هشتري نيو أكسنت و محتاجة مساعدتكم ...

[moha2223]

really hyundi is not a good car,i have matrix before and after 70000,,all the defects apprear,motor is not good,suspension too bad,a/c bad,and i think u can but yaris manual half option for 85,000 ,i think it is much suitable to u more than accent,any way it is just an advice ,80000 is not easy to paid them again:)

[ezzatfox]

مين قال ان اليارس احسن من النيو الاكسنت ، هل عشان اليارس يابانى و الاكسنت كورى يبقى مسلم ان اليارس احسن - دة منطق غريب تعالى شوف العربيتين و قارن بينهم و حكم عقلكاليارس 84 حصان - بودى ضعيف (ورق) - خفيفة جدا و ثباتها ضعيف - استهلاك جيد جدا للبنزين ( الميزة الوحيدة ) النيو اكسنت : 112 حصان - بودى قوى - ثبات جيد - تقفيل محترم - اوبشن اعلى - تكنولوجى اعلى (cvvt) و التكنولوجى دى موجودة فى التويوتا بردة بس فى الموديلات الاعلى مش فى اليارس ( تحت اسم vtec ) - استهلاكها للبنزين جيد جدا و احسن استهلاك بالنسبة للسيارات 1600ccو فى الاخر تلاقى اليارس اغلى ... عشان كلمة يابانى .. بصراحة خسارة فيها الفلوس و لو زى ما حضرتك بتقول انها مش معمرة مكانش غبور مد فترة الضمان و خلاها 100000كم و العربية بقالها 3 سنين و مفيش حد من ملاكها لغاية دلوقتى اشتكى منها على الاطلاق

[ezzatfox]

و دة موضوع لملاك اليارس بيتكلموا عن عيوبها يا ريت تبص علية

http://www.nilemotors.net/Nile/showthread.php?t=76216

[moha2223]

i think u have to read what hyundi owner car say about their cars,hyundi parts full of complain from hyndi car but the only complain from yaris is satability after 120 and i think this is the max speed we can ride in egypt by,concerning the motor,can u tell me what u do with 112 hp or 83 hp,the fact is the motor is suitable for the car body no how much it is,also u say that the technolgy for motor for hyundi is more better than yaris.i doubt of this

[ezzatfox]

i think u have to read what hyundi owner car say about their cars,hyundi parts full of complain from hyndi car but the only complain from yaris is satability after 120 and i think this is the max speed we can ride in egypt by,concerning the motor,can u tell me what u do with 112 hp or 83 hp,the fact is the motor is suitable for the car body no how much it is,also u say that the technolgy for motor for hyundi is more better than yaris.i doubt of this

اولا يا ريت يبقى الكلام بالعربى ... يبقى احسن ..
على العموم ردى على كلامك : المنتدى قدام حضرتك .. يا ريت حضرتك تجيبلى اى شكوى صدرت من ملاك النيو اكسنت عشان يبقى الكلام واضح .. معتقدش انك هتلاقى حاجة .
فى المقابل الشكوى من اليارس تعدت عيب عدم الثبات و دة نص احد الشكاوى من ملاك اليارس :
طيب يا جامعة اسطوانة وديسك وبلية غيروهم وبعدين نفس العيب ظهر تانى خلال اسبوع

الرعشة فى الطلوع

السحب ما يعلم بيه الا المولى

الفتيس فى الغيار بيطلع صوت غريب ؟( حديد فى حديد)


اعمل ايه بجد قرفت منها جدا


نييجى بقى للنقطة اللى حضرتك اثرتها و هى ان مهما بلغت قوة الموتور مش هتحتاج القوة دى كلها لان مش هنزود عن 120 .

معلش انا لما بشترى حاجة لازم اشوف اية الفرق و المميزات و اية الاقوى و الاجود و الارخص .. يعنى ماشتريش حاجة اقل بتمن اغلى .
و بعدين القوة دى انت فى الغالب فعلا مش بتحتاجها بس ساعات بتبقى فى عرض ثانية و عايز عربية تسعفك و ساعتها القوة دى هتستخدمها و هيبقى ليها قيمتها ، و بعدين لما امشى على 120 بمزاجى و انا عارف انى لو حبيت امشى على 200 العربية مش هتقول لا .. غير لما اكون ماشى على 120 - 130 اجبارى و غصب عنى و هو دة اخر العربية .. بردوا الموضوع بيفرق .

اما بخصوص تكنولوجيا الماتور فدة مش كلامى ممكن حضرتك تدخل على اى سايت و تعمل بحث و اتأكد بنفسك

[creative]

متفق تماما مع كلام الاستاذ عزت

[falcon191]

طبعاً يا جماعة من ثقتي الكبيرة في الناس هنا فمحتاجة منكوا نصيحة

ورد على سؤالين يهمني جداً اعرف اجباتهم.

اولاً: ان شاء الله انا خلاص هشترى نيو اكسنت خلال شهر او بعد شهر بالكتير,

فكنت عايزة اعرف حاجتين عشان انا جديدة في موضوع العربيات دا:

1. اشتري من التوكيل (غبور) ولا من ابو غالي (ناس كتير شكرت فيه)
ولا من معرض سمعته كويسه؟

و هل دا هيفرق في حاجة بعد كدة زي الصيانه او العروض الى بيقدمها التوكيل كل فترة؟؟؟

2. المفروض ارخص الأول ولا اامن ,, ويا ريت حد يقولي عن تجربة انظف شركة تأمين

.انا مش عايزة حاجة اكتر من 2000 جنيه و يكون في سرعة في الاجراءات
(لو حصل حاجة لا قدر الله), وخدمة عملاء محترمة

