بفكر أشتري إلنترا 2005 بس مش عارف الفرق بين gt و gls

[TheMedjai]

السلام عليكم

أنا كان معايا عربية كورولا موديل 99 وبعتها علشان أجيب عربية أحدث.

وعلى رأس قائمة الاختيارات الانترا موديل 2005 مانيوال بس لما جيت أبص على الانترنت لقيت ان بينزل منها فئة اسمها gt وفئة تانية اللي هي gls. يا ترى ممكن حد يتفضل بتوضيح الفرق بينهم؟

شكراً جزيلاً

[TheMedjai]

وكمان سؤال تاني لو سمحتوا:
هو باور الالنترا الشكل القديم كان كهرباء واللا هيدروليك؟ وياترى في أفضلية بالنسبة لنظام عن نظام؟

[mohamed_mohsen]

الgl هاف اوبشن (غالبا)
الgls فول اوبشن
الgt مابتنزلش مصر اصلا لانها بتبقي غاليه و بيبقي فيها حاجات زياده
زي الgt في افيرنا (عدادات رياضيه بيضاء)-فوانيس smoke-جنوط اسبور مقاس 14-فتحة سقف و شوية حبشتكنات كده

باور الالنترا الشكل القديم هيدروليك مش كهرباء
الكهرباء في الشكل الحالي

[TheMedjai]

الgl هاف اوبشن (غالبا)
الgls فول اوبشن
الgt مابتنزلش مصر اصلا لانها بتبقي غاليه و بيبقي فيها حاجات زياده
زي الgt في افيرنا (عدادات رياضيه بيضاء)-فوانيس smoke-جنوط اسبور مقاس 14-فتحة سقف و شوية حبشتكنات كده

باور الالنترا الشكل القديم هيدروليك مش كهرباء
الكهرباء في الشكل الحالي

شكراً يا باشا على وقتك.
بس اسمحلي أغلس عليك شوية كمان واسألك:
هى ايه الكماليات اللي مش بتبقى موجودة في الهاف اوبشن؟
وياترى أي نظم الباور أفضل ، الهيدروليك واللا الكهرباء؟

وشكراً جزيلاً مرة تانية.

[mohamed_mohsen]

شكراً يا باشا على وقتك.
بس اسمحلي أغلس عليك شوية كمان واسألك:
هى ايه الكماليات اللي مش بتبقى موجودة في الهاف اوبشن؟
وياترى أي نظم الباور أفضل ، الهيدروليك واللا الكهرباء؟

وشكراً جزيلاً مرة تانية.

مفيش غلاسه و لا حاجه
الباور الكهرباء افضل بكثير و اخف بكثير
بالنسبه للكماليات اللي ناقصه في الهاف فأنا ما اقدرش افيدك لاني ماعرفش الالنترا الشيب القديم كانت كماليات الهاف فيها ايه
تحياتي,,,,

[midoelattar]

بص يا باشا الفرق ده انا معرفوش لانه حتي مش مكتوب عليها بس انا والدي معاه واحده مانيوال و هقولك كماليتها
سنترلوك و جهاز انذار
4 زجاج كهرباء
كاسيت و سي دي تشانجر 12 اسطوانه
مرايات كهرباء
تكييف عادي بس انا شفت منها تاتش
و الباور بتعها هيدروليك مش كهرباء

[TheMedjai]

بص يا باشا الفرق ده انا معرفوش لانه حتي مش مكتوب عليها بس انا والدي معاه واحده مانيوال و هقولك كماليتها
سنترلوك و جهاز انذار
4 زجاج كهرباء
كاسيت و سي دي تشانجر 12 اسطوانه
مرايات كهرباء
تكييف عادي بس انا شفت منها تاتش
و الباور بتعها هيدروليك مش كهرباء

هو والد حضرتك مش بيفكر يبيع عربيته؟

[midoelattar]

لا و الله يا باشا و هي الحمدلله مريحاه جدا بس هو محافظ علي صيانتها في مواعيدها انت كمان لما ربنا يكرمك و تلاقي واحده راعيها لانها فعلا عربيه محترمه

[TheMedjai]

لا و الله يا باشا و هي الحمدلله مريحاه جدا بس هو محافظ علي صيانتها في مواعيدها انت كمان لما ربنا يكرمك و تلاقي واحده راعيها لانها فعلا عربيه محترمه

ربنا يكرمك.