جروب كفاية فيرنا بقا ... على الفيس بووك حاجة مسخرة بجد

[Karim_Monir]

بغض النظر عن الجروب والتهريج اللي فيه
انا ركبت الفيرنا دي اول دفعة خرجت من مصانع غبور في 2004
لما كانت بتنزل بالموتور 1600 وعفشة النترا 2004
او دفعة اتسلمت وكانت ب 83 الف تقريبا
وكنت رايح بيها غبور فرع قليوب في صيانة ال 10 الالاف
انا جالي رعب من العربية دي اول ماركبتها مع اني كنت نازل من اكسيل
والاكسيل خفيفة بس كنت مجنطها ومركبلها مساعدين ياباني

الفيرنا كانت مراجيح على الدائري بجد بعد ال 120
وبتجري ومش بتقف وكنت رايح اشتكي من ضعف الفرامل وصاحبتها تقولي هيا كدة ما تتعبش نفسك
من ساعتها بخاف منها جدا ومابحبش اشد مع حد راكب فيرنا
ببقي خايف عليه بصراحة

[sha2e]

العفشة الكونى والجنوط العريضة مومو وكسحات وبويلر نضيف..الفيرنا بقت هوندا

لكن هل العفشه والجنط والسبويلر هما الل هيوقفو العربيه ؟؟
كل اللى حضرتك بتقول عليه ده هيديك ثبات

وعلى فكرة الكسحات ملهاش اى تأثير غير انها بتدى شكل حلو وبتحك فى المطبات
اللي بيدى بعض الثبات للعربيه هيا البادى كيت مش الكسحات

[moh_kamal67]

الفيرنا عربية موتورها متوحش بالنسبة لحجمها ، ومتوحش اكثر بالنسبة لوزنها ، انا عندى اخبار ان الفيرنا بتجيب اكثر من عدادها 40 كم ، ممكن تمشى على 220 او 240 ، طيب بعجل 13 ، مستحيل وبالخفة دى مستحيل ، وكثير من اصحابنا الفيرناوية قفلوا بيها 200 مستريح ، طيب ، لما هى موتور النترا 2007 وحجمها اصغر من الالنترا ( عرض قاعدة العجل) واقل جنط للالنترا 15 الى 17 ، نعمل ايه فى ثبات العربية دى ، سحبتها مميتة ، طلقة موجهة ، تحس ان العربية هاتفرتك نفسها ، لا تناور بها ابدا ، هاتعرض منك ، حلها فى جنوط وعجل اكبر ، قلابات هواء للتثبيت ،وفرامل قوية ومانع انزلاق ، هى رائعة الاداء(غزال منطلق ) فهد فى الانقضاض ، لازم يركبها ناس عاقلين قوى لانها تدفعك للسرعة فعلا ،تسحبك بنعومة تلاقى نفسك على 120 فى وسط البلد ، هنيئا لمالكيها موتورها الرائع ، وخالوا بالكوا تروحوا سالمين ، ودمتم طيبين

[PoweRPassioN]

طيب انا بس عايز اسأل
لو انا مثلا جبت فيرنا وغيرت المساعدين الاربعه بمساعدين كوني
وجنوط مومو 16
هتبقى العربيه آمنه؟؟
ولا فيها مشكله في الشاسيه ف توزيع الوزن؟؟
ولا هي محتاجه ديسكات اكبر وتعديل في الفرامل؟؟

الكلام دا لا يتعدى 10 - 15 الف فوق تمن العربيه يعني مش مشكله اوي لو على مراحل

أيه رأيكو؟؟

[evoo90]

انا عن نفسى من اشد المحتقرين للعربيه دى
مع كامل احترامى لمالكين العربيه دى
وماحدش يزعل منى
دى عربيه زباله جدا ولا حتى اشتريها ب 10 جنيه
مش عارف ازاى دى عدت من اختبارات التصادم
موتور بسم الله ماشاء الله 1600 جبار متركب على ورق ومافيش مواصفات امان خالص
شوفوا اختبار التصادم:

http://www.youtube.com/watch?v=gPtCthI5RTg&

feature=related
ولاحظوا انها مش سريعه كمان

[ahmad--ezzat]

وعلى فكرة الكسحات ملهاش اى تأثير غير انها بتدى شكل حلو وبتحك فى المطبات
اللي بيدى بعض الثبات للعربيه هيا البادى كيت مش الكسحات

الكساحات بتققل الهواء اللى بيدخل تحت السيارة فبالتالى العربية متخفتش على السرعات العالية..بس طبعا لازم بتركب صح وبطريقة فنية؟؟؟ مش الكسحات بس..البودى كيت عموما

[samcar]

http://www.facebook.com/group.php?gid=57658403085
اللينك دة يا جماعة اكتشفتو بالصدفة

الجروب دة فى حوادث الفيرنا من السرعات دة غير اللى بيشتمو فى العربية ..والجروب فية مواصفات العربية ..من الاخر الجروب دة ضد العربية دى ..
اية رايكو فية..انا عن نفسى دخلت اتفرج على الصور..ربنا يكفينا شر الحوادث يارب

من الاخر عربيه تعباااااااااانه - وكفايه انها من غبور

[AHMEDCAR]

عاوز اقول حاجه واحده بس الفيرنا و اللانسر اكتر عربيات امله حوداث فى مصر حاليا ليه علشان هما اكتر عربيتيين منتشريين فى مصر فى الوقت ده و ده كمان بجوار استهبال مظم الشاب لكن عمرك شوفت واحد كبير ركب العربيه دى و عامل بيها حدثه موت


بصراحه جروب اهبل اوى

[AHMEDCAR]

اللى بيقول على العربيه انها تعبانه تاعب فسه ليه و بيدخل على التوبك بتاعها

[AHMEDCAR]

بغض النظر عن الجروب والتهريج اللي فيه
انا ركبت الفيرنا دي اول دفعة خرجت من مصانع غبور في 2004
لما كانت بتنزل بالموتور 1600 وعفشة النترا 2004
او دفعة اتسلمت وكانت ب 83 الف تقريبا
وكنت رايح بيها غبور فرع قليوب في صيانة ال 10 الالاف
انا جالي رعب من العربية دي اول ماركبتها مع اني كنت نازل من اكسيل
والاكسيل خفيفة بس كنت مجنطها ومركبلها مساعدين ياباني

الفيرنا كانت مراجيح على الدائري بجد بعد ال 120
وبتجري ومش بتقف وكنت رايح اشتكي من ضعف الفرامل وصاحبتها تقولي هيا كدة ما تتعبش نفسك
من ساعتها بخاف منها جدا ومابحبش اشد مع حد راكب فيرنا
ببقي خايف عليه بصراحة

اتفق معاك با كريم باشا فى كل كلمه انت قولتها

بس عاوز اقولك حاجه واحده بس حاول تجرب العربيه دى بجنوط 15 مش هاقول 14

لان العبد لله جربها بجنوط غير جنوط الاستوك بتاعتها و كانت 14 و فعلا فى فرق كبير دا جدا جدا سواء فى الثبات او الفرامل

الثبات كان ممتاز بال 14
الفرامل اتحسنت نسب بسيطه لكن مش حلوه اوى برضو

جربتها بال 16 اكاد جزم ان العربيه بقيت عربيه تانيه خلص من حيث الثبات او الفرامل


كلمه واحده بس عاوز تركب فيرنا غير الكاوتش التعبان اللى ركب فيها و خلى ايدك فى الكاوتش الامامى على طول بمعنى كل 40 الف غير الفردتيين الل دام علشان تاخد من العربيه دى اداء متميز

[PoweRPassioN]

الثبات كان ممتاز بال 14
الفرامل اتحسنت نسب بسيطه لكن مش حلوه اوى برضو

جربتها بال 16 اكاد جزم ان العربيه بقيت عربيه تانيه خلص من حيث الثبات او الفرامل

طبيعي بس كدا الشد بيها بقى اكيد بطيييييييييء موت ولا ايه؟؟

[AHMEDCAR]

بالعكس الشد كان احسن بكتير لان الجنوط الجديده خفيفه بالتاى الحمل على الموتور خفيف


و طول ما الاوزان الغي منبوطه كان خفيف يبقى اداء الفرامل و التسارع احسن

[evoo90]

ياشباب ازاى تجيبوا العيب علينا دى عربيه ساقطه فى اختبارات التصادم وكفايه اللى بنشوفه منها على الطرق وده يخلينا نحكم عليها كويس
بأمانه اللى عمل العربيه دى مابيفهمش اى حاجه فى اى حاجه
العربيات دى مش بتتصنع كده اى موتور على اى شاسيه وخلاص
اهم حاجه بتحطها المصانع العالميه قدام عنيها لما بتصنع عربيه ان يكون جسم العربيه قادر على التغلب على قوه الموتور يعنى يكون الايرودينامك بتاعها عالى
(واطيه على الارض عشان تبقى اقرب من مركز الجاذبيه - وتكون عريضه اكبر مسافه ممكنه بين العجلات وده مثلا ليها تعلا اقف كده وحط رجليك الاتنين جنب بعض وخلى حد يزقك جامد اكيد هتقع بسهوله لانك مرتكز على حيز صغير من الارض غير لما تفتح رجليك وتخلى حد يزقك هيبقى ارتكازك اعلى وبالتالى ثبات اعلى - ده غير مداخل ومخارج الهوا وزاويه ميل البربريز الامامى والخلفى وارتفاع العربيه من ورا ) وكمان لو قلنا العربيه خفيفه وموتور كبير طب كبر الفرامل ظبط العفشه لكن ازاى بقى الكل فرحان ومبسوط
الله عربيهشكلها حلو وموتورها 1600 الله ورخيصه كمان وكله بيشترى
ياجماعه العربيه ساااااااقطه فى اختبارات التصادم وتعتبر ماخدتش ولا نجمه
نصيحه ماحدش يفرح بيها ويشتريها واللى عاجباه بقى ربنا يكون فى عونه

[AHMEDCAR]

ياباشا العربيه واخه 3 او 4 نجوم فى اختبارات التصادم بصراحه مش فاكر اوى و هما غالبا 3
معلش انا داخل من الموبيل بكره ان شاء الله هاجيبلك الفديو بتعها

[samcar]

اللى بيقول على العربيه انها تعبانه تاعب فسه ليه و بيدخل على التوبك بتاعها

علشان يكسب ثواب ويحذر الناس من غبور