Tweet
بقولك الناس اسأل مجرب ولا تسأل طبيب ...ههههه... :D بس انان كنت عاوز اسأل عن عزل العربيه علي السرعات العاليه و الواطيه :) .....و كنت عاوز اسأل عن صوت الكاسيت في العربيه النترا 102000 و هل لو غيرت الكاسيت او ركبت ipod الصوت بيبقا حلو ( انا قصدي السماعات بتعتها صوتها حلو ...ولا زنه و الصوت مش نقي ؟؟؟؟؟؟
-
HaSaMoNty -
بص يا أستاذ حسام العزل ... فى العربية ممتاز ... وأكثر من رائع ... هأحكيلك حكاية ... ظريفة جداً ... حكيتها لأخونا أستاذ وائل عطية على الخاص .... ودى خاصة بموضوع العزل الصوتي ....
انا أستلمت العربية فى عز الصيف ...والحقيقة أنا بشغل التكييف على طول ... طبعاً بعد مرور فترة التليين اللي هيا ال 1000 كم الأولى ... المهم مرة كنت خارج مع المدام ... مشوار بالعربية ... فقاليتلي تعليق غريب ... طبعاً الزجاج مقفول ... والتكييف شغال ... أيه التعليق بتاعها - على قد يعني ملحظتها - " العربية دى حلوة ... بس صوت الكلاكس بتاعها واطي قوى ... يعنى ما عرفوش يعلوا صوت الكلاكس بتاع عربية زى دى شوبة ... أيه حطين كلاكس موتسيكل ..." ... طبعاً ما رديتش ... عليها وأبتسمت أبتسامة صفراء ... وطفيت التكييف ... وفتحت الزجاج ... وسمعتها صوت كلاكس العربية بتاع الموتسيكل ... اللى طلع بتاع عربية نصف نقل ... بس على فكرة صوت الكلاكس ... بتاعها حاد ... ومش عاجبني ...
بس ما علينا ... العربية العزل فيها ممتاز ... وساعات فى الأول كنت بادور العربية ... وعلشان العزل كويس ... ساعات بحس انها مادرتش !!!! ... لحد ما بص على مؤشرات العربية ... وأعرف أنها دارت ...
أما عن الكاسيت فى العربية ال GL ... ال A/T ... فبصراحة كل اللي اعرفة انه الكاست بتاعها بيركب فى مصر ... واخر معلومة عندى أنه كان JVC ... والمسئول عن تركيبة وصيانته ... هم أولاد عشم نوار ... فى شارع دمشق ... بمصر الجديدة ... وفى مندوب من عندهم بيبقى موجود ... فى غبور أبو رواش ... أما عن السماعات ... هما أربعة ... أثنين فى الخلف ... وأثنين فى الأمام ... وبعدين فى 2 سماعة Tooter ... دول فى الموديلات ال GLS ... وصوت السماعات فعلاً ... حلو جداً ... بشهادة كل الناس اللي ركبت معايا ... وفيه مكان للجاك الخاص بجهاز ال Ipod ... بس ده فى موديلات GLS ... ومش عارف موجود فى ال GL ...ولا ... لأ
يا رب أكون رضيت على كل أسئلتك ... تقبل تحياتي ...
م / حسام منير[img]http://www4.0zz0.com/2007/09/13/08/85778465.jpg[/img] -
ويا ترى يا ا/حسام يا منير
عملت ايه مع الكلاكس اللى بصوت حاد انا برده عندى نفس النظام الكلاكس صوته عالى بس حاد(يظهر انه كل العربيات الجديدة كدا)
يعنى هوا مش بينفع مع سواقين الميكروباص اللى لازم تديهم كلاكس بتاع قطر عشان يخد باله من انه حيخبط فيك او مع الناس فى الشارع لما يكونوا صايمين(بلاقى حاجلة من التلامة والاشعور عند الناس والواحد يعدى الشارع كانه ماشى فى صالة بيته ولما تكلكس لحد يعمل نفسه مش سامع ولازم كلاكس يكون عالى وقوى عشان يؤدى الغرض)
ملحوظة
مش معنى كلامى انى بدى كلاكس عمال على بطال ابدا دا انا مش بدى كلاكس غير مضطرComment
-
ما عملتش حاجة ... هو صوته حاد فعلاً ... فبضطر ... أخض بيه الناس غصب عني ... علشان توسع ... بس بحاول على قد ما أقدر ما أستعملوش ... يعني أول ما الليل يدخل ... كل التنبيه بالنور ... بدون كلكس ... علشان الأزعاج ...
تقبلوا تحياتى ...
م / حسام منير[img]http://www4.0zz0.com/2007/09/13/08/85778465.jpg[/img]Comment
-
شكرا على الرد يا ا /حسامComment
-
والله حالة اللامبالاة بقت متأصله في الناس ولا عاد لها دعوة بصيام ولا بفطار يعني أمشي بعد الفطار أو حتى ساعة الفطار إن شالله في الكريسماس هاتلاقي الناس هما هما بنفس ردور أفعلاهمالمشاركة الأصلية كتبت بواسطة ابوحميدComment
-
فعلا يا بايو حالة التلامة متاصلة
بس صدقنى تكون اوضح ما يمكن للاسف فى الصيام
وبقول للاسف لان المفروض ان الانسان لما يكون صايم يبقى المفروض انه يكون فى قمة الاخلاق والذوق .Comment
Comment