تليين الألنترا

[Eng.Salah Mahdy Salama]

يا جماعة بأستأذنكم تدوني نصايح لفترة التليين لسيارة إلنترا
و بتبقى كام كيلو؟؟؟1000 و لا 5000؟؟؟


شكرا

[TAG_Turbo0]

1000 متعديش التمانين ولا تحرق على الغيارات ولا تشغل التكيف

[ahmed1981]

عدد لفات الموتور ال RPM لا يتجاوز من 2500 إلى 3000 خلال الألف الأولى على جميع النقلات

[Eng.Salah Mahdy Salama]

و بعد الألف أعمل اية؟

[fahd_628]

اعمل الى انت عاوزة بعد الألف هات 6500 RPM زى ما انت عاوز :D لحاد ما المتور يفصّل :mrgreen:

لأ بجد بعد صيانة الألف اعمل الى انت عاوزة يعنى شغل التكييف عادى و امشى 200 :mrgreen: و احرق زى ما انت عاوز

[Heshaam]

طيب معلش اللي ميعملش كده يحصل إيه للموتور :?:

[fahd_628]

طيب معلش اللي ميعملش كده يحصل إيه للموتور :?:

عمر المتور بيقصر :)

[Heshaam]

شكرا يا فهد على ردك السريع

السبب في سؤالي إن واحد صاحبي لما جاب عربيته الجديدة - جين تو أتوماتيك - خدناها على طول وطلعنا اسكندرية وكان بيحرق جامد وكنا بنعدي ال140 على أساس إنه بيجرب إمكانيات العربية (فرحان بيها بقى :) ).

بس هيا العربية ماشية كويس الحمد لله

ربنا يسترها معاه بقى

[hazem_khidr]

اولا الف مبروك العربيه و ربنا يحمهالك يا رب.
بالنسبه للتليين زي ما الاخره الافاضل قالو بالضبط بس ابقي لاحظ برضه الميه بتاع العربيه و الزيت مثلا يعني تبص عليها هو ان شاء الله ما فيهاش حاجه بس للاطمئنان الزياده مش اكتر .
ما تتوقعش انك حتاخد بالعربيه كل اللي انت عاوزه بعد ال 1000 كيلو دول ولا حتي بعد 5000 كيلو.!!!!!!!
بعد عشره الاف كيلو الموتور بيبدأ يفتح و يكون طبع علي بعضه و حتلاقيه بقي انعم بكتير و استهلاكه في البنزين بقي اقل و بقت العربيه سلسه عن اول ما جبتها بكتير بس المحافه طبعا و من بين فتره و التانيه اقرص علي الموتور يعني تنقل علي rpm عالي شويه علشان تفتح الموتور
و الف مبروك :)

[Salah_sr]

أقرأ الكتــــــــــــــــــــــــــــــــــــــــــــــ ــــالوج جيــــــــــــــــــــــدا فهم أدري الناس بالعربية و مفيش حد بيكتب لك لا تشغل التكييف في العالم ده بدعة مصرية فقط مع أحترامي للجميع كما إنك تمشي علي 80 كيلو ده من الموروثات لل 128 و ما قبلها و في الدول العربية لا يستطيع أحد أن يسير بدون تكييف بارد و الدول الأوروبية و أمريكا وكند وغيرهم لا يستطيعوا يسيروا بدون تكييف ساخن طوال الشتاء أقول للمرة الألف أقرأ الكتالوج و مبرووووووووك

[ahmed1981]

بعد صيانة الألف اعمل الى انت عاوزة يعنى شغل التكييف عادى و امشى 200 :mrgreen: و احرق زى ما انت عاوز

مش فجأة كدة
بعد الألف تبدأ تزود من ال RPM تدريجياً على الأيام
بحيث لمل توصل إلى 5000 كيلو تكون وصلت لأنك تمشي طبيعي عادي بدون التقيد ب RPM وتنسى إنك بتلين

مسألة تشغيل التكييف في رأيي ليس لها علاقة بالتليين سواء قبل ال 1000 كيلو أو بعده
يعني شغل التكييف براحتك من أول ما تستلنم السيارة

أهم حاجة التقيد بحدود ال RPM السابق ذكرها

وطبعاً لازم تقرأ الكاتلوج وما تجده فيه من تعليمات فهو مقدم على أي كلام آخر

[HiTcH]

أنا معايا الإلنترا الجديده ولو كنت فاكر كويس تقريبا كان مكتوب فى الكتالوج ان فى الالف الاولى لازم تنتبه ان ال RPM ميعديش ال 4000
ده اذا كنت فاكر كويس


أخوكم
هشام

[Eng.Salah Mahdy Salama]

شكرا و جزاكم الله خيرا