اريد شراء نيو اكسنت وارجو المساعدة من مالكي الاكسنت

[sss2000]

في البداية احب اشكر رواد هذا المنتدي الرائع الي انا شخصيا استفدت منهم كتير وطالب منهم المساعدة
نويت ان شاء اللة علي شراء نيو اكسنت من عند ابو غالي اوتو موتيف لاني سمعت منكم انة توكيل محترم وهشتريها قسط ان شاء اللة بس التامين عندهم غالي 4% من قيمة السيارة فهل تنصحوني اامن عنده والا في شركة تامين خارجية وتنصحوني باي شركة
ولكم جزيل الشكر

[sss2000]

اية يا جماعة فين الردود محدش رد عليا لية

[aladdino35]

انا لسه شاري العربية دي من يومين ورخصتها من يومين لمراتي بالاسكندرية. بصراحة انا كنت سألت كتيير عن العربية هنا في المنتدي بس مفيش حد رد مباشرة علي اساس ان موضوع الاكسنت بيتناقش في الموضوع الخاص بتقييم الاكسنت وما عليك غير تتبع الوضوعات الخاصة بيها.
كمان انت لازم تشرح احتياجاتك في العربية امكانياتك علشان الناس تقدر تساعدك
انا مش حقدر اديك تقييم للعربية دلوقتي علشان مش انا اللي راكبها وحاليا انا مش بالاسكندرية علشان اجربها بس خلال اليومين اللي عدو كان انطباعي جيد عنها من حيث انها عملية عائلية واستهلاك بنزين داخل البلد معقول وعاليه عن الارض مع قوة موتور 112 حصان وكمان هي الافضل من حيث السعر بالنسبة للفئة بتاعتها.
لو فيه اي حاجة اقدر افيدك بيها مستقبلا ان شاء الله حكتب الرد هنا علطول
مع اخلص امنياتي با لاختيار الموفق
والسلام

[sss2000]

شكرا لحضرتك علي الرد بس حضرتك اشتريتها كاش والاقسط

[aladdino35]

انا اشتريتها كاش

[ezzatfox]

4% تأمين .. كتير قوى ..
انا مأمن تبع مصر للتأمين ب 2.5%

[kh_elwakel]

في البداية احب اشكر رواد هذا المنتدي الرائع الي انا شخصيا استفدت منهم كتير وطالب منهم المساعدة
نويت ان شاء اللة علي شراء نيو اكسنت من عند ابو غالي اوتو موتيف لاني سمعت منكم انة توكيل محترم وهشتريها قسط ان شاء اللة بس التامين عندهم غالي 4% من قيمة السيارة فهل تنصحوني اامن عنده والا في شركة تامين خارجية وتنصحوني باي شركة
ولكم جزيل الشكر

لو سمحت يا باشا فين مكان توكيل ابو غالي و هل هو فرع واحد و لا موجود في كذا حته؟؟

[sss2000]

توكيل ابو غالي موجود في اماكن كتيير مصر الجديدة والمعادي والعبور دول الي انا عارفهم

[kh_elwakel]

اولا الف شكر علي ردك

حضرتك تعرف عنوان ابو غالي اللي في مصر الجديده ؟ و رأيك اجيب من ابو غالي ولا غبور؟؟