خبطة مشتركة للماتريكس

[szrateb]

أنا من المعجبين جدا بالسيارة الماتريكس وربنا يدبر وأقدر اشتريها قريب ولكن لاحظت أن سيارات ماتريكس كثيرة مخبوطة في مكان واحد وهو تحت الفانوس الخلفي الشمال وساعات الخبطة بتكون طايلة الاكصدام وساعات لأ رجاء من أصحاب الماتريكس تأكيد هذا الموضوع أم أن هذه مجرد تهيؤات ولو كان هذا الموضوع صحيح فهل هذا بسبب مشكلة في الرؤية مثلاً أم بسبب آخر

[thegreatnileman]

العربية مش ممكن تشوف مقدمتها وانت سايق مابتشوفش بعد المساحات حاجه من العربية

[szrateb]

لكن الخبطة التي اقصدها من الخلف وليس الأمام!!!

[الريس]

غالبا مشاكل ركن يا باشا

[General]

اساسا الهيونداى دى صندوق كرتون بيمشى بسرعة هه شوية انا اسف بس دة رأى فيها

[PAYOO]

اساسا الهيونداى دى صندوق كرتون بيمشى بسرعة هه شوية انا اسف بس دة رأى فيها

إلى الأخ جينيرال إللي ساكن في أرض أم السيد

عاوز الفت نظرك لحاجه مهمة جدا وهي أنك لو عاوز الناس تحترم رايك ومداخلاتك يبقى لازم تكون مداخلاتك بها نفس القدر من الأحترام الذي تصبو إليه

[abdofawzy]

Re: خبطة مشتركة للماتريكس

أنا من المعجبين جدا بالسيارة الماتريكس وربنا يدبر وأقدر اشتريها قريب ولكن لاحظت أن سيارات ماتريكس كثيرة مخبوطة في مكان واحد وهو تحت الفانوس الخلفي الشمال وساعات الخبطة بتكون طايلة الاكصدام وساعات لأ رجاء من أصحاب الماتريكس تأكيد هذا الموضوع أم أن هذه مجرد تهيؤات ولو كان هذا الموضوع صحيح فهل هذا بسبب مشكلة في الرؤية مثلاً أم بسبب آخر

السلام عليكم و رحمة الله
الماتريكس تصميمها مختلف شويه عن السيارات السيدان يعني ما بتكون شايف الشنطه و اول العربيه بوضح زي العربيات العاديه
طبعا مع الوقت بتاخد عليها و تحفظ ابعادها كويس لكن في البدايه هيكون الركن عايز حرص شويه
الماتركس عليها اقبل من السيدات كبير جدا فطبعا هتلاقي موضوع الركن ده فيه مشاكل كتير عندهم
انا ليه ملاحظه احب اقولها في العربيه دي تحديدا
اتا فضلت فتره طويله جدا اسأل عن العربيه قبل ما اجيبها و كل الرد حاجه من اتنين
يا اما تأييد شديد جدا و شكر في العربيه
يا اما ناس تحسسني اني اغبي انسان في العالم اني افكر اجيب عربيه تعبانه و ناشفه و فيها كل عيوب الدنيا زي الماتريكس

ما كنش في رأي متزن ابدا
المهم بعد فتره طويل تأكدت ان كل الي بيعيبو في الماتركس ولا عمرهم ركبوها (ودي مش مبالغه)
والي بيشكرو فيها همه اصحابها
لكن العربيه عموما زي اي عربيه لها ميزاتها و عيوبها
اول عيب فيها انها تنتمي لمستر غبور لكن ده مش عيب كبير لأن واضح ان معظم التوكيلات في بلدنا نفس القطعيه الا من رحم ربي
تاني عيب ان مستر غبور شايل منها كمية اوبشنز غير طبيعه!! كانت كفيله انها تخلي العربيه من افضل و اكثر العربيات رفاهيه في مصر بس طبعا ده كان هيأثر على سعرها
انا كان نفسي يسيب الحجات الأساسيه زي الأير باج و ABS والحجات دي!
اكتير عيب انا شخصيا بعاني منه هوه ان العربيه من جوه اقصد التابلوه و الأبواب و الكلام ده حساسه جدا جدا جدا يعني بتتخربش بسهوله جدا (ده رأي شخصي)
اما موضوع ان البودي من بره ضعيف اعتقد معظم العربيات الحديثه كده
ولو عندك اي اسأله انا تحت امرك
عبدلله

[مدحت منيب]

كلام عبد اللة دا كلام خبرا . صح 100% و مش عارف ازود اى حاجة .. غير الف شكر

[casperinoo]

سيارات ماتريكس كثيرة مخبوطة في مكان واحد وهو تحت الفانوس الخلفي الشمال

انا قولت مقريتها افتكرت عربيه بتركن قدام البيت عندنا ومخبوطه في المكان ده((بس ده اكيد صدفه))
:lol:

[ferari]

كلامك صحيح تماماً يا sezrateb
ودة نتيجة أن أبعاد الماتريكس صعبة شوية لما بتجيب مارشدير

ودية مشكلة لما بتكون داخل الجراج تحت العمارة وبتتحرك فى مكان ديق جداُ - الواحد يلاقى نفسة خبط فى عود من غير لما يأخد بالة لأنة مش شايف خلفية السيارة

على فكرة الماتريكس برة ليها كماليات كثيرة من ضمنها مراية بالخلف أعلى الشنطة كى ظهر خلفية العربية زى الموجودة فى الميكروباص الهيونداى القدية - مع فارق السيار طبعاً
وهنا تلاقى الباركينج سينسور مفيد أوى فى الحالات دية

والأصعب من كدة هى أن مفيش سمكرى يقدر يصلحها نتيجة أنها علبة مغلقة ولسي لها ملكة

ولو حد يعرف أزاى ممكن تسمكرها يكتب ويعرفنا - وجزاة الله خير

[venus_beuty]

السلام عليكم اخواتى الأعزاء
دى اول مشاركة ليا فى المنتدى انا معايا ماتريكس 2008 ليها شهرين وانا شخصيا مبسوطة فيها اولا خوفتونى من توكيل غبور ثانيا موضوع الركنة دة شىء معتقدش انة صعب فى الماتريكس خصوصا مع وجود المرايات التحفة يمين وشمال واللى انا شخصيا حسيت انى مكنتش بسوق لما مكنتش بستعملها فى 128 وحبيت اشارككم ان عربيتى بعدت مااخدتها واحد كتر خيرة دخل فيا كسرلى الفانوس الشمال بس قدام وفعص لى الاكصدام بس دة لانى ثانية سرحت ومديتلوش كلاكس وهوة راجع بضهرة بس اعتقد دى صدفة ملهاش علاقة بالموضوع المشكلة انى هاضطر انى اروح التوكيل علشان اغير الاكصدام والفانوس على حساب التوكيل وربنا يستر بقى وكمان انا كسلت على صيانة الالف دى بصراحة طالما مفيش حاجة ظهرت فى العربية وحبيت كمان اكتبلكم بلون عربيتى النبيتى شكرا ليكم وياريت رايكم بقى اروح التوكيل ولا اعملها برة وتخرج من الضمان؟؟