أستفسار من مالكي نيو أكسنت .. عاجل جداااا

[dark_smoky]

الحقيقة يا جماعة السيارة بجد تحفة عن اللي بسمعه عنها .. و انا بفكر اشتريها .. و االي خلاني افكر فيها اكتر هو ان التقفيل مش مصري ... أسوء حاجه هنا التقفيل المصري .. فلذلك انا مقتنع بيها جدا هي و الاوبترا لأنهم عربيات تحفة و تقفيل محترم جدا .. لكن انا ميال اكتر للنيو أكسنت عشان فرق السعر بينها هي و الاوبتر فرق مش قليل.

لاكن أهم حاجه عايز أعرفها في العربية هو الاتساع من الداخل (الصالون ) لأني انا طويل187 و مش رفيع اوي و مش اي عربية ببقي قاعد مستريح فيها و يا تري مشوار الكرسي بتاع السواق للوراء مسافة كويسة و لا لأ و اللي قاعد ورا اخباره هتبقي ايه، و هل المساحة الداخلية اكبر من اللانوس و ايه اخبار الفتيس الاوتوماتيك فيها .. تمام ولا ؟؟،، للأسف مش لاقي فرصة اني اركبها حاليا عشان احكم.

و اكون شاكر جداااا علي سرعة الرد و اعطاء تفاصيل

[ezzatfox]

الاتساع جيد جدا .. مش هيعمل مشكلة بالنسبة لحضرتك .. مشوار الكرسى كبير .. بس لو رجعتة جامد طبعا هيأثر على اللى قاعد وراك .

بس نصيحتى ليك فى النفقطة دى بالذات لازم و لابد تشوف العربية بنفسك و تقعد فيها و انت اللى تحكم .
بالنسبة للاوتوماتيك زى الفل محدش جابها و اشتكى من اى حاجة بل بالعكس الكل راضى عن ادائها .

[falcon191]

أن شايف ان اتساعها كويس و انت ممكن تجرب بانك تدخل أي معرض وتتفرج وتدخل العربية و تشوف اذا كانت مناسبة لك ولا لأ

[dark_smoky]

طيب ممكن اعرف هي اوسع ولا اللانوس مثلا ؟؟؟

[falcon191]

طيب ممكن اعرف هي اوسع ولا اللانوس مثلا ؟؟؟

والله أنا سمعت انها أوسع من اللانوس