صيانة أبو رواش - وشكر واجب

[osman hisham]

أحب أن أشكر م.عاطف و جميع أعضاء مكتبه الذين أهتموا بمشكلتى فى عربيتى اللألنترا و تم حلها فى مركز صيانة أبو رواش و كانت عبارة عن تغيير قطمة الدركسيون اللى كان يسبب لى صوت طرقعه مع لف الدركسيون .
و أيضا شكر لمهندسين الأستقبال على المقابله الجميله على الرغم من الأزدحام الرهيب مع العلم بأننى لم أتعرف على المهندس عاطف من قبل .
نصيحة لأى حد عنده مشكله فى عربيته التوجه الى أبو رواش و بلاش مركز القليوبيه لأنهم فعلا ما عندهمش خبرة و أتمنى من م. عاطف الأهتمام بهذا المركز حتى يخف من الضغط على أبو رواش .
م. هشام عثمان

[ashraf122]

مع احترامى الشديد لرائ حضرتك بس فعلا مراكز صيانة غبور اى كلام

[Nile_Storm]

مع احترامى الشديد لرائ حضرتك بس فعلا مراكز صيانة غبور اى كلام

و الله الراجل حكي عن تجربته
تقدر تقولنا ايه الي خلي حضرتك تقول انه اي كلام
ه فيه مره احتجت المهندس عاطف و لم يستجيب لك
مش فاهم ايه المشارك ه الغريبه دي

[AHMEDCAR]

مع احترامى الشديد لرائ حضرتك بس فعلا مراكز صيانة غبور اى كلام

ممكن اعرف عند حضرتك عربيه ايه الاول

و لو عندك هيونداى انت اتعاملت مع استاذ عاطف اللى الراجل بيشكر فيه

و لو معندكش يبقى انت بانى رايك على اساس ايه بالظبط

[MEMES]

هو لازم الواحد يجيب واسطه عشان عربيته تتصان كويس
المهندس عاطف راجل محترم جدا وادخلى شخصيا فى مشكله مع المبيعات
لكن مش معقول يبقى كل شويه مشاكل ونكلم المهندس عاطف
انا لى تجربه سيئه مع ابو رواش و رأى فيهم انهم مايستحقوش الواحد يعبرهم ويروحلهم تانى
و فعلا التلات صيانات اللى بعد كده عملتها فى مراكز معتمده وان شاء الله لما اشترى عربيه تانيه هشتريها هيونداى برضه بس خليجى
ودى نصيحه لوجه الله
غبور سئ جدا
ومشاكله كتير وغلطاته قاااااااتله
ومش مبرر انه بيبيع كتير وعليه ضغط
مهو بيكسب كتير
يعنى المفروض يكون فى اهتمام اكتر وكله بحسابه
مش اروح ادفع فلوس واتهان بفلوسى

[MEMES]

[info]
انا العربيه عامله معايا 5500 كيلو يعنى عملت صيانتين 1000 و 5000 وحكيلكم عن الاتنين
ال1000 حجزتها عند 850 و اخد ميعاد فى ابو رواش بعدها بتلات ايامو روحت فى الساعه المظبوطه وبالرقم اللى اخذته من الاوبريتور ودخلت لزقولى استيكر برقم تانى على المرايا قلت معلش
طبعا زحمه جدا كانك فى سوق الجمعه وكنت واخد معايا مراتى و مسافر فرحان ب اول صيانه
المهم وقفت نص ساعه والعمليه اخر تهريج ولا مشيين بارقام ولا حجه وكل ما انده على مهندس من بتوع الاستقبال (الاستهبال )يطنش وفين لما واحد اتكرم وقالى باقى على رقمك 3 ارقام وشويه لائيتهم بياخدوا عربيات بعدى ب 10 ارقام واتنرفزت وروحت للمهندس اكلمه فرد بشخيط
(اتكلم براحه انت هنا جاى عشان نعملك خدمه )
ايوه بالنص
(اتكلم براحه انت هنا جاى عشان نعملك خدمه )
منتهى قله الادب وقله الذوق وبعد ما استوعبت الصدمه اخذت العربيه و جريت اطلع من البوابه جالى بسرعه مهندس قال انه مدير الاستقبال ومعلش و ما يقصدش والمهم لانى كنت جاى من السفر(السويس )
و سالنى فى مشاكل فى العربيه فى حاجه مضيئاك منها؟
قلتله ايوه عيبها الوحيد انها من عندكم
المهم ربط العفشه وغير زيت 5000 و فلتر واستلمت بعد انتظار 4 ساعااات ودفعت 139 جنيه
وعملت شكوى واتصلت بالمهندس عاطف وانا اسف انى اقولكم الردود كلها ( تسجيد X تثبيت )

