تحذير من غبور

[megaman]

نصيحة اشترى من اى مكان لو على ناصية حارة الا غبور او ايتامكو او جى بى اوتو كلها اقعة لنفس التعامل اللا منظبط وعدم المسؤولية والاهمال والتراخى والتسويف ونفسى حد يوصل صوتنا بجد للشركة الام نفسى من قلبى اشوف هيونداى بتروح لحد تانى يا ريت حد يساعد

لغه الحوار تتجه نحو الشخصنه الواضحه
نرجو ضبط النفس كي لا تقوم الاداره مضطره باغلاق الموضوع
مشرف هيونداي

[akram2010]

........*
لا ادري ما دخل كون الفرد " مصري " بكونه غير راضي عن توكيل ما
تنبيه للعضو نتيجه الشخصنه و اسلوب الكلام
مشرف هيونداي

[firstknight216]

نصيحة اشترى من اى مكان لو على ناصية حارة الا غبور او ايتامكو او جى بى اوتو كلها اقعة لنفس التعامل اللا منظبط وعدم المسؤولية والاهمال والتراخى والتسويف ونفسى حد يوصل صوتنا بجد للشركة الام نفسى من قلبى اشوف هيونداى بتروح لحد تانى يا ريت حد يساعد

معلش اختلف مع حضرتك
التوكيل اكثر من رائع وبالفعل لما حصلت مرة مشكلة فنية واتصلت الناس للحق يقال لم يتركوني حتى تحل المشكلة والمتابعات المتوالية منهم بالاتصالات الهاتفية
لدرجة اني حسيت اني الوحيد اللي شاري عربية هيونداي في مصر
اما داخل مراكز الخدمة ايضا للحق قمة الذوق في التعاملات
وبعدين لو حضرتك عندك مشكلة ممكن تتصل بخدمة العملاء
والمهندس عاطف عبد السميع انسان فوق الوصف

[samcar]

توكيل غبور من التوكيلات المحترمه فى بلدك يالحبيب وافضل كثير من غيرة .--------.

وانت ايه هندى - تغور من وش غبور

____________
تم التعديل...

إدارة المنتدى2
(إ.م.2)

[akram2010]

الهيونداى ملك فى الخليج ومصر وناجح فى السعوديه والامارات لدرجه ان سيارات التآجير والشركات معظمه بين الاكسنت او الفيرنا او الالنترا اما الناس ال معاها مال ومدراء بيركبوا سوناتا والازيرا وبصراحه سيارات نجحت فى الخليج ال تصل درجات الحرارة الى 60 ولم تسخن ومكيفات تلاجات . وقطع غيارها الاصليه وخلو بالكم من كلمه الاصليه ارخص من التجارى لماركه اخرى واعطال اى ميكانيكى بنجالى يصلحها ودة ميزة . والتوكيل فى مصر اشتريت منهم سيارة اقسم لكم ناس فى قمه التحضر وشركه من اقوى الشركات التى تشرف مصر والمصريين
اخوكم محمد شريف اكرم

[megaman]

ياريت يا سيد اكرم تنقى الفاظك وبعدين حاحقد على مين وليه انت عارف الاول اللى حصل معايه ولا بترد وخلاص هوغبور يقربلك ؟

[turboman]

يا استاذ اكرم في ريحة وحشة في كلامك................. بلاش علشان هترجع تزعل و بعدين اسمك شكله مصري ماتعرفنا انت منين لو انت مصري تبقى زينا ولا ايه و لو انت حاجة تانية اهلا بيك لو محترم لو غير كدة لمصلحتك خد بالك من كلامك

[samcar]

اللى بيقول انه فى الخليج - النترا ايه وفرنا ايه اللى شركات التاجير بتستخدمها انت يظهر فى خليج ابو قير

العربيات دى هنا بيركبها الهنود والفلبينين علشان يجيبوا الخضار للى مشغلينهم وعمرى ما شفت خليجى يركب او يرضى يركب حاجه من دول انت قلت انت منين بالضبط ؟؟؟؟

[Ahmed Anwer]

اللى بيقول انه فى الخليج - النترا ايه وفرنا ايه اللى شركات التاجير بتستخدمها انت يظهر فى خليج ابو قير

العربيات دى هنا بيركبها الهنود والفلبينين علشان يجيبوا الخضار للى مشغلينهم وعمرى ما شفت خليجى يركب او يرضى يركب حاجه من دول انت قلت انت منين بالضبط ؟؟؟؟

حضرتك الهيونداي عامله شغل ممتاز في الخليج

و الكلام ده انا شفته بعيني

و هيا الماركة التانية بعد تويوتا في المبيعات ،،

و بخصوص الخليجين انفسهم ،،

لولا انه مخالف لقواعد المنتدي ،، كنت هاحطلك لينك منتدي سيارات خليجي ،،

تشوف كلامهم هما نفسهم ،،

[ezzatfox]

استاذ megaman اللى فهمتة ان مشكلتك مع غبور تنحصر فى انهم غلطوا فى كتابة رقم العربية و دة عطللك الترخيص .
على العموم مش دة اللى يخليك تحكم على التوكيل بالشكل دة ، هى صحيح غلطة رخمة من موظف مكسح بس الخطأ وارد فى كل شىء .
و انشاءالله المشكلة كدة كدة محلولة و هتتعامل مع غبور و هتعرف انة مش وحش زى ما بتسمع .
و سيبك من الناس اللى بتخش تسخن و خلاص علشان دول عمرهم ما ركبوا هيونداى او اتعاملوا مع غبور و كل علاقتهم بية علاقة سمعية ( المشكلة ان احنا شعب حافظ مش فاهم ) و هتلاقة مية و احد هيدخل يقولك تغور من وش غبور .

