يوميات نائب فى التوكيل

[Ahmed Sharaf]

أول إمبارح يوم الجمعة رحت ابو رواش بعد ماكنت حجزت بالتليفون علشان اعمل صيانة 40000 للعربية الفيرنا وقالولى هنغير زيت + فلتر زيت + فلتر بنزين + فلتر هواء + بوجيهات وقولتلهم يراجعوا على الفرامل ويشوفوا فية صوت عالى بعد ال 100 كم وبيروح اول ماشيل رجلى من على دواسة البنزين.
قالولى التكلفة 830 جم , قلت ما باليد حيلة ماشى وقعدت من الساعة 9 صباحاً لغاية الساعة 4:30 مساء ( طبعاً وقت صلاة الجمعة خدت بعضى مشى لاقرب جامع حوالى كيلو رايح وزية جاى - علشان قالو الاتوبيسات بتاعتهم بتتحرك الساعة 2:30 ) ماعلينا , خلصوا العربية وقالو كلة تمام , خدت العربية ومشيت لقيت الصوت زى ما هو بالإضافة الى كماليات اخرى ان فى صوت ونة جامدة مع المارشدير , لفيت ورجعتلهم وقلت للمهندس قالة نطلع نجرب , وطلعنا جربنا وسمع الاصوات وقالى حالاُ هنحلها , وشوية صغيرة ندهوا عليها قلت كويس خلصوا بسرعة :10D5C8~1107:, لقيت المهندس بيقللى معلش فية حاجة حصلت واحنا بنعتذر بصيت على العربية لقيتها مخبوطةوالاكصدام مكسور :POINTI~2[2]: بلمت شوية وفوقت عليهم بيقولولى معلش واحنا بنجرب المارشدير العربية اتخبطت بس اطمن تصليحوة على حسابنا بس ياريت تيجة بكرة بدرى علشان نعمل تقرير ونبعتها الهياكل تتصلح , رحتلهم امبارح من الساعة 8 وقولتيلهم انا قاعد لغاية ما تتصلح وكلمت مدير المركز علشان انا عارفة بس مبحبش الجألة الا فى الضرورة , وقعدت لغاية الساعة 5:00 لانهم غيرو الاكصدام بواحد جديد ورشوة دوكو لون العربية .
طبعا العربية كان ممكن تاخد اسبوع من غير واسطة.
رأيكو اية فى التجربة دى؟

[osman hisham]

طيب و الصوت راح و لا لسه .
أنا متعيألى أنه طنابير ....

[Ahmed Sharaf]

الصوت راح وكانو بيقولوا ان مواسير التكييف هى اللى كان فيها مشكلة, طبعا انا مش عارف صحة الكلام دة لكن هيبان الفترة الجاية اذا الصوت رجع تانى.
أشكرك

[chato_eg]

مش أول مرة أسمع إن عربية عميل يحصل لها حادثة على يد غبور فرع أبو رواش و من خلال أشخاص كانوا موجودين وقت المشكلة على أرض الواقع ( مش واحد سمع من واحد ) ...ده غير العربيات الزيرو إللى بتعمل حوادث برضه فى نفس المنطقة.....
المفروض إن تجربة السيارات تتم داخل مضمار مغلق...مجهز بأدوات تحاكى الأحوال المختلفة للطرق خارج المضمار و فى أحوال جوية مختلفة....لكن طبعا الكلام ده مش فى بلدنا..

أنا شفت إزاى بيجربوا العربيات عند غبور و عند مصنع اللانوس و الاسبيرانزا.....من ساعتها حلفت ما اشترى من الناس دى أبدا مهما كانت الأسباب...أرض الله واسعة...لكن إللى بيحصل ده كلام فاضى و إهانة للعربيات و العميل المستقبلى....

[Abdo_Eldesokey]

طب كويس والله ... اكصدام جديد ببلاش ...

وكويس انهم متأخروش في التركيب كعادتهم

[Samah AbdAllah]

الحمدلله انها جت على قد كده

[mecho_392]

الحمد لله على كل شىء و شكرا على سردك للتجربة..

بس بجد حرام عليهم 830 جم فى صيانة 40,000!!!

انا عرفت ليه والدى منفض للصيانة و التوكيل.. و الحمد لله العربية زى الفل,, ماتريكس 2007 عامله 60,000 كم جاب كل اللى حضرتك جبته + سير كاتينة + سير تكييف + سير دينامو + بلية الكاتينة و تيل فرامل كلهم من غبور كان تمنهم 830 جم و بالضريبة كانوا حوالى 950 قول.. ركبهم كلهم بره عند ميكانيكى يعرفه و خد 300 جنيه!!!!

و بيقولى اعمل زيه فى ال i10 و بصراحه عنده حق.. ادخل بالعربية و اطلع بيها مخبطه و دافع اد كده ليه؟؟؟؟

[johnnagy]

الحمد لله و كويس ان مافيش خسائر كتيرة
بس بجد مفيش اهمال بعد كدة

[Abdo_Eldesokey]

الحمد لله على كل شىء و شكرا على سردك للتجربة..

بس بجد حرام عليهم 830 جم فى صيانة 40,000!!!

انا عرفت ليه والدى منفض للصيانة و التوكيل.. و الحمد لله العربية زى الفل,, ماتريكس 2007 عامله 60,000 كم جاب كل اللى حضرتك جبته + سير كاتينة + سير تكييف + سير دينامو + بلية الكاتينة و تيل فرامل كلهم من غبور كان تمنهم 830 جم و بالضريبة كانوا حوالى 950 قول.. ركبهم كلهم بره عند ميكانيكى يعرفه و خد 300 جنيه!!!!

و بيقولى اعمل زيه فى ال i10 و بصراحه عنده حق.. ادخل بالعربية و اطلع بيها مخبطه و دافع اد كده ليه؟؟؟؟

بس مش كتير أوي يا باشا 300 جنيه للميكانيكي ؟؟

ما هو التوكيل كان زمانه خد مصنعية في الحدود دي بردوا

[mecho_392]

بس مش كتير أوي يا باشا 300 جنيه للميكانيكي ؟؟

ما هو التوكيل كان زمانه خد مصنعية في الحدود دي بردوا

اولا التوكيل بياخد مصنعية حوالى 260 جم فى الفيرنا على تغيير زيت و فلتر و بوجيهات (و فى صيانة 20,000 و ده شوفته بعينى).

300 جم على واد زى الفل و مش ميكانيكى عادى لان والدى يعرفه و انا كمان, و كان ليه فلوس عندى علشان جبته يظبطلى حاجات فى محرك بعمل عليه دراسات فى الكلية.

حضرتك:
لما يغير تيل الفرامل
سير الكاتينة (شوف بيفك ايه)
سير الدينامو
سير التكييف
بلية الكاتينة
فلتر بنزين (و ده بيفك الكنبة كلها و يطلعها علشان يعمله)
فلتر هواء
بوجيهات
تغيير فلتر الزيت
تغيير الزيت

و فى حاجات تانية مش فاكرها

بس للعلم العربية ماتريكس مش 128.. شوف حضرتك المصنعيات كام فى التوكيل لو هتعمل الكلام ده.. على فكره الصيانة دى اتعمل فيها كل حاجه لان العربية متغيرش فيها مسمار من 2007 (يعنى لو فى التوكيل احسب مصنعيات صيانة 5 الاف و 10 و 20 و 40 و 60 و ابقى قولى كااااام!!!)

[mecho_392]

طب كويس والله ... اكصدام جديد ببلاش ...

وكويس انهم متأخروش في التركيب كعادتهم

بس اكصدام جديد دى مش ميزه حلوه ولا حاجه يا باشا بالنسبة للى كان فى العربية بدهان المصنع((فى كوريا)) (خصوصا لو كان بحالته).

لكن من ناحية التأخير فهما ياخدوا بالجزمة,, مش هيعطلونى و يقرفونى

[chicobon]

حمد الله انها جت سليمة و غيرو الي كسروه

[mshmshm3]

الصوت راح وكانو بيقولوا ان مواسير التكييف هى اللى كان فيها مشكلة, طبعا انا مش عارف صحة الكلام دة لكن هيبان الفترة الجاية اذا الصوت رجع تانى.
أشكرك

معيا فيرنا 1600 وفيها نفس الصوت وما روحتش للتوكيل في ابو رواش روحت مودرن سيرفيس في مصر الجديدة لاقو ايه بقي ؟؟؟؟؟؟؟؟؟؟ ماسورة التكييف ملزوقة ببلاستر ابيض المفروض يتحطلها جوان فكوا البلاستر وحطوا الجوان اولا صوت العربية بقي اهدي شوية وحاسس ان سحب العربية زاد مش عارف ليه اعتقد مفيش علاقة بين ماسورة التكييف وسحب العربية ولا ايه ؟؟؟

[lolita]

انا منفض للصيانة منذ صيانة 5000 للفيرنا عشان نصابين و دلوقت عامل 45000 و مافيش اي مشاكل و كدة موفر حوالى 4 او 5 الاف جنية غيرت بيهم الجنوط و الكوتش و صيفت فى شرم الشيخ فندق كونكورد و اتبقى فلوس كمان انا مش عارف ازاى فى حد بيروح الصيانة دى و يدفع دة كلة على الفاضى حاجة غريبة

[M.Osman]

هي حاجة تحرق الدم انها تتخبط جوة التوكيل ...
بس برضه الف حمد و شكر ليك يا رب انهم غيروه (مع انه طبعاً مش هيكون زي الأصلي اللي كسروه)

واضح ان سمعة غبور مش من فراغ