مساعدين للفيرنا

[dr_hitman]

انا عندى فيرنا وال 4 مساعدين ضربو زيت وعايز اغيرهم
سألت الميكانيكى اللى هات kyb عشان يابانى بس فى ناس قالت ان المونرو احسن منها وعليها ضمان......وبعدين فكرت اجيب الاصلى بتاع غبور لقيتهم ضعف السعر بس الصراحة فضلو 4 سنين زى الفل
انا فعلا محتار فياريت حد يقوللى انهى الاحسن عشان هنزل اجيبهوم كمان يومين

معلش انا مكرر الموضوع عشان فى قسم الورشة محدش عبرنى فياريت حد يعبرنى هنا عشان مستعجل على الموضوع ده

[analyzer]

رئى الشخصى اذا كنت فى نفس موقفك هعمل الاتى
اذا كان فرق السعر بين المونرو والاصلى كبير هجيب المونرو اما اذا كان بسيط هجب الاصلى بتاعها بس مش من التوكيل من بره التوكيل .
بس فى علامة استفهام عندى . ازاى الاربع مساعدين يدربو زيت مره واحده مع بعض
حصل موقف مشابه معايا وهو ان المساعدين الى ورا بدئو يخبطو فى المطبات جامد . روحت مركز خدمة كشفت قالى عايزين يتغيرو قلتله شكرا ومشيت روحت للميكانيكى الى بتعامل معاه ظبطهم والدنيل بقت وردى من غير ما اغير
فخد بالك كويس واتاكد الاول انهم ضربو ومش نافعين

[Moh.Abdelbaset]

طيب أسعار المساعدين للفيرنا كام ؟
أحسن العربية عندي عايزة مُساعد أمامي شمال

[dr_hitman]

رئى الشخصى اذا كنت فى نفس موقفك هعمل الاتى
اذا كان فرق السعر بين المونرو والاصلى كبير هجيب المونرو اما اذا كان بسيط هجب الاصلى بتاعها بس مش من التوكيل من بره التوكيل .
بس فى علامة استفهام عندى . ازاى الاربع مساعدين يدربو زيت مره واحده مع بعض
حصل موقف مشابه معايا وهو ان المساعدين الى ورا بدئو يخبطو فى المطبات جامد . روحت مركز خدمة كشفت قالى عايزين يتغيرو قلتله شكرا ومشيت روحت للميكانيكى الى بتعامل معاه ظبطهم والدنيل بقت وردى من غير ما اغير
فخد بالك كويس واتاكد الاول انهم ضربو ومش نافعين

الف شكر يا باشا بس انا خلاص جبت المساعدين kyb ب 950 جنيه وعلى فكرة الاصلى من غبور بيعدى2000
وعلى فكرة هما كانو بيضربو زيت واحد ورا التانى بس انا اعدت كتيييير اوى مطنش بس افتكرت لما كلهم باظو.....وبعدين لما يفضلو 4 سنين و يعملو 130,000 كيلو يبقى كفايا عليهم كدة ولا ايه

[masrawy_online]

الف مبروك على المساعدين
وياريت تقولنا فية فرق جامد عن الاول ولا لا
وطبعا الاحساس قبل ميضربو المساعدين
وكنت عاوز اعرف نوع المساعدين بتوع غبور اية

[dr_hitman]

الف مبروك على المساعدين
وياريت تقولنا فية فرق جامد عن الاول ولا لا
وطبعا الاحساس قبل ميضربو المساعدين
وكنت عاوز اعرف نوع المساعدين بتوع غبور اية

الله يبارك فييك
بص هو فى فرق كبير طبعا بس مش الفرق اللى هيخلى العربية المانى يعنى كدة كدة فيرنا برضو
المساعدين بتاعة غبور هيونداى كورى حسب كلامهم بس سعرهم غريب اوى الصراحة معدى ال 2000 مش عارف ليه كدة .......يعنى لما ركبت ال kyb حسيت انهم كويسين جدا زيهم زى الاصلى ويمكن احسن