت التكتكة الصبح في المركز (غبور-أبورواش) قالوا لي ده طبيعي لإن الزيت بيكون لسة ما كملش دورته وماتقلقش منه.

[mecho_392]

أنا فعلا باستخدم شل 10000. بس أنا لسه في الضمان وماشي مع الصيانة كل 10000 متهيألي مش هاغير دلوقت.

أنا ما عنديش إهتزازات و الصوت العالي كنت لما بأقفل الزجاج بالكامل بيخف قوي دلوقت مش عارف ليه حاسس إنه مش بيخف زي الأول مع قفل الزجاج.

بالنسبة لصوت التكتكة الصبح في المركز (غبور-أبورواش) قالوا لي ده طبيعي لإن الزيت بيكون لسة ما كملش دورته وماتقلقش منه.

كلامهم صح و ده من مانيوال العربية بتاع الاصلاح و هتلاقيه فى اول خانه:



HLA يعنى Hyudraulic Lash Adjuster خاصة بالزيت.

[mnael]

ألف شكر على الرد.

على العموم أنا اللي شاغلني صوت الموتور أشناء السير والعربية سخنة. وخصوصا لما باقفل الزجاج بالكامل صوت الموتور بيبقى عالي داخل الكابينة (على فكرة صوت العربية مش علي إلا جوه الكابينة بس.. الأول ماكانش كده)

حد يعرف إيه كاتم الصوت ده؟

[semsem1]

غّير الزيت .. لان مع قِدم الزيت كثافتة بتقل فيزيد معدل الاحتكاك داخل المحرك وبالتالي صوتة يعلي .. وذلك حتي لو الزيت لم يكمل عمرة الافتراضي .. انا مثلا بغير الزيت الـ 10000 بعد 8000 لاني لاحظت نفس القصة

[mecho_392]

ألف شكر على الرد.

على العموم أنا اللي شاغلني صوت الموتور أشناء السير والعربية سخنة. وخصوصا لما باقفل الزجاج بالكامل صوت الموتور بيبقى عالي داخل الكابينة (على فكرة صوت العربية مش علي إلا جوه الكابينة بس.. الأول ماكانش كده)

حد يعرف إيه كاتم الصوت ده؟

كاتم الصوت ده زى ماسورة و فيها ثقوب كتيره علشان تشتت موجات الصوت و تمنع تراكبها.. لكن بيزيد من مفاقيد الضغط على خط العادم و بيأثر على ضغط العادم و بالتالى بيعمل Back pressure مختلف و بيزود من استهلاك البنزين (بشىء بسيط) علشان يعتبر مقاومة.. ده اللى اعرفه و قد يكون فى خطأ ممكن حد يصححه.
لكن فى عربيتى الصوت مش عالى و انا ماشى و العربية مقفولة.. طيب جرب اقفل هوايات التكييف الخارجيه و ثبته على و ضع التدوير الداخلى للهواء و قولى لو لاحظت فرق.