فى صيانه ال 5000 وانا طبعا ناوى ماروحش مراكز غبور تانى (وديه نصيحتى للكل )
ٍسألت عن تكاليفها فى غبور طلعت 130 مصنعيه غير الزيت والفلتر
قلت اسأل فى مركز الخدمه المعتمد اللى فى السويس وهو (مركز الغالى)
التكاليف 140 مصنعيه غير الزيت والفلتر
وحجزت وروحت فى نفس اليوم الساعه 11 الظهر
وياااااااااه على حلاوه الاستقبال والادب والاخلاق
دخلت قابلتنى انسه محترمه (استقبال بجد) واخدت البيانات والرخصه
و جه صاحب المركز ومعاه الفنى وربطوا بلاستيك لحمايه الدركسيون و الفتيس و دواسات للارضيه والازم كله
(على فكره كلهم لابسين يونيفورم لهيونداى يحسسك انك فى FORMULA1)
و جرب معاى العربيه وقالى ان الدبرياج عالى حاجه بسيطه (و دىه حقيقه )
وظبطه وربط العفشه وسألنى ان كنت عايز اعمل اى حاجه تانى
على فكره المركز رغم انه صغير لكنه قمه فى النظافه و الشياكه ومكان الانتظار مريح جدا
وكنت كل شويه ابص على العربيه وهى بتتعامل احلى معامله
وبعد ساعه وربع سلمولى العربيه واستـاذنى انه يحط استيكر لزيت شل و استيكر للمركز قلتله ده يبقى لى الشرف ودفعت المصنعيه المتفق عليها وثمن الزيت والفلتر فقط وروحت وانا فى قمه الزئططه
اسف للاطاله والحكم لكم[/info]

---

#ff0000
للعلم الموضوع مقتبس من مشاركتى فى التوبك دهhttp://www.nilemotors.net/Nile/showthread.php?t=67218
وهو موضوع ممتاز للعضوA.Saad بعنوان هل جربت مراكز الخدمة المعتمدة قبل كدة ؟ ادخل للاستفادة
وللعلم انا عملت صيانه ال10000 عندهم برضه والحمد لله مبسوط جدا ومش عايز اروح لغبور ابداااااااااااا

[Nile_Storm]

ياباشا ربنا يبسطك دايما
الفكره ان الموضوع ده الراجل عامله شكر للمهندس عاطف
لكن الموضو ع هو الي وسع و بقي عن مراكز غبور الي قتلت بحثا في مواضيع كتيره
فهمتني

[ezzatfox]

الراجل داخل يعمل شكر عشان حاسس انة حصل على خدمة جيدة من غبور
و فى اعضاء تانية ايدوة و انا كمان واحد منهم

الناس اللى قالت ان غبور سىء لدرجة انهم لن يتعاملوا معة هم احرار فى ذلك و لكن يجب ان يرووا لنا تفاصيل تجربتهم و ما حدث معهم من اشياء سلبية .. حتى نستطيع ان نحكم .. يمكن يكون معاهم حق و ممكن لا .

الموضوع اللى استشهد بة استاذ mems انا مش عارف ازاى واحد داخل شمال و رايح يتكلم بنرفزة و يشتم و عايز يتقابل كويس و ياخد خدمة ممتازة .

انا عن نفسى لو شغال فى غبور و حد جة يتنطط علي هشوطة و لا يهمنى الشغل و لا غيرة .. ادام انا مغلطتش فية و مقصرتش فى شغلى ، و سيبك من كلام ان الموظف اللى بيتعامل مع الجمهور المفروض يكون كذا و كذا فى النهاية دة بنى ادم و لية قدرة على التحمل .
المشكلة ان ثقافة الزعيق هى اللى بقت سايدة ، و يقولك زعق و على حسك تاخد اللى انت عايزة طبعا دة مش كلام ، لو ليك حق و اصريت علية باحترام هتاخد حقك اكتر من الزعيق .

[zakigomma]

I called Eng. Atef two days ago to tell him about a very monor problem and he was extreamly helpful and Eng Essam sent a driver to take my car from work and they return it back by end of day with new alarm system and all problems solved.. I have a 2009 Elantra and I'm very impressed with service level

[osman hisham]

يا جماعه الناس فعلا فى أبو رواش محترمين و ما فيش واسطه ولا حاجه لأنى ما كنتش أعرف م عاطف من قبل .
و بعدين أهم بيحاولوا و لازم فعلا نحط فى أعتبارنا أنهم مضغوطين .

