Tweet
ارجو الرد من السادة الاعضاء مالكي ((نيو اكسنت))
يا جماعة انا عايز اعرف هي النيو اكسنت المريات بتعتها كهربة ولا عادي
انا مقتنع جدا بالعربية بس انا اتصدم لما س كل الهيلمان دا والمريات عادية مش كهربة
ارجو من السادة الاعضاء الاهتمام بالرد
شكرااااااااااااا
-
يا جماعة انا عايز اعرف هي النيو اكسنت المريات بتعتها كهربة ولا عادي
انا مقتنع جدا بالعربية بس انا اتصدم لما س كل الهيلمان دا والمريات عادية مش كهربة
ارجو من السادة الاعضاء الاهتمام بالرد
شكرااااااااااااا -
المرايا عادية مش كهرباء سواء المانيوال او الاتوماتيك
و بصراحة انا مش فاهم انت مكبر الموضوع كدة لية ، انا بعتبر المرايات الكهرباء دى اقل اوبشن لة قيمة .
يا سيدى ابقى تعالى على نفسك و اظبطها بأيدك .. مش صعبة يعنى
و بعدين المرايات اكتر حاجة فى العربية عرضة للخبط و الكسر .. لو كهرباء هتبقى مشكلة و تغييرها مكلف و محتاج شغلانة ، انما العادية كبيرها الكف الازاز ب 50 او 60 جنية و تركبها بنفسك كمان و شكرا .[B][SIZE=3][I]الثورة[/I] شىء جميل يفكر لها الاحرار ويقوم [I]بها[/I] الشجعان [I]ويفوز[/I] بثمارها [I]الانتهازيون[/I][/SIZE][/B] -
شكرا لاهتمامك
انا مش مكبر الموضوع ولا حاجة بس يعني انا شايف انها حاجة تفهة بردو بس لية معملهاش
طب اه تقيم حضرتك للعربية انا ناوي اشتريها بس اوتومتكComment
-
فى تقييمات و تجارب كتير للاعضاء موجودة بالمنتدى ممكن حضرتك تشوفهاالمشاركة الأصلية كتبت بواسطة mizamega مشاهدة المشاركة
و هتلاحظ ان القاسم المشترك بين الجميع هو الرضاء التام عن العربية و مفيش حد معاة العربية حصل معاة مشكلة او طلعلة عيب من اى نوع .
العربية اعتماديتها عالية جدا و فعلا من النوع ال heavy duty - هتديك ثقة لابعد الحدود سواء فى الاداء و القوة او جودة التقفيل او الكماليات - مستوى جودتها عالى بالنسبة لسعرها .
مميزاتها باختصار ممكن نحصرها فى الاتى :
1- موتور ناعم و قوى و تسارع ممتاز فى نفس الوقت يعطى قدرة حصانية تبلغ 112 حصان بتكنولوجيا الجيل الثالث cvvt و التكنولوجيا دى مش موجودة فى اى عربية فى نفس الفئة او الشريحة السعرية يعنى هتلاقيها فى الالنترا و السيراتو و الموديلات الاعلى و فى التويوتا و الهوندا نازلة فى الفئات العالية باسماء تانية .
2- استهلاك البنزين جيد جدا بالنسبة لموتور 1600 يعنى فى اصعب ظروف القيادة من شد و حرق و زحمة الصفيحة بتعمل حد ادنى 200 كم داخل البلد و لو القيادة هادية الصفيحة بتعمل من 240 الى 265 كم داخل البلد .
3- تقفيل كورى بالكامل اكثر من ممتاز و لا يتناسب مع سعرها بالمقارنة بمثيلاتها فى نفس الفئة السعرية .
4- كماليات جيدة ( باور - زجاج كهرباء - سنتر - انذار - تكييف قوى لا يأثر على السحب - حامل اكواب امامى و خلفى - اماكن تخزين كثيرة - جراب نظارة - عداد رحلات - عجلة القيادة قابلة للتعديل - زجاج خلفى حرارى - مصدر كهرباء اضافى )
5- ثباتها جيد جدا لغاية 140 و جيد لغاية 150 - 160 ( حسب الطريق ) و يبتدى يقل كل ما السرعة زادت .
6- العمر الافتراضى لقطع غيار موديلات هيونداى الجديدة بما فيها الاكسنت عالى جدا قريب لليابانى بس لسة الموضوع دة مش هيتعرف بين الناس الا بعد فترة ، بس انا متابع النيو اكسنت من سنتين و نصف مع زمايلى فى الشغل متغيرش فيها اى حاجة غير اللى فى الصيانات الدورية .
7- التوكيل جيد و متسمعش لكلام حد لغاية ما تتعامل معاة و تقارنة بباقى التوكيلات هتعرف قيمتة .
8- العربية سعرها تحفة بالنسبة لامكانياتها و اعادة بيعها جيدة .
9- قطع غيارها - هى مش رخيصة و مش غالية يعنى متقدرش تقول رخيصة زى اللانوس بس نفس مستوى اسعار العربيات الموجودة حاليا زى الشيفرولية .
بس النقطة دى انا شايف انها هتتغير فى المستقبل القريب لان العربية انتشارها بيزيد بشكل سريع و دة هيخلى قطع غيارها متوفرة برة التوكيل باسعار جيدة .
10- العزل جيد جدا ، و الاكصدامات من النوع الذى يمتص الصدمات يعنى لو خبطة بسيطة انشاءاللة مش هتلاقى حاجة لان الاكصدام راكب على فوم مقوى يمتص الصدمات .
لو عايز اوتوماتيك - توكل على الله - اختيار موفق و مش هتندم انشاءالله .[B][SIZE=3][I]الثورة[/I] شىء جميل يفكر لها الاحرار ويقوم [I]بها[/I] الشجعان [I]ويفوز[/I] بثمارها [I]الانتهازيون[/I][/SIZE][/B]Comment
-
هي المرايات بتاعتها كبيره جدا ف في الزحمه عرضه للخبط وعامه المرايه ب 350 اوريجنال
العربيه بدات تنتشرلها قطع غيار حلوه في الحرفيين وفي اكتر من محل
انا لسه جايب لها اكصدام امامي تصنيع سعودي ب 150 جنيه
اكصدام فعلا غرييييييييييب ب 150 وانضف بكتييير جدا جدا من الصيني والماليزي والكلام ده وخامته قريبه جدا جدا من الاوريجينالComment
Comment