ارجو منكم النصيحة

[Hamlet]

المصرية لاستغفال المصريين !

على فكرة كمان كل الاسعار اللى بينشروها فى الاعلانات ده غير صحيحة و ضحك على الدقون لاستدراج الزبون للمعرض و بعدين يكروته بأ كلام ..

[PAYOO]

أه نسيت اقول حاجة فعلا بلد زبالة

أكيد طبعا أنت مش قصدك البلد كلها إللي بيمثلها أنت وأنا و والدك ووالدي وعيلتك وعيلتي أنت أكيد تقصد المعارض إللي بتغش وتضلل الناس
ولا أيه ؟


وعلى فكرة يا جماعه مش معرض المصرية للسيارات بس إللي بيعمل كده صدقوني كل المعارض بقت كده خلاص

[Hamlet]

طبعا

اكيد طبعا فى مصر بتاعدة " دول " .. و مصر بتاعة " دولهم " .. و مصر بتاعة " دوكهم " .. وكلنا فاهمين ...على فكرة انا هاملت ... لكن مصرى .. لا انجليزى .. و لا امير دنماركى :D :D
و الموضوع ليس شخصى و لا يتعلق بالمصرية بالذات فكثير من شركات السيارات تقوم بذلك.. انا بتكلم على System او نظام كامل يقوم على محاولة الاستغلال و خداع الزبون و تحقيق فقط اكبر ربح ممكن .. فحتى الرأسمالية فى الغرب لها قوانين واضحة و تتعامل بشرف و تعمل على كسب الزبون على المدى البعيد و ليس مص دمه على طريقة ملعون الذكر دراكيولا !!![/b]

[temoo_110]

واللهى يا استاذ هانى انا لما بقول بلد زبالة مش بقصد الناس كلها
انا بس قصدى الجشع وعدم المبدأ والسرقة اللى عينى عينك وعدم وجود ضمير وعدم وجود خوف من الله
كل التجار والمستثمرين عاوزين يكسبو باى طريقة ممكنة والشعب الغلبان ده يموت مش مهم وده اللى احنا شايفينو دلوقتى
كفاية انه حتى مفيش مرقبة من الحكومة من اللى بيحصل وكله عايش فى مولد صاحبوه غايب

[ahmed1981]

Re: طبعا

فحتى الرأسمالية فى الغرب لها قوانين واضحة

طيب لو الواحد عايز يشتري كاش
يعمل إيه
السوق محتكر ومقسم بالإحتكار بين مجموعة من البشر الواصلين يفعلون ما يشاؤون
والقوانين والجمارك والضرائب تفصل على مقاساتهم
ولنا الله وكفى بالله وكيلاً

[Ahmed Anwer]

حضرتك ادام فلوسك كاش الموضوع بسيط
تنزل تلف في المعارض اللي اكتر من الرز بس بشرط تشوف العربية أدامك و تعاينها ميقولكش هابعت اجيبها
و تقعد تكلم مع الراجل و تفاصله و تديله الفلوس و تاخد العربية
انا عملت كده لما اشتريت عربية المدام لفينا علي كام معرض من اللي مالين مدينة نصر و اللي لاقينا عنده الفيرنا جاهزة و بسعر أرخص كمان من سعر الوكيل بخمسميت جنيه ، خلصنا معاه و خدنا العربية في نص ساعة