ايه الغلط في كده؟

[hasamonty]

بس خلاص والله مانا شاري حاجه مالها السكودا فورمان زي الفول والطعميه .....دانا حاسس ان انا عملت ثوره في المنتدي و ناس تسلم ناس بس بجد استاذ حسام منير بجد باله طوييييل و محترم جداا و انا هجيب النترا بس عشان انا بجد من كلامه وثقت فيه بس عارف لو حصلها حاجه


الاستاذ نادر بيتريق علي الكلام بتاعي ان انا قلت فول و طعميه.....و قفل الموضوع عشان الموضوع خرج عن محتار اجيب ايه ؟؟؟مانا خلاص هجيب النترا بس بجد المناقشه كانت مفيده وانا استفدت جدا و خصوصا من الاستاذ حسام منير....بس دايما احنا بنبس للسلبيات و علي العموم حصل خير
_________________
HaSaMoNty

[Kisho]

ا/ hasamonty

شكرا لمشاركتك و الف مبروك مقدما
و الاهم ربنا يباركلك فبها و يكفيك شرها ان شاء الله

[Nader]

الاستاذ نادر بيتريق علي الكلام بتاعي ان انا قلت فول و طعميه

فين التريقة؟؟ وانهي موضوع اللي انا قفلتة؟ يا ريت توضح

[hasamonty]

اللي هو محتار ايب ايه؟؟ مع ان والله اتقال فيه كلام مفيد جدا جدا جدا

[Nader]

اولاً يا اخي العزيز انا لم اقم بغلق هذا الموضوع، ثم اني لم اختلف معك ان للموضوع فوائدة، وهو لم يحذف ومتاح مشاهدتة للجميع، ولاكنة قد تحول الى جدال وسخرية من "احد الاعضاء" وهو الشئ الذي لا ترضاة لنفسك فلا ترضاة لغيرك وذلك بالاضافة لمخالفة القواعد التي تحكم الحوار والمشاركات الهادفة بيننا كي تسود اجواء الحب والمودة فيما بيننا جميعاً.

ثم انك لم تجب عن سؤالي يا اخي العزيز، اين السخرية في ردي؟

[hasamonty]

يعني ان انت كنت بتقول ان هي وصلت للفول والطعميه فكان لازم الموضوع يتقفل انا مش خرجت انا كنت بهزر والفافيه تحكم ولا انت مش بتحبه تهزروا مع ان دمكو خفيف

[hasamonty]

انا رأي ان الموضوع كان ممكن يكتفي بتحذير من الادمن و خلاص

[Nader]

يعني ان انت كنت بتقول ان هي وصلت للفول والطعميه فكان لازم الموضوع يتقفل انا مش خرجت انا كنت بهزر والفافيه تحكم ولا انت مش بتحبه تهزروا مع ان دمكو خفيف

طيب يبقى انا مش بسخر من كلامك الي هو اصلاً سخرية مش كدة ولا اية، عموماً في شكوي مقدمة وهيتم النظر فيها.

[hasamonty]

ديه مش شكوي حد برده يشتكي من ناس زي العسل زيكو ..ده كان عتاب بسيط عشان تتوخو الحظر بعد كده يعني عتاب عادي بين صحاب :D

[Ahmed Anwer]

هيا فعلا مش شكوي يا استاذ نادر
بس فعلآ اسلوب غلق الموضوع ده بيحسسنا إن شوية غجر و البوليس جه لمهم
و احنا في الآخر ضيوف و انتم اصحاب البيت
ممكن تنبهونا بأسلوب أظرف شوية
ليك كل التحية و الإحترام

[Nader]

مفيش حاجة اسمها انتوا اصحاب البيت والكلام دة، احنا كلنا عيلة واحدة وهدفنا الافادة المتبادلة في اطار الحب والمودة ورمضان كريم :)

[eng / AhmeD]

انت مشرف ممتاز يا نادر
8)

[Chicco]

كلمة حق واجبة و تحية صادقة لمشرفين المنتدي خاصة الأخين الفاضلين محمود و نادر علي إعادة فتح الموضوع إللي سبب سوء التفاهم الأخير.
يا ريت الناس كلها(و الحدق يفهم) تتعلم منهم كيفية إدارة الإختلافات و عدم التشبث بالرأي و مصادرة الرأي الآخر