[ezzatfox]

اقرب حاجة .. النهاردة
من الصبح بتصل بالصيانة عشان احجز صيانة ال 5000 على رقم 16101 و محدش بيرد لغاية الساعة 10.30 فى رقم تانى ارضى اتصلت بية رد على حد قلتلة عايز احجز صيانة قالى اتصل ب 16101 رديت علية ان مفيش حد بيرد اتأسفلى و اعتذر ان عندهم ضغط عشان حملة الصيانة المجانية و طلب رقم تليفونى و قالى هخليهم يتصلوا بيك ، بصراحة افتكرتة بيوزعنى ، بعد نص ساعة فعلا اتصلوا بيا وحجزت الصيانة و هاروح يوم الاتنين انشاءاللة .

[MEMES]

الراجل داخل يعمل شكر عشان حاسس انة حصل على خدمة جيدة من غبور
و فى اعضاء تانية ايدوة و انا كمان واحد منهم

الناس اللى قالت ان غبور سىء لدرجة انهم لن يتعاملوا معة هم احرار فى ذلك و لكن يجب ان يرووا لنا تفاصيل تجربتهم و ما حدث معهم من اشياء سلبية .. حتى نستطيع ان نحكم .. يمكن يكون معاهم حق و ممكن لا .

الموضوع اللى استشهد بة استاذ mems انا مش عارف ازاى واحد داخل شمال و رايح يتكلم بنرفزة و يشتم و عايز يتقابل كويس و ياخد خدمة ممتازة .

انا عن نفسى لو شغال فى غبور و حد جة يتنطط علي هشوطة و لا يهمنى الشغل و لا غيرة .. ادام انا مغلطتش فية و مقصرتش فى شغلى ، و سيبك من كلام ان الموظف اللى بيتعامل مع الجمهور المفروض يكون كذا و كذا فى النهاية دة بنى ادم و لية قدرة على التحمل .
المشكلة ان ثقافة الزعيق هى اللى بقت سايدة ، و يقولك زعق و على حسك تاخد اللى انت عايزة طبعا دة مش كلام ، لو ليك حق و اصريت علية باحترام هتاخد حقك اكتر من الزعيق .

lمتشكر لحضرتك جدا جدا
واضح انك كنت معاى عشان كده عارف اللى حصل
كلك زوق والله

[ezzatfox]

الاخ العزيز mems
اعتذر لحضرتك بشدة لو كان كلامى ضايقك
على فكرة انا ماخدتش بالى خالص ان انت صاحب المشكلة دى
بس عامة انا لما قريت الموضوع طلعت بنتيجة واحدة انك كنت عصبى جدا فى التعامل معاهم و دة اللى وصل الموضوع لكدة ، حتى لو كنت جاى من سفر و كدة بس الموظف ميعرفش انت اية ظروفك و انت عارف محدش بيستحمل حد دلوقتى .
و فى الاخر بردة لقيتك بتقول ان خدمة العملاء طلعوا وراك مدير الاستقبال و حاول يمتص غضبك و يعمل اللازم يعنى حاولوا معاك للاخر و انت بردة ظبطتة بكلمتين .

يعنى بصراحة الموضوع مدانيش اى رد فعل سلبى تجاة غبور بصراحة .

حاول تهدى شوية و بلاش العصبية
و متزعلش منى بجد انا مكنتش اقصدك .

[MEMES]

الاخ العزيز mems
اعتذر لحضرتك بشدة لو كان كلامى ضايقك
على فكرة انا ماخدتش بالى خالص ان انت صاحب المشكلة دى
بس عامة انا لما قريت الموضوع طلعت بنتيجة واحدة انك كنت عصبى جدا فى التعامل معاهم و دة اللى وصل الموضوع لكدة ، حتى لو كنت جاى من سفر و كدة بس الموظف ميعرفش انت اية ظروفك و انت عارف محدش بيستحمل حد دلوقتى .
و فى الاخر بردة لقيتك بتقول ان خدمة العملاء طلعوا وراك مدير الاستقبال و حاول يمتص غضبك و يعمل اللازم يعنى حاولوا معاك للاخر و انت بردة ظبطتة بكلمتين .

يعنى بصراحة الموضوع مدانيش اى رد فعل سلبى تجاة غبور بصراحة .

حاول تهدى شوية و بلاش العصبية
و متزعلش منى بجد انا مكنتش اقصدك .

انت يا باشا صديق عزيز أتشرف بمعرفته وبقراءه مشاركاته
ومينفعش انى ازعل منك اصلا
وبالنسبه لموضوع النرفزه ده ممكن يكون مع حضرتك حق فيه
بس كمان الموظف ماكنش طايق نفسه
متهيئلى غبور محتاج مركزين كبار تانى عشان ميبقاش الحمل كله على ابو رواش
وبجد ياريت حضرتك اللى متزعلش منى وتقبل عتابى وتقبل صداقتى:k10:

[ezzatfox]

و اللة يا mems انا اتبسطت قوى لما قريت مشاركتك و عرفت ان انت خلاص مش زعلان
و صداقتك شرف ليا و شىء اعتز بية