رائحة تكييف الفرنا حلها اى ؟

[atamim]

السلام عليكم ورحمه الله و بركاته

العربية جديدة يعنى التكييف مشتغلش غير شوية صغيرين كل مرة

المهم لو شغلت المروحة لوحدها ما بيكونش فية اى ريحة خالص

لو شغلت التكيف و بعدين اقفلة و اسيب المروحة اشم ريحة وحشة

و شغلت التكييف تانى الريحة تروح

مش فاهم اى الموضوع بالظبت حد يفهمنى

لية لو التكييف مش شغال كذا يوم و بشغل المروحة بس مفيش اى ريحة و لو شغلت التكييف شوية و قفلته و سبت المروحة اشم ريحة مش حلوة؟

هل دى رطوبة ولا عفونه فى الفلتر؟ سمعت اصلا ان مفيهاش فلتر

انا عامل دورة الهواء مغلقة جوة العربية فقط

[zx9r]

نفس القصة بالظبط فى لانوس 2005
هوا العامل المشترك فى القصتين .. ان التكيف كان فعلاً بقالة شويه مشتغلش ..
مش عارف ايه الحل ..؟

[akram2010]

العربيه واى عربيه وهى جديدة افتح الهوايه ال بتجيب هواء متجدد من برة وقبل ماتشغله افتح الزجاج وشغله لمدة دقيقتين لما الريحه تروح اغلق الزجاج ولا تجد اى رائحه ودة فى كل العربيات مش الفيرنا بس وحتى اليابانى منها

[foxmanayman]

شغل السخن 5دقائق وبعدين مش حتلاقي اي ريحة

[elcomanda446]

ياباشا الحل بسيط جدا
اول ماتقرب توصل مشوارك بالسلامة وخلاص هتركن العربية طفى كومبريسور التبريد قبل ماتوصل ب5 دقايق كدة وكلى المروحة بس هيا الى شغالة علشان تصفى المية المكثفة علشان المية دى لما بتتركن فى العربية بتعفن وتخلى اول ماتشغل التكييف تشم ريحة وحشة