Getz 2010

[bareeq300999]

انا حاجز عربيه جيتز 2009 اتوماتيك بفتحه سقف من احد معارض السيرات فى مصر وهستلمها ف 15 مايو ان شاء الله
لكن رجل المبيعات النهارده كلمنى وقاللى انا عندى ليك مفاجاة وهى ان العربيات اللى هتوصل 2010 مش 2009 لكن من غير فتحه سقف
بس انا دورت على النت وملقيتش اى حاجه عن 2010 ايه رايكم اتوكل على الله واشتريها ؟
وكمان هل ضمان غبور اللى هو ال 3 سنوات ده بيسرى على كل الهيونداى حتى لو مش هشتريها من عنده؟
ارجو الافاده وشكرا

[mecho_392]

انا حاجز عربيه جيتز 2009 اتوماتيك بفتحه سقف من احد معارض السيرات فى مصر وهستلمها ف 15 مايو ان شاء الله
لكن رجل المبيعات النهارده كلمنى وقاللى انا عندى ليك مفاجاة وهى ان العربيات اللى هتوصل 2010 مش 2009 لكن من غير فتحه سقف
بس انا دورت على النت وملقيتش اى حاجه عن 2010 ايه رايكم اتوكل على الله واشتريها ؟
وكمان هل ضمان غبور اللى هو ال 3 سنوات ده بيسرى على كل الهيونداى حتى لو مش هشتريها من عنده؟
ارجو الافاده وشكرا

بص هو كده ممكن يكون احسن له يبيع من غير فتحة السقف علشان مكسبه يزيد... ((((بس)))) ده لو فعلا فى 2010 ممكن يكون بيألف لان بدرى اوى عليها خصوصا ان السوق مضروب بالجزمة.. يعنى لو قلت فى شهر اغسطس او سبتمبر هقولك معقول لكن مش فى شهر 5 (دا احنا حتى كنا لسه فى 4 )

و ممكن يكون هيخليك تنتظر لحد اغسطس او اكتوبر و يقعد يأجل.

انا لما اشتريت ال i10 2009 فى شهر يناير اللى فات... العربية نازل على الورق الابيض اللى بيحمى الكبوت مختوم august 08 يعنى كانت فى المصنع و لسه مخرجتش اثناء التجميع لحد شهر 8!!!

لو العربية موجودة تبقى فرصة حلوه انك تمشى بيها قبل موديلها و هتبيعها بسعر افضل. لكن حاول تنزل فيها,, بلاش تسيب فرق فتحة السقف يعنى خد ال 2010 اغلى من ال 2009 (العاديه) ب 1000 او 2000

[moh_kamal67]

على حد علمى مفيش جيتز 2010 لان تم احلالها بi20 اللى هى وريثة الجيتز ، هى هى بس مع التعديل ، واجهه بالحقيقة دى وخليك مصر على 2009 بفتحة سقف يا باشا ، والله اعلم

[bareeq300999]

انا كلمته تانى وهو اكدلى كلامه
طب ازاى اتاكد لما استلمها انها 2010
وموضوع ضمان غبور ده هيسرى عليها والا لا؟

[ahmad--ezzat]

ياترا بقا لو نزلت 2110 هتبقى 1800 سى سى بقا ولا اية

ارحمنا يعم غبووووووووووووووووووووووووووووووووووووووووووور

[MRBEBO]

كلام مش منطقي خالص يا باشا

2010 ايه بس موديل السنة الجديدة اعتقد مش بينزل قبل شهر 8 او 9

[MEMES]

بيبان فى ورق الافراج الجمركى بس اتاكد انها كورى مش هندى