زرار الاوفر درايف

[msds_eg]

خبراء الماتركس ياريت حد يقولي هو الزرار اللي في جنب الفتيس الاوتوماتيك موديل 2009 بتاع ايه وبيستخدم في حالات ايه
ياريت بالتفصيل

[heshaaam]

ده موجود ف الاوتوماتيك بيقوى العزم ويخلى العربية تجرى جامد بتحس بفرق ف الجرى وكده
بس متستخدموش عمال ع بطال اسمع ان استخدامه كتير مش كويس والله اعلم
بس ف ناس بتستخدمه كتير

[fahd_628]

بص يا باشا على ال D الفتيس بينقل ما بين الأربع نقلات عادى جدا

فية فتيسات فيها حتلاقى حارة كدة مكتوب عليها 3 و فية فتيسات تانية فيها زرار اوفر درايف

الزرار دة فايدتة انه بيخلى الفتيس مينقلش للنقلة الرابعة الى هية تقيلة و مش بتسحب كويس طبعا !

فا لو انت بتجرى دوس على زرار الأوفر درايف و كدة حتلاقى الأستجابة بتاعت الفتيس احسن علشان مش بينقل ما بين ال 4 نقلات بينقل ما بين 3 بس !

لو الزرار دة معمول OFF يبقى حتلاقى اللمبه منورة فى التابلوة و معناة انه كدة حينقل ل 3 نقلات بس

لو معمول On حتلاقى ان مفيش لمض منورة و كدة عادى حينقل للأربع نقلات !

اتمنى تكون وضحت الصورة