باركولى ...

[ZIZO_ST]

باركولى انا لسه مستلم عربيتى النيو اكسنت 2010
فيه كام سؤال كده وعاوز اخواتى الهيونداويين يجاوبونى عليهم
الفوجات سعرها كام لأن بصراحه لما بيربكو للعربيه بيخلو شكلها جااااااااااامد
ومنين ممكن اجيب الجنوط السبور الاصلى للنيو اكسنت اللى المفروض تنزل بيها من بلدها
طبعا كلكم عارفين ان التوكيل مش بيبيع جنوط سبور ولا بينزل العربيه بيهم
وانا سمعت ان ممكن اركب جنوط 15 بدل ال 14 فايه رايكم لو عملت كده ؟؟؟

[bishoy02010]

اولا الف الف الف مبروك :) على العربية وربنا يديك خيرها ويكفيك شرها :)
اعتقد موضوع الجنوط ال15 مش هيكون ليه عيوب هيديك ميزة ( ثبات طبعا ) ومش هيأثر على العفشة فى حاجة
موضوع تجيبهم منين فمش عارف بالظبط بس انا شوفت جنوط هيونداى أصلى فى حاجة زى معرض فى بنزينة وظنية اللى على الأوتوسراد قبل صقر كوريش روح اتفرج عليهم يمكن يكونوا هما :) هوه عندوا كذا طقم عمتا :)

[nour3alanour]

أولا: ألف مبروك يا ZIZO_ST علي العربية
ربنا يمتعك بيها ويبعدها عن أي شر وتتمتع بيها سنين وسنين انشاء الله
ثانيا: ايه ده؟؟!! هو موديل 2010 نزل؟؟؟ ده احنا لسة في شهر 5، معقولة بالسرعة دي؟
يا ريت توضيح أرجوك للنقطة دي لانها تهمني أوي وخصوصا بالنسبة للنيو أكسنت علشان فعلا بفكر فيها وكمان زهقت زميلنا في المنتدي هنا ezzatfox بأسئلتي عليها
بالمناسبة ألف شكر وميرسي أوي يا ezzatfox
وبالنسبة للفوجات والجنوط طبعا مش هقدر أفيدك زي ما عمالقة منتدي هيونداي الجامدين يقدروا يفيدوك
لكن أنا لما رحت من أسبوعين كده في فرع التوكيل في شارع عماد الدين بوسط البلد لقيت مندوب المبيعات اللي قابلني كان مركب الفوجات لعربيته وكان فعلا شكلها تحفة (عربيته نيو أكسنت موديل 2008)
وهو اسمه أ. محمد الباز وكان ذوق جدا معايا وبالتالي لو الدنيا يعني ضاقت أوي ممكن تبقي تكلمه وتسأله
مفتكرش انه هيبخل بالمعلومة يعني
وبرده ده في حالة لما تسمع الاول من زملاءنا في المنتدي وآراءهم ومساعداتهم
تليفونات فرع التوكيل بوسط البلد: 25904187 - 25768212

أرجو اني أكون افدت ولو بحاجة بسيطة علي أدي كده
تحياتي :k10:

[saryrabie]

لو سمحت ممكن نعرف ايه الفروق اللي بين النيو اكسنت 2009 والنيو اكسنت 2010 وايه اخبار العربييه معاك

[falcon191]

[QUOTE=ZIZO_ST;860319]

باركولى انا لسه مستلم عربيتى النيو اكسنت 2010

2010 معقولة هو انهارده التاريخ ايه أصل الواحد باين عليه تقل في النوم شوية

[rrrrreee]

ممكن اخى تقول لنا ازاى جبت موديل 2010 واحنا لسة فى شهر 5 ؟؟؟؟؟؟؟؟؟

قول لنا السعر كام ؟

هل فى شئ اتغير فى العربية اقصد فرق بين موديل 2009 و 2010 ؟؟؟؟؟؟

[rrrrreee]

????????????

[lilili]

مردتيش لية يا استاز zizo عاوزين نعرف هية فعلا 2010 نزلت ولا واية الفرق بينها وبين 2009 ولا العربية فى الاخر طلعت 2009 وشكراا

[falcon191]

باركولى انا لسه مستلم عربيتى النيو اكسنت 2010

فيه كام سؤال كده وعاوز اخواتى الهيونداويين يجاوبونى عليهم
الفوجات سعرها كام لأن بصراحه لما بيربكو للعربيه بيخلو شكلها جااااااااااامد
ومنين ممكن اجيب الجنوط السبور الاصلى للنيو اكسنت اللى المفروض تنزل بيها من بلدها
طبعا كلكم عارفين ان التوكيل مش بيبيع جنوط سبور ولا بينزل العربيه بيهم
وانا سمعت ان ممكن اركب جنوط 15 بدل ال 14 فايه رايكم لو عملت كده ؟؟؟

في ايه يا زيزو بيك انت بعت كم سؤال نشغل بيهم نفسنا واختفيت. لا اسكت الله لك حساً

[ZIZO_ST]

شكرا لكل اللى ردو على الموضوع وااااااااااااااااسف على التاخر فى الرد

كان نفسى والله اروح اشوف المعرض اللى فى بنزينة وطنية ده ولكن للاسف انا اسكندرانى وصعب اسافر القاهره مخصوص عشان اشوف الجنوط

ثانيا مفيش اى فرق فى موديل 2010 عن 2009 واصلا 2010 هى موديل 2009 ولكن غبور بيعمل لعبة فى الترخيص زى ما قريت وواحد من اخواتنا فى المنتدى كان كاتب كده فى موضوع واللى اكدلى كده ان جواب الافراج الجمركى اللى وديته لوحدة المرور التابع ليها كان مكتوب فيه ان موديل العربيه 2009 هى والعربيات اللى كانت جايه معاها النيو اكسنت كلهم كان موديلهم 2009 والورقه دى لحد دلوقتى فيه صوره ليها معايا

وتانى مره بتاسف على التاخير فى الرد

[ZIZO_ST]

شكرا لكل اللى ردو على الموضوع وااااااااااااااااسف على التاخر فى الرد

كان نفسى والله اروح اشوف المعرض اللى فى بنزينة وطنية ده ولكن للاسف انا اسكندرانى وصعب اسافر القاهره مخصوص عشان اشوف الجنوط

ثانيا مفيش اى فرق فى موديل 2010 عن 2009 واصلا 2010 هى موديل 2009 ولكن غبور بيعمل لعبة فى الترخيص زى ما قريت وواحد من اخواتنا فى المنتدى كان كاتب كده فى موضوع واللى اكدلى كده ان جواب الافراج الجمركى اللى وديته لوحدة المرور التابع ليها كان مكتوب فيه ان موديل العربيه 2009 هى والعربيات اللى كانت جايه معاها النيو اكسنت كلهم كان موديلهم 2009 والورقه دى لحد دلوقتى فيه صوره ليها معايا

وتانى مره بتاسف على التاخير فى الرد