باركولي أخيرا...استخرت وتوكلت وحجزت النيو اكسنت

[midoonesaid]

الف برك ياباشا

[Samah AbdAllah]

الف مبروك هى عربية شيك وجميلة ابقا قولنا اخبارها معاك ايه

[Bossy_Fadl]

الف مبروك عليك مقدما

عربيه جميله جدا و انا شخصيا بفكر فيها

حد عنده فاكرة هل الاتوماتيك بتاعها حلو و لا لا؟

[aladdino35]

ملاحظات من اكسنتاوي جديد

الله ينور عليك يا باشا....جزاك الله خيرا

3( - جرب التكيف و السنتر و متنساش وصلة الـ USB
الخاصة بالكاسيت و جرب الكاسيت و و فتح و قفل الابواب من جوه و من بره ..

4 - متنساش الايريال و الاستبن و شنطة العدة ودفتر الضمان و الكتالوجات
5- وأستلم العربية الصبح علشان فى أخ معانا أكتشف انه بعد ما استلم العربية لاقى فيها رطوش سودا و مش بتطلع
6- خد معاك شويه خمسات فكة علشان الناس اللى هتغلس و تيجى تغسل و تمسح العربية
7- متنساش الهدايا الى مع العربية .. دواسات و غطاء العربية و شماسة .. هما حاجات بسيطة و مش عارف ده فى المعارض كمان ولا فى التوكيل بس)

انا دفعت ثمن العربية 77000 جنيه امبارح الاحد في غبور شارع السلطان حسين بالاسكندرية وسئلت عن الهدايا بس الرد كان " يمكن يكون في المعرض مش التوكيل علشان التسويق بس مش في التوكيل!!!) هل من تعقيب؟
كمان سئلت عن البطارية وقالوا انها بطارية جافة 36 امبير وانها جاية كدة من بلادها...هل هناك عربيات فيها بطاريات جافة 45 امبير واخري 36 امبير؟
كمان قالولي ان لازم اروح اشيك علي الكاوتشات واظبط الهوا عند اي حد قبل ما الروح ارخص...
انا مستني المبايعة وقالوا خلال يومين تلاته.....لسه برضه ما فيش حد بيدي توقيت محدد....وكمان العربية عندهم لانهم قالولي اذا حبيت اخدها اروح اتأجر نمر مؤقته فأنا فضلت استني كمان 3 ايام وسبت العربية عنديهم والظاهر ان كل اللي حيروح حيتفرج عليها وربنا يستر ما تتبهدلش....

[mhmdsfwt]

متشكر يا جماعة على ردودكم
والعربية ما شاء الله جميلة جدا

[a2morsy]

الف مبروك يا باشا ربنا يباركلك فيها ويكفيك شرها
انا ان شاء الله ناوى اشتريها ادعيلى ربنا يوفقنى

[Samah AbdAllah]

يلا عقبال حضرتك وان شاء الله نقولك قريب مبروك