[akram2010]

ال مش مصدق الهيونداى مكتسح السوق السعودى يسآل عن توكيل الهيونداى فى المملكه ( الوعلان بالرياض) والناغى بجدة ويسآل اى سعودى نازل مصر ويقول لك ان العربيه منتشرة فى الشركات ومكاتب التاجير. وعلى فكرة الفرنا اسمها اكسنت هناك واقسم لكم مافى فيكى اشارة ياسعوديه الا وتلاقى الهيونداى من اكسنت او فيرنا او النترا او سوناتا او ازيرا ودة مش موجودة بمصر . وانتشارة نتيجه جودة العربيه مع سعرها مع انخفاض سعر قطع غيارها وبساطه الميكانيكا واعطالها معدومه تقريبآ وتكييف ثلاجه ينافس تكيفات الالمانى والاروبى عمومآ ال بيسخن العربيات

[حلواني]

ال مش مصدق الهيونداى مكتسح السوق السعودى يسآل عن توكيل الهيونداى فى المملكه ( الوعلان بالرياض) والناغى بجدة ويسآل اى سعودى نازل مصر ويقول لك ان العربيه منتشرة فى الشركات ومكاتب التاجير. وعلى فكرة الفرنا اسمها اكسنت هناك واقسم لكم مافى فيكى اشارة ياسعوديه الا وتلاقى الهيونداى من اكسنت او فيرنا او النترا او سوناتا او ازيرا ودة مش موجودة بمصر . وانتشارة نتيجه جودة العربيه مع سعرها مع انخفاض سعر قطع غيارها وبساطه الميكانيكا واعطالها معدومه تقريبآ وتكييف ثلاجه ينافس تكيفات الالمانى والاروبى عمومآ ال بيسخن العربيات

صحيح لكن زي ما حضرتك لاحظت اللي بيشتري الهيونداي مكاتب التأجير و شركات الليموزين عشان فرق السعر في كل حاجة، من ناحية تانية لما انا سألت سواقين العربيات دي عن رأيهم فيها قالوا انها كويسة بس اجمعوا على ان العربيات اللي كاتوا شغالين عليها الاول كانت احسن التويوتات و الهوندات .

[MEMES]

ال مش مصدق الهيونداى مكتسح السوق السعودى يسآل عن توكيل الهيونداى فى المملكه ( الوعلان بالرياض) والناغى بجدة ويسآل اى سعودى نازل مصر ويقول لك ان العربيه منتشرة فى الشركات ومكاتب التاجير. وعلى فكرة الفرنا اسمها اكسنت هناك واقسم لكم مافى فيكى اشارة ياسعوديه الا وتلاقى الهيونداى من اكسنت او فيرنا او النترا او سوناتا او ازيرا ودة مش موجودة بمصر . وانتشارة نتيجه جودة العربيه مع سعرها مع انخفاض سعر قطع غيارها وبساطه الميكانيكا واعطالها معدومه تقريبآ وتكييف ثلاجه ينافس تكيفات الالمانى والاروبى عمومآ ال بيسخن العربيات

على فكره احنا مقتنعين جدا ويمكن اكتر منك ان هيونداى شركه ممتازه بس حضرتك فاهم الوضع غلط احنا معترضين على التوكيل مش الماركه
الماركه كلنا بنعشقها لكن التوكيل ليه تصرفات تتطفش العملاء

[firstknight216]

على فكره احنا مقتنعين جدا ويمكن اكتر منك ان هيونداى شركه ممتازه بس حضرتك فاهم الوضع غلط احنا معترضين على التوكيل مش الماركه
الماركه كلنا بنعشقها لكن التوكيل ليه تصرفات تتطفش العملاء

مش عارف يا ميمس انتم كلكم اخدين فكره غلط عن التوكيل
الناس فعلا فوق المحترمين في التعامل ويتعاملوا على ان المشكلة مشكلتهم
واخر اتصال برئيس قطاع خدمة العملاء المهندس عاطف لما شكرته على المجهود والمتابعة المستمرة من الشركة كان رد حضرته ان كان في عيب ف ده تقصير من شركة هيونداي
رد رائع من انسان مسئول ومهذب
تحياتي لكم جميعا

[Sharky]

توكيل غبور من التوكيلات المحترمه فى بلدك يالحبيب وافضل كثير من غيرة . ولا هو حقد وخلاص يامصرى .

واضح انك ماتعرفش حاجة عن مصر و خاصة توكيل هيونداى فى مصر (غبور) :10D5C8~1107:

ليس معنى ان هيونداى شركة كويسة و أن سيارتها منتشرة فى مكاتب التأجير فى السعودية إن توكيلها فى مصر محترم !