----------------------------
شكراً مقدماً على اي مساعدة.. و ان شاء الله اطمنكوا اول ماشتريها

:oc_sun1[1]:

1- ربنا يوفقك في الشراء ويباركلك وعلى فكرة أول عربية الواحد بيكون محتار شوية في الاختيار لأن لسه مفيش خبرة ، بس أنا معايا النيو أكسنت والحمد لله العربيه زي الفل
2- أنا أفضل الشراء من التوكيل عن أي معرض عادي ،وأنا اشتريت من غبور بس معرفش ايه ظروف أبوغالي
3- أول ما تستلمي العربيه ان شاء الله تأمني الأول مباشرة وبعدين ترخصي
4- بالنسبة لشركات التأمين أنا لا أثق فيهم وأنا اضطررت للتأمين لأني اشتريت بالتقسيط

[falcon191]

نسيت أقول يا ريت تبعدوا عن شركة الحرميه للسيارات

[ahmed_gouda]

بالنسبة لشركات التأمين أنا لا أثق فيهم وأنا اضطررت للتأمين لأني اشتريت بالتقسيط

ممكن حضرتك تقول لينا انت قسطت من مين و ايه اخبارهم و الفايده و المقدم كاااام و معلش هل فيه حظر بيع او نسخه مفتاح و ممكن رقمهم معلش انا اسئلتي كتيره

[falcon191]

ممكن حضرتك تقول لينا انت قسطت من مين و ايه اخبارهم و الفايده و المقدم كاااام و معلش هل فيه حظر بيع او نسخه مفتاح و ممكن رقمهم معلش انا اسئلتي كتيره

أنا قسط تبع بنك cib والبنك ده لسه جديد في موضوع تقسيط السيارات ودوخوني شويتين لغاية الموافقة أما الفايدة 8% وكانوا قالولي في الأول 7% بس ده هو أسلوب شياطين البنوك اللي بيسموهم مندوبين أما المقدم بيبتدي بـ 20% من تمن السيارة وكل متفع أكتر كل ما يقل القسط معاك
طبعا في حظر بيع ماهو البنك بيضمن حقه من الناحية دي
نسختين المفاتيح معايا والبنك مش بياخد نسخ
الرقم الساخن 19666 ويفضل تروح الفرع القريب ليك علشان تستفسر براحتك

لو فيه أي أسأله لا تتردد في مراسلتي
سلام يا باشا وربنا يوفقك

[buzzy]

1- ربنا يوفقك في الشراء ويباركلك وعلى فكرة أول عربية الواحد بيكون محتار شوية في الاختيار لأن لسه مفيش خبرة ، بس أنا معايا النيو أكسنت والحمد لله العربيه زي الفل

2- أنا أفضل الشراء من التوكيل عن أي معرض عادي ،وأنا اشتريت من غبور بس معرفش ايه ظروف أبوغالي
3- أول ما تستلمي العربيه ان شاء الله تأمني الأول مباشرة وبعدين ترخصي
4- بالنسبة لشركات التأمين أنا لا أثق فيهم وأنا اضطررت للتأمين لأني اشتريت بالتقسيط

بجد بشكرك على ذوقك.. وربنا يخليك

انا برضه بقول اني لازم اامن الأول.. اصل الحاجات دي مش مضمونة ..و ربنا يكفيك ويكفينا شر الطريق.

[salem2004]

السيارة ممتازة و أنا عندي موديل 2006 كنت شريها من التوكيل و أنا أفضل الشراء من التوكيل سواء فرع أبو رواش أو عمارات العبور- لا أنصح بالمصرية للسيارات إطلاقاً - و السيارة تمتاز بقلة إستهلاك البنزين حوالي 350 ك للصفيحة في الطوالي كما تمتاز بالثبات في السرعات أنا جربت حتى 140 ك/س ، إنما الكنبة إلى حد ما صغيرة مقارنة بالنوبيرا و دي السلبية الوحيدة من وجهة نظري في السيارة . بالنسبة لعروض الصيانة فهي تشمل جميع السيارات المباعة من أي شركة داخل مصر . بالنسبة للتأمين فيفضل التأمين قبل وضع لوحات الأرقام (الترخيص) و أفضل شركة بعد عدة تجارب مع شركات تأمين هي مصر للتأمين و بياخدوا 1.8% من قيمة السيارة طبعاً هما هيقولوا في الأول 2.5 % بس ممكن لو تعرفي حد أو تفاصلي معاهم ينزلوا لـ 1.8% زي مأنا عامل أو حتى 1.6% زي بعض أصدقائي عاملين و لا أنصح بشركات أخرى زي أليانز أو قناة السويس أو غيرهم لأن النسبة بتاعتهم عالية و مش كل مراكز الخدمة المعتمدة للصيانة بتتعامل معاهم ده غير إن مشاكلهم كتير

[kh_elwakel]

نسيت أقول يا ريت تبعدوا عن شركة الحرميه للسيارات

ياريت تقولنا يا باشا ايه مشكله شركة المصريه لأني كنت ناوي اجيب من هناك؟؟

[heshaaam]

الاكسنت حلوة وشيك جدا ومنتشرة وموتور

بس البنات بتجيب جيتز اريح ف الحجم وقطع الغيار

وكونتاكت تامينها كويس جدا

[salem2004]

ياريت تقولنا يا باشا ايه مشكله شركة المصريه لأني كنت ناوي اجيب من هناك؟؟

الشركة دي حسب ما سمعت من كذا واحد بتجيب السيارات الفرز الثاني أو اللي عملت حادثة قبل الترخيص أو أثناء النقل وتشتريها بسعر رخيص من التوكيل و بعدين تظبطها و تبيعها للزباين و أنت و نصيبك