النترا مانيوال بين الندرة والسعر

[sameh.acc]

قررت بحمدالله انى اشترى النترا مانيوال بعد مقارنات دامت العديد من الشهور وحين الذهاب لغبور وجدت الصدمة مافيش مانيوال نععععععم ؟! دة كان رد فعلى الضغط كان على المانيوال اكتر من الاتوماتيك وللاسف سألت فى صالات عديدة نفس الاجابة وفية ناس قالتلى لو لقيتها ممكن توصل تمنها لتمن الالنترا الاتوماتيك او ع الاقل مش هتقل عن 97-98 وبجد زعلت اوى لانى كنت خلاص نويت الشراء فى خلال يوم او يومين ياريت من الاعضاء الكرام اللى عندهم النترا واتعاملوا مع معارض كويسة يقولولى الاقيها واجيبها من انهى معرض علشان للأسف نادرة اوى وانا اما شفتها فى التوكيل من جوا اتوهمت ماشاء الله كانت تحفة فنية واقفة برجاء المساعدة :( :( :(

[r0xer]

أسأل في المصرية، كنت فيها قريب و حد كان بيسأل عن إلينترا 2007 مانوال و أعتقد موجودة.. أسأل في فرع المعادي الفرع الرئيسي لهم .

و أسأل في معرض الفادي اللي في مكرم عبيد برضو عندهم إلينترا 2007.

بس أنا غير مسؤول طبعاً عن المعارض دي لأنها مش التوكيل و مفيش أحسن من التوكيل طبعاً...

لو محتاج تليفوناتهم أنا تحت أمرك .

ربنا يديك خيرها ويكفيك شرها

[sameh.acc]

الله يخليك يا أخ روكسر على سرعة الرد ياريت ارقام التليفونات ويارب الاقى فيها المانيوال حضرتك متعرفش موديل 2008 منها هينزل امتى اتأخر اووووى الماتركس نزل منها 2008 ولسة الالنترا ياريت لو حضرتك تعرف معلومات عن نزول موديل 2008 يبقى كتر خيرك وشكرا مرة اخرى على سرعة الرد والأهتمام وربنا يباركلك

[r0xer]

الفادى للسيارات دي تلفوناته

22879139 أو 22879137

و عندك فور برازر معرض مشهور و كان واخد جوايز من فترة في مبيعات بعض العربيات

المهم دي أرقامه

22700011
22727211

و طرق الإتصال بالمصرية كتيرة و أختار أقرب مكان ليك من هنا

http://el-masria.com/contactus.html

زود 2 لو كنت هتتصل بمكان في القاهرة..

بخصوص الإلنترا 2008 فمنزلتش لسة و أعتقد التوكيل المصري "غبور" هينزلها في بداية السنة مش دلوقتي "مجرد توقع"، و للعلم فشكلها هو هو 2007 لا يوجد أي تغيير بالمرة من ناحية الشكل..


و حظ طيب إن شاء الله .

[sameh.acc]

ربنا يكرمك يا اخ روكسر ويباركلك فى صحتك وشكرا على المساعدة انا هتصل بيهم وهبقى اقولك الاخبار اول بأول وربنا يسهل واجيبها لانى والله فعلا تعبت كتير من كتر التدوير واما رسيت عليها وملقيتش مانيوال زعلت اوى ألف ألف شكر

[osman hisham]

للأسف حايحولوا يستغلوك و يبيعولك أغلى ...
نصيحه أشترى الأوبترا موجوده - توكيل أحسن - أتوماتيك أرخص من ألنترا مانويل -

[sameh.acc]

لا حول ولا قوة الا بالله

سألت فى الفادى وفور برازر والمصرية كلهم اجمعوا ان العربية مش عندهم والاراء تفاوتت بين انها هتنزل كمان اسبوع واللى يقول كمان شهر بس اجمعوا برضة على انها هتبقى النترا 2008 وهتزيد السعر بتاعها مبدأياُ ألفين جنية بجد مش عارف انا اللى نحس ولا جيت فى وقت مش مناسب اشترى العربية خلاص اتعقدت مينفعش استنى شهر كمان هيبقى صعب اوى اوى :roll:

[أبو عبدالله]

شوف اختيارات تانيه ما يمكن نصيبك كده وربنا يريد لك الخير في كل الأحوال ان شاء الله

انصحك بالأستخارة كثيرا حتى توفق للخير ان شاء الله

[sameh.acc]

اختيارات تانية زى اية يا ابو عبدالله بس تكون فى حدود السعر او متعديش 100.000 انا كنت بقارن بين السوبارو بس للأسف فية شوية عيوب نزلتها من المقارنة زى الندرة لقطع الغيار برة التوكيل و مبهمة تحس انها غامضة مش معلوم عنها كتير لكن فى المقابل فيها مميزات زى الثبات و الدفع الرباعى والامان و و و و بس للاسف الحلو مايكملش لو حد ياجماعة يعرف عربية مناسبة لفئة شبابية 21-30 سنة وتكون كويسة ومناسبة للشد والجرى والثبات والمناورة ياريت يساعدنى وياريت تكون فى حدود ال 100 :(

[sameh.acc]

فعلا كله نصحنى بصلاه الاستخارة وباذن الله خاصة اننا فى ايام مباركة (رمضان) هجربها وربنا يباركلك يا ابو عبدالله ويارب الاقى العربية المناسبة علشان والله فعلا تعبت من كتر التدوير وشوية شوية هتعقد واقول مش عايز عربية وخلينى فى القديمة لحد ماتنزل حاجة مناسبة للاسف السوق الايام دية مذبذب فى الاسعار والموديلات لان دية فترة تغيير موديلات السنة

[Ahmed Anwer]

