استفسار عن جنوط للالنترا

[KHALED AYMAN]

ازيكو يا جماعه اخباركو ايه !!!
عندى استفسار صغير كده ...
انا احتمال اجيب النترا 2009 ...
بس جنوطها انا شايف شكلها مقرف !!!
و كمان ثباتها مش عالى اوى و دى حاجه مضايقانى !!!
فقولت اجنط العربيه ..
اهو يبقى شكلها حلو و فى نفس الوقت الثبات يزيد !!!
ينفع يركب فيها مقاس 195/50/16 ؟؟
هل ده هيأثر على العفشه ؟؟
على العداد ؟؟
على اى حاجه ؟؟

و هل هيزود ثبات العربيه ولا لا ؟؟
انا مركب جنوط فى الاسترا و فرقت معايا فى الثبات ...
الالنترا هتبقى كده برده ولا لا ؟؟
و يا ترى اجيب جنط نوعه ايه ؟؟
انا مركب فى الاسترا مومو صينى بس اتعوج يا عينى !!!!!!
شكرااااااااااااااااااااااااااااااااااااااااااااااا ااا

[omdaz_5538]

لالالالالالالالالالالالالالالالالالالالالالالالالا لالالا
انا مش مصدق نفسى ايه اللى بسمعه ده
و من مين انت يا خالد انت اخر واحد ممكن يطلع منه الكلام ده
بعد رحلت الكفاح مع الاوبل المده ديه كلها تقول كده انا مش مصدق اللى بشوفه
يا باشا انا بهظر العربيه دى كويسه لحسن حد من معشر هيونداى يزعل(والله بجد ممتازه)
و ربنا يباركلك إن شاء الله

[KHALED AYMAN]

لالالالالالالالالالالالالالالالالالالالالالالالالا لالالا
انا مش مصدق نفسى ايه اللى بسمعه ده
و من مين انت يا خالد انت اخر واحد ممكن يطلع منه الكلام ده
بعد رحلت الكفاح مع الاوبل المده ديه كلها تقول كده انا مش مصدق اللى بشوفه
يا باشا انا بهظر العربيه دى كويسه لحسن حد من معشر هيونداى يزعل(والله بجد ممتازه)
و ربنا يباركلك إن شاء الله

اوبااااااااااااا
واحد من العصابه قفشنى !!!

ازيك يا عمده !!
والله انا مقفول جدا من الحوار ده ..
الالنترا حلوه بس انت عارفنى ..
اوبلاوى على طوووووووووووووووووووول
بس هعمل ايه بقى فى اخويه و ابويه ؟؟
مصممين على ليبرتى او حاجه ب 100 الف !!!
يا دعهان استرا سيدان ..
يقولى لا انا هبيعها كمان سنه ولا سنتين و مش عايز اخسر جامد ...
و بعدين العربيه هتتبهدل و حرام اعمل كده فى اوبل !!!

قلت خلاص انتو حرين !!!!!
فطبعا لجأت لاخواتى الهيونداويه !!!
سؤال بقى يا عمده بما انك راجل المانى ...
الالنترا دى ثابته ؟؟
و طبعا انت فاهم يعنى ايه ثابته ..؟؟

[m.3abdel3al]

على فكرة الالنترا مش ثابته على الارض ممكن لو عايز تظبطها تكبر الجنوك ل 17 و تغير العفشة بعفشة كولن

او ممكن تغير العربية خالص عندك سيراتو الجديدة او جين 2 عربيتي الجميلة او انت براحتك باه

[Fadi Ezzat]

يا خالد الالنترا ثابتة لحد سرعة 160 (وعن تجربة على راى واحد انت عارفة ههههه)

بص ياخلد العربية قابتة لحد 160 بس لو عايزها فعلا تبقى ثابتة اكتر

هاتلك جنط

16/55/205
او
17/50/215
هيبقى الثبات معاك جامد جدا اخر حاجة على راى المثل

بس بالنسبة للعفشة فهنصحك بال 16 لان العفشة كورى وانت فاهم الى فيها بقى

بخصوص ملاك الكورى انا مش بهنكم ولا حاجة دة راى على العفشة بس متاكد منة شوية

[KHALED AYMAN]

على فكرة الالنترا مش ثابته على الارض ممكن لو عايز تظبطها تكبر الجنوك ل 17 و تغير العفشة بعفشة كولن

لالالالا انا مش ناوى على تغيير عفشه خالص ..
طيب هى مش ثابته خاااااالص ؟؟
مراجيح يعنى ؟؟
ولا ماشيه عادى ..

او ممكن تغير العربية خالص عندك سيراتو الجديدة او جين 2 عربيتي الجميلة او انت براحتك باه

المشكله انى عايز عربيه الكامله تكون فى حدود ال 100 الف !!! و السيراتو مش كده !!
و الجين 2 انا بحبها اوى بس المشكله انى عايز عربيه واسعه و شنطه كبيره علشان احمل فيها شغل

يا خالد الالنترا ثابتة لحد سرعة 160 (وعن تجربة على راى واحد انت عارفة ههههه)

بص ياخلد العربية قابتة لحد 160 بس لو عايزها فعلا تبقى ثابتة اكتر

هاتلك جنط

16/55/205
او
17/50/215
هيبقى الثبات معاك جامد جدا اخر حاجة على راى المثل

بس بالنسبة للعفشة فهنصحك بال 16 لان العفشة كورى وانت فاهم الى فيها بقى

بخصوص ملاك الكورى انا مش بهنكم ولا حاجة دة راى على العفشة بس متاكد منة شوية

ازيك يا فادى يا فاهمنى انت !!!
و بالنسبه للعفشه فانا قولت 16 علشان كده ..
ده انا مرضيتش اركب ال 17 فى الاسترا اقوم اركبه فى الالنترا ؟؟
بس الكلام ده عن تجربه يا فادى ولا ايه .؟؟هههههههههه

[HamadaMOMO]

الالنترا بجنوط 16 ثابتة جدا جدا واتحدى لحد سرعة 210كم

[KHALED AYMAN]

الالنترا بجنوط 16 ثابتة جدا جدا واتحدى لحد سرعة 210كم

ايوووووووووووه
راجل النتراوى ...
قولى بقى يا سيدى (معلش هتقل عليك)...
العربيه دى من غير جنوط ثابته معقوله ولا مراجيح ؟؟
انا بقارنها بالاسترا الى معايا !!
طيب عفشتها ليها صوت ؟؟
صحيح الباور خفيف اوى على السرعات و الدركسيون بيلعب لوحده ؟؟

من الاخر ايه عيوبها ؟؟؟
و هل 195/50r16
يركب عليها عادى ؟؟
انا بيقولولى انه هيوطيها 1.5 سم !!!
مش مشكله
بس هيأثر على العفشه ؟

[m000dy]

بقوللك ايه ماتسمعش حد فى حكاية الجنوط والعجل دى
تحت عندك فى اخر القايم بتاع باب السواق هاتلاقى ارقام الكاوتش والجنوط اللى المفروض تركب لو هاتغير الجنط غير كده اسال مجرب

[KHALED AYMAN]

بقوللك ايه ماتسمعش حد فى حكاية الجنوط والعجل دى
تحت عندك فى اخر القايم بتاع باب السواق هاتلاقى ارقام الكاوتش والجنوط اللى المفروض تركب لو هاتغير الجنط غير كده اسال مجرب

ربنا يخليك يا باشا على النصيحه !!
انا بس المشكله انى لسه مشتريتش العربيه فمش عارف اشوف المقاسات دى !!!
بس انا اعرف انها تاخد 205/55r16
زى الاسترا بتاعى ...
بس فى الاسترا انا مركب 195/50r16 و مفيش منه مشاكل مع انه مش فى الكتالوج !!!
هل هيعمل مشاكل فى الالنترا ؟؟

[waelragab2001]

بص يا استاذ خالد..
انا معايا النترا ( عامله في 4 شهور 15 الف كم ) وعشان ماتفتكرش اني متحيز ليها احب اسجل اني شايف ان الاسترا الجديده طبعا اكيد اعلي منها رغم اني ماركبتش الاسترا الجديده..
انا لما جيت اشتري حسبتها حسبه تانيه.. الاسترا الهاي لاين فوق ال 150 الف, الكورولا الهاي لاين فوق ال 160 الف, الشارك (رغم عدم اقتناعي بيها ) كانت الهاي لاين ب 156 الف.. في المقابل كانت الالنترا الهاي لاين 117 الف يعني هوفر اقل واجب 35 الف جنيه وهاخد اللي هياخده صاحب الكورولا وصاحب الاسترا وصاحب الشارك , ولما ازهق منها هبيعها بمنتهي السهوله من غير ماخسر فيه كتير.. فتوكلت علي الله ووفرت ال 35 الف جنيه وجبت الالنترا ..
اللي يقولك "على فكرة الالنترا مش ثابته على الارض " يبقي مجربش سواقه العربيه خااااالص..
الكاوتش بتاع عربيتي سبور مقاسه 15/65/185.. وعن تجربه ( حط 120 خط تحت كلمه عن تجربه دي )سافرت بيها من شهر 12 اللي فات لغايه دلوقتي 4 مرات لشرم الشيخ ( الطريق مش بطال بس مش واووو يعني) وكان معايا مراتي وابني يوسف سنتين ( ده برده عشان محدش يقولك شباب طايش وبياخد الريسك علي نفسه )..المهم , معظم الطريق من 140-160 كم/س و في اخر 200كم من الطريق بمشي علي 160-200 ومفيش اي مشكله ومره كمان كنت بقشر برتقال علي 160 كم/س..
الثبات بتعها كويس جدا جدا جدا في الطوالي والمنحنيات الطبيعيه.. بس في بعض المنحنيات في الطريق لازم تنزل ل 80-100 كم/س.. الحقيقه انا مش عارف اذا كان ال 80-100 كم/س ده قليل ولا لا.. بس انا كنت باخد الملفات دي بالرينو علي 120 تقريبا من غير اي مشاكل بس الرينوالكليو كانت اصغر..
الفرامل جيده جدا".. الباور رائع واللي يقول لك بيلعب منك او مش متحكم فيه علي السرعات العاليه يبقي مستحيل يكون جرب سواقه العربيه...
الموتور قوي جدا في السحب والتجميع ( عربيتي اوتوماتيك) , سهل جدا انك تجيب 160-180 بسرعه رهيبه وعشان الثبات رائع مابتحسش بالسرعه لغايه 140-150..فجاءه بدون مقدمات ماشى عادي جدا وتبص في العداد تلاقيه 150 كم/س.. بس للامانه العزم بتعها ( وبالتالي السحب) بيقل في المطالع الجامده.. بس برده حلها سهل, تنزل غيار ولو العربيه اوتو زق عصايه الفتيس علي "3" زي الاوفر درايف في العربيات التانيه.. الجير "3" ممكن يجمع معاك بسهوله لغايه 140 علي ار بي ام 4.5 او 5 علي ما اعتقد بس طبعا هتسمع صوت الموتور ولو في الطبيعي فالموتور هادي جدا... التكييف تلاجه ( زي كل الكوري والياباني وخاصه الخليجي لان عربيتي خليجي)
العزل رااااااااااااااااااااائع.. اقفل ازازاك وانت مش هتسمع ااااي حاجه بره..
علي القايم مكتوب مقاس الجنوط اللي ممكن تركبها وهي 15/65/185 و 15/55/ 195 او 16/55/205 وبحسبه بسيطه اعتقد ان سهل قوي تركب 16/50/205 ا( لازم تحسبها الاول لان ليها حسبه معينه انا معرفهاش بس في توكيلات الكاوتش الكبيره اكيد عرفينها)..وانا لما اغير الكاوتش هركب برده 205 بس علي 15...
ملحوظه: العربيه الي حد ما واطيه, فلو هتقصر الطول بالكاوتش 1-1.5 سم توقع انك هتاخد كل المطبات بالعرض.
للامانه برده العفشه بتاعتها ناعمه بس بتحل بسرعه.. يعني لازم كل صيانه يربطولك العفشه.. ومن مش عارف اذا كان ده طبيعي ولا لا.. بس الرينو كانت العفشه بتقعد 30 الف من غير ماتتربط من غير اي مشكله...

والله دي الحقيقه بدون اي مبالغات والله علي ما اقول شهيد
اسف علي الاطاله.. ولو عندك اي استفسار انا في الخدمه..

وائل رجب

[KHALED AYMAN]

بجد يا استاذ وائل انا مش عارف اشكرك ازاى ...
انت وفرت عليا مشوار طويييييييييييل من الاسئله !!!!
سؤال رفيع اوى :
الخليجى افضل ولا المصرى ؟؟
انا عن نفسى بفضل الخليجى علشان الكماليات و اهم حاجه Abs ...
و على فكره انت مطولتش ولا حاجه بالعكس كلامك مفيد جدا !!

اه صحيح ...
هوغبور فعلا سىء ؟؟
و مبيفهموش حاجه ؟؟
ولو وحش اعملها صيانه فين ؟؟

[waelragab2001]

بجد يا استاذ وائل انا مش عارف اشكرك ازاى ...
انت وفرت عليا مشوار طويييييييييييل من الاسئله !!!!
سؤال رفيع اوى :
الخليجى افضل ولا المصرى ؟؟
انا عن نفسى بفضل الخليجى علشان الكماليات و اهم حاجه Abs ...
و على فكره انت مطولتش ولا حاجه بالعكس كلامك مفيد جدا !!

اه صحيح ...
هوغبور فعلا سىء ؟؟
و مبيفهموش حاجه ؟؟
ولو وحش اعملها صيانه فين ؟؟

علي ايه ياباشا احنا اخوات.. ولا شكر علي واجب..
بص يا سيدي.. الخليجي بتفرق عن المصري في بعض الحاجات..
اولا" ان الدهان بتاع العربيه احسن لانه بيبقي واخد كذا طبقه عشان الحر وعن تجربه انا شوفت عربيات النترا كتيره متخربشه وباين منها الصاج الاسود.. معايا والحمدلله كل الخرابيش (لغايه دلوقتي) مش باين تحتها اي حاجه.
.ثانيا" دوره التبريد بتاعتها والتكييف افضل وده برده شبه مؤكد..
ثالثا" (ودي انا مش مصدقها ) ان العفشه بتعتها مختلفه !!!!!!!!
رابعا" وخامسا" وسادسا" وعاشرا" الامان في الخليجي افضل عندك علي الاقل ايرباج وفي بعض الطلبيات الجديده فيه اي بي اس.. علي شهر 12 اللي فات ملقتش عربيه النترا في مصر فيها اي بي اس عشان اشتريها فقولت نص العمي وجبتها بالاير باجز..
بس انا عربيتي الوحيده اللي شفتها بابانوس في التابلوه والابوب+ الفرش بتاع الابواب عندي فيبر في جلد مش فايبر في قماش زي غبور+ انا جايبها بامبولايزر وباركينج سينسور من غير فوجات ( ركبتهم بعد كده في شارع دمشق)..
الخليجي له ضمان من شركه اسمها AAA لمده سنه او سنتين شامله كل عيوب الصناعه بتشتريه ب 1000-2000 جنيه وتقدر تصلح العربيه في الضمان عند ابوغالي او مركز بوش اللي في مصر الجديده او امير وجوزيف اللي في مدينه نصر..

[KHALED AYMAN]

الخليجى موجود منه حاليا abs ...
انا لسه مكلم معرض اسمه معرض الاخوه ..
قالى موجود خليجى فيه 2 ايرباج و جنوط 16 و تاره ملتى فنكشن و abs و فتحه سقف !!!
و سعرها 103 !!!
ايه رأيك ؟؟



و مشتكر مره تانيه و معلش انا صدعتك معايا بس انا مصدقت لقيت حد معاه العربيه و بيجاوبنى

[waelragab2001]

يا عم ماتنرفزنيش بقي..... الله..الله.. كل شويه متشكر وصدعتك.. و وراكك.. ياباشا انا زي ماقولتلك انا تحت امرك في اي استفسار

اللي انت بتحكي عليه ده حلم.. اي بي اس+ فتحه سقف+ 2ايرباجز+ جنوط 16 وطاره مالتي ب 103 الف بس؟؟!!!
ده حلم ... انا عربيتي جايبها من 4 شهور من غير اي بي اس ومن غير طاره مالتي و جنوط 15 ب 117 الف
لو مفيهاش انهه.. يبقي خلص وانت مغمض..
والانهه اللي انا اقصدها انه يقولك خلصت او هبعت اجيبهالك بس اديني عربون وكده..
انا رائي انك تصلي استخاره و تخلص طبعا"..
او تشتري عربيتي ب 100 الف:k49: واروح انا اخلص فيها..ههههههههه بهزر طبعا ياباشا.
ربنا يوفقك

الخليجى موجود منه حاليا abs ...
انا لسه مكلم معرض اسمه معرض الاخوه ..
قالى موجود خليجى فيه 2 ايرباج و جنوط 16 و تاره ملتى فنكشن و abs و فتحه سقف !!!
و سعرها 103 !!!
ايه رأيك ؟؟



و مشتكر مره تانيه و معلش انا صدعتك معايا بس انا مصدقت لقيت حد معاه العربيه و بيجاوبنى