ارجو النصيحه ياشباب - انتم السابقون

[hesham_tawfiq]

السلام عليكم
انا عضو جديد فى المنتدى ويشرفنى انى انضم ليكو.
انا نويت انشاء الله اجيب عربيه زيرو ولما توكلت على الله وجيت اشترى بروتون ويرا اتصدمت لما فى التوكيل قالولى انها مش هينزل جديد منها :lol: .وواضح ان فى الفئه السعريه دى ( فى الستينات ) مفيش غير الفيرنا و الانوس وسبيرانزا وشيرى وبروتون ويرا وييجى بعدهم على طول الافيو بس تمنها مش معايا.
بس اللى مخوفنى فى الفيرنا انى حاسس انها ورق وكمان كلام الناس عن التوكيل هنا يقلق.

[hazem_khidr]

عليكم السلام و اهلا و سهلا بيك :)
الفيرنا عربيه كويسه و معقوله مش وحشه و حكايه ورق دي يا ما سمعنا ان كل العربيات الجديده ورق و لو سمعت الكلام دا مش حتركب غير لادا او شاهين و برضه ساعه القدر ما بتفرق ورق و لا فولاذ!!!!!!!!!!
شوف احتياجاتك و متطلباتك و بعدين شوف الانواع اللي في الفئه السعريه اللي عاوزها و اسأل المالكين لكل نوع و بعدين تقرر تختار.
بصراحه اختيارات حضرتك كلها كويسه و عربيات كل السوق بيشكر فيها ما عدا الاسبيرانزا ما بين مؤيد و معارض .

[fahd_628]

الفيرنا ممتازة فى فئتها السعرية و بلاش الهندى ال 1500 سى سى خليك فى المصرى ال 1600 سى سى

[Ahmed_Ezz]

الفيرنا اكتر من ممتازة فى فئتها السعرية بس خليك فى المصرى ال 1600 سى سى احسن بكتير

[casperinoo]

الفيرنا طبعا..ومشكله التوكيل ديه مشكله بلد بحالها مش غبور بس
الناس كلها بتشتكي من التوكيلات

[شريف شعبان السيد]

على فكرة الفرنا هنا فى السعودية بيتعمل بيها مغامرات قدام عينى والعربية بتسد تمام يعنى عربية ممتازة فى فئتها

[mohaismail]

والله انا من رأييى تجيب شاهين زيرو

[dr_3eshoo]

مماتازة الفيرنا واحد زميلي مطلع <كلام محزوف للرقابه >و مشتكتش غير الصيانه العاديه بتعاتها وانا بحب اخدها منه كتير بس هات ال 1600 متجبش 1500

[arch_peter]

انا عندى سؤال
ليه كل الأعضاء بيقولوا بلاش الفيرنا الفيفا اللى هى ال 1500 مع انها بالكامل مستوردة وغبور ما مدش ايده فيها ده غير ان تقفيل الهند ممتاز وشكله اشيك وموتورها قوى ؟؟
فعلا اريد اجابة لو سمحتوا - ليه بتقولوا بلاش الفيفا 1500 ؟؟

[Powert]

لانك مش ضامن قطع غيرها هل ستكون متوفرة زي المصري ام لا

وانها الشكل القديم اللي كان نازل سنه 2001 وان كان عليها كلام

ان مواترها بتبوظ بسرعة ولانك هتركب عربية 1600 اقوى من 1500

[Ahmed Anwer]

للأخ صاحب السؤال ،،

عشان منخدش ذنب نصيحة غلط ،،

الفيرنا كويسة و كل حاجة ،،

بس الخلاصة اللي سمعتها من مهندس في غبور ،، عربية كويسة