أوبترا أفضل إختيار في الفئة دي

البروتون بموديلاتها برده هتناسبك جدا كفاية إنها نازلة بجنوط عريضة سبور

يا إما تبص في الماركات الأوربية الله يرحمهم الفيات و السيات و الفولكس

[sameh.acc]

الاوبترا للأسف اللى موجودة فى مصر متستاهلش الفلوس اللى هتدفع فيها مع احترامى لاصحابها ومحبيها فى حالة واحدة تبقى الاوبترا الاختيار المثالى اما يغروا شكلها او ينزلوا موديل الماجنوم بتاعها ساعتها هتبقى شكل واداء ومشكلة الثبات بتاعها دية ممكن تتعالج بعدين بجنوط وكاوتش عريض يكون معدل ال grip بتاعه عالى وبرضة هيبتفضل فيها مشكلة الا وهى مشكلة speed limit العربية مابتزيدش فيها السرعة عن 180 بالنسبة للاوبترا و 165 بالنسبة للأفيو اظن ان شركة جينيرال موتورز عاملة كدا لان العربية لو stock وزادت عن السرعة دية مش هيبقى فيه ثبات وهيبقى بتعوم للصبح علشان كدا حطوا speed limit الاوبترا كانت من اوائل الاختيارات اللى قدامنا بس للاسف سمعة جينيرال موتورز جابتها الارض بسبب ان مواتيرها مبنية على مواتير وعفشة النوبيرا والانوس اللى هى مع بعض التعديلات البسيطة ا( انا مبقولش انها وحشة بالعكس مواتيرها التسارع بتاعها ممتاز ممتاز لانها تكنولوجيا المانى ) لكن للأسف مافيهاش ولا معدلات امان ولا ثبات و الكماليات بتاعتها لو اتقارنت بكماليات الالنترا يبقى الالنترا تكسب بالنسبة للسعر ( يارب ميعلوش السعر اكتر من كدا بتوع غبور ) ممكن استنى لحد نزول الالنترا 2008 والسوبارو 2008 السيدان على شهر 1 او 2 بالكتير نظرا لتأخر نزول موديل سوبارو سيدان 2008 لنجاح الموديل الحالى ربنا يستر

[mina_ramsis]

بالتوفيق ان شاء الله و تلاقى الالنترا بس ليا استفسار صغير

ومشكلة الثبات بتاعها دية ممكن تتعالج بعدين بجنوط وكاوتش عريض

ممكن اعرف مين اللى قال لحضرتك ان الاوبترا مش ثابته

لكن للأسف مافيهاش ولا معدلات امان ولا ثبات و الكماليات بتاعتها لو اتقارنت بكماليات الالنترا يبقى الالنترا تكسب بالنسبة للسعر

ايه اللى فى الالنترا زياده عن الاوبترا فى معدلات الامان و الثبات و الكماليات
انا عارف طبعا ان الاوبترا مش هتناسبك خالص علشان الشكل و ديه مسألة ازواق بس انا بتكلم فى حقائق مش فى الشكل
شكرا ليك جزيلا و اسف على الاطالة :D :D

[abou_sama]

انا شفت المانيوال فى اسكندرية خليجى بسعر 101000.00 جنية وبها ايرباج للسائق

[sameh.acc]

ردا على مشاركة الأستاذ hoko_mosha والله حضرتك دة اللى سمعتة عن النوبيرا انها اساسا مبنى عليها الاوبترا ونفس الشاسية ونفس الموتور مع بعض التعديلات فى الموتور واعطاءه اسم جديد اظن ETEC II بعد ماكان ETEC بس وعن تجربة النوبيرا بلا استقرار بعد 130-140 ولا اعرف مالسبب وراء هذا التعويم واثناء بحثى فى المنتديات وجدت تلك الاراء المتعلقة بعدم استقرار الاوبترا ايضا لما تحتوية على شاسية النوبيرا وبصراحة الرأى دة دخل دماغى علشان نفس الشاسية والعفشة لان استقرار اى عربية اظن انو كلو متعلق بالعفشة والشاسية والوزن ,,,, :!:
اما بالنسبة لعوامل الامان فئبات الالنترا غنية عن التعريف استاذ Hossam Mounir كان جايب بيها 200 و فية صورة تثبت ذلك ربنا يحفظو ويحفظهالو من كل شر ودة عنوان الموضوع http://www.nilemotors.net/Forum/viewtopic.php?t=6939
وغير كدا حضرتك بقى لو قارنت ال CRASH TEST بتاع الالنترا وبتاع الاوبترا هتشوف الفرق :shock: ولو حضرتك شفت الاختبار بتاع الافيو مش هتصدق هحاول ادور على الفيديو بتاع الاختبارات واعرضها فى مشاركة هنا
اما بالنسبة للكماليات فمن اسمها يعنى حاجات مكملة وبتبقى موجودة فى الكثير من السيارات لكن اللى بتختلف الجودة فيها يعنى مثلا كل العربيات تقريبا الجديدة بيبقى فيها تكييف بس فية مثلا تكييف عادى ببكر وتكييف تاتش اتوماتيك اهم حاجة بتبقى فى الكماليات جودة التصنيع والخامات FIT AND FINISH ودية بدون نقاش لصالح الالنترا
اما بالنسبة للعربية فهى حضرتك تناسبنى :lol: بس بعد مايتركبلها جنوط لان ماشاء الله موتورها العزم بتاعة يتحسد تحفة وبجد حاططها فى المنزلة التانية بعد الالنترا وكنت اأمل انى الاقى هنا منها فى مصر الموديل الماغنوم ودية صورتها :shock: :( http://www.chevrolet.co.in/content_d...in-display.jpg وشكرا لك مرة اخرى على الرد وربنا يكرمك