الفيرنا بتجيب 120 على Rpm كااااام ؟؟؟

[EslaM_NagY]

طيب طمنا طلع من إيه ولا لسة معرفتش !!! سألت فى الصيانة ولا !!!!

لسة للأسف اليومين دول المشى كله جوة البلد مش عارف انطلق

بس بطلع عينها يعنى فى نص المشوار اجمعلى اولانى تانى ثالث والنقل على ار بى ام 5.5 بس جيه بفايده مبدئيا العربية فايقة 24 ساعة.

وانا فى صيانة ال30 الف قولت لمهندس الاستقبال وكان الحوار كالتالى :
انا : العربية بتجيب 120 على 4.5 على الرابع بدل 4.
المهندس : بصلى كان فى صاعقة نزلت على دماغه وهو واقف " انت بتجيب 120 على الرابع " ؟
انا : اه
المهندس : غللللللللللللللللط يا فندم انت اول متجيب ال80 تديها الخامس ( ومنظره كانى خاطف ابنه وبقوله هات فيدية مليون جنيه من الخضة ).
انا : انت عبيط ولا ايه ( فى سرى طبعا ).
المهندس : عمموما حبقى اكشف على الموتور بالكومبيوتر لما نشوف لو فيه حاجة.
انا : طيب ( بقول فى سرى امال لو عرف انى بجيب 160 على الرابع حيعمل فيا ايه ؟؟؟ )

الكلام دا فى ابو رواش.

على فكرة RPM 4 حلو مش وحش متذعلش يعنى فى عربيات كتير ذى الانسر 1300 وهى على 60 بيكون ال RPM داخل على ال 4 !!!!

بس هى برضو بتعمل حاجة غريبة
على على ار بى ام 3 على الثانى مثلا كان زمان بتبقى 40 بالظبط دلوقتى 43 كدة
والثالث 63 بدلا من 60
الرابع 63 بدلا من 80

يعنى المفروض الموتور ابتدى يفتح ولا ايه ؟؟

[عزيز محمد]

السلام عليكم ورحمة الله

باشمهندس سبعاوى كان قال قبل كده يا جماعة إن لو سيارة معينة بتجيب سرعة 90 كم على طريق معين مثلا على الغيار الرابع على rpm 2 مثلا، فهى ستظل هكذا مالم يتلف الموتور أو تتلف اسطوانة الدبرياج، وده كلام منطقى بصراحة لإن الموضوع متعلق بنسب تخفيض صندوق التروس ونسبة تخفيض الديفرينشال ودى نسب ثابتة لاتزيد ولاتنقص.

وبالتالى - وفقا لما سبق- فإن تفتيح الموتور مش هيؤدى لإن سرعة 90 كم تيجى على rpm أقل (مع ثبات بقية العوامل الأخرى)

أنا فهمى البسيط جدا لتفتيح الموتور - اللى هو القرص على الغيارات بصورة متدرجة - هيؤدى لإن الموتور (المتفتح) يقدر يجيب عدد لفات أكبر من الموتور (الغير متفتح) (مما يؤدى للوصول لسرعة قصوى أعلى)، وكمان يقدر يوصل لعدد اللفات الكبير ده بصورة أسرع (مما يؤدى لتحسين التسارع).

ياترى الكلام ده صح ولا غلط. أرجو التعليق.

[atamim]

الغيار الاول من 0 الى 20
التانى من 20 الى 40
التالت من 40 ل 60
الرابع من 60 ل 80
الخامس من 80 للاعلى

غير كدة يبقى اسمة تسارع يعنى يتحول للنقلة الى بعديها فى قيمتها

يعنى التانى مشيت لحد 60 و نقلت على التالت طيب التالت اصلا اخرة الطبيعى 60 يبقى انت بتدخل غيار سرعة فى الغيار الى بعدة فبتقرص على الماتور و تحرق بنزين على الفاضى لان كدة كدة انت حتنقل للجير الاعلى

اى عربية ماتورها ممكن ما يتعملهوش اى عمرة حتى و لو بعد مليون كيلو علشان بتحافظ علية

و انا البيجو ال 504 الى كانت معايا متعملهاش اى عمرة من 30 سنه علشان كنا بنستعملها بما يرضى ربنا

لدرجة مرة رحت الساحل الشمالى و رجعت استهلاك بنزنها كان 10 كيلو ل كل 1 ليتر بنزين 80

[AHMEDCAR]

تفتتيح الموتور بيؤدى اللى تسارع اعلى لكن مش بيغيره rbm

[semsem_uno]

يا مان انت خنقت الموتور :))) انا عندى 120 ع الرابع 3.5 !!!
حاول كل اسبوع تفتح النقلات ع الصحراوى بس ما تضخدش
الاول 50
التانى 90
التالت 130
الرابع 170 وكفاية كدة
وقلتلك مرة واحدة كل اسبوع
وجيب السرعات دى بسرعة مش واحدة واحدة

انا باعمل كده بالأونو بس 1 بجيب 40 و التاني 70 و التالت 115 او 120 و الرابع لحد بعد كده و ساعات مبيبقاش فيه مكان ادي خامس
بس فعلا بحس ان النقلات بتطول معايا بعد كده و صوت الموتور مش عالي زي الأول

[semsem_uno]

يا مان انت خنقت الموتور :))) انا عندى 120 ع الرابع 3.5 !!!
حاول كل اسبوع تفتح النقلات ع الصحراوى بس ما تضخدش
الاول 50
التانى 90
التالت 130
الرابع 170 وكفاية كدة
وقلتلك مرة واحدة كل اسبوع
وجيب السرعات دى بسرعة مش واحدة واحدة

انا باعمل كده بالأونو بس 1 بجيب 40 و التاني 70 و التالت 115 او 120 و الرابع لحد بعد كده و ساعات مبيبقاش فيه مكان ادي خامس
بس فعلا بحس ان النقلات بتطول معايا بعد كده و صوت الموتور مش عالي زي الأول
بس مش كده علطول ده كل اسبوع او اسبوع و شوية او ساعت الشد و ده نادر

[EslaM_NagY]

يا رجالة انا طلعت عين العربية قرص وبرضو زى ما هيا.

انا شكلى حبتدى ازعل منها

ممكن افكها باتنين ماروتى.

ههههههههههههه

[bebo12125]

صباح الفل على كل الشباب الموجودين

حخش فى الموضوع على طول
انا معايا فيرنا 2007 - 1600 ماشية حاليا 30 الف

العربية اووول ما اشتريتها كنت بجرب العربية بتجيب ال120 على الرابع وبكرررررررر الرابع على rpm كام وكان كل مرة بتجيها على 4 بالظبط.

لحد كدة كويس جددددددددا

من اسبوع كدة قولت يا واد ما تشوف اخبار ال120 ايه لقتها زعلتنى :h_angry[1]: وبتجيب على 110 على rpm 4
وبتجيب ال120 على 4.5 يا ترى دا من اييييييييييييييييييه؟؟؟؟

مع العلم اخويا بينقل على 3000 بالشعرة
وانا غالبا 3500 واحيانا 4000 وناااااااادرا 5000.

حد يفهمنى ايه الى بيحصل لو سمحتوااا :b4_611:

على كلامك ده بداية تلف فى اسطوانة الدبرياج و على فكرة ده الاحتمال الكبير
وحتلائى كمان زيادة فى استهلاك البنزين
والله اعلم

[EslaM_NagY]

على كلامك ده بداية تلف فى اسطوانة الدبرياج و على فكرة ده الاحتمال الكبير
وحتلائى كمان زيادة فى استهلاك البنزين
والله اعلم

جوة البلد 10 كيلو فى اللتر
سريع + تكييف 14 كيلو.


بس لو اسطوانة المفروض سحب العربية يقل بس هو زى ما هو من يوم ما جت.

انا ححاول احسب من 0-100 اشوفها فى كام ثانية.

وساعتها حيبقى فى كلام تانى

[ashouhdy]

جوة البلد 10 كيلو فى اللتر
سريع + تكييف 14 كيلو.


بس لو اسطوانة المفروض سحب العربية يقل بس هو زى ما هو من يوم ما جت.

انا ححاول احسب من 0-100 اشوفها فى كام ثانية.

وساعتها حيبقى فى كلام تانى

يا باشا متوجعش دماغك طالما العربية كويسة ... الحالة التانية غير الاسطوانة انك تكون غيرت الكاوتش بمقاس اكبر

[bebo12125]

جوة البلد 10 كيلو فى اللتر
سريع + تكييف 14 كيلو.


بس لو اسطوانة المفروض سحب العربية يقل بس هو زى ما هو من يوم ما جت.

انا ححاول احسب من 0-100 اشوفها فى كام ثانية.

وساعتها حيبقى فى كلام تانى

انا قصدى بداية تلف فى الاسطوانة يعنى حدث تاكل بسيط فيها مش معنى كده انها باظت خالص
ومعنى كلامك انك كنت بتجيب 120وrpm على 4 والان بتجيب 120 وrpm على 4.5 يبقى السحب قل فعلان
وده يمثله ذيادة فى استهلاك الوقود لان الموتور سرعته ذادت 500لفة وسرعة العربية زى ماهيا 120

[EslaM_NagY]

آخر التطورات

الرابع rpm 4 السرعة 118

محدش يسألنى ازاى عشان انا مش فاهم دماغ العربية دى ايه !!!!!!!

[AHMEDCAR]

ماهو ده لطبيعى انت لو على الخامس بيكون 120 و الار بى ام اقل من 3.5 بسنه بسيطه يبقى بالتالى لو على الرابع يكون على ار بى ام 4 طبيعى جدا

[EslaM_NagY]

ايوة انا قصدى انها ظبطت لوحدها.

بدون تدخل جراحى هههههههههههه

[AHMEDCAR]

لا اكيد انت فى الاول كنت بتكبس على البنزين مش كنت بتخليها بتجيب السرعه لوحدها واحده واحده

عموما مبروك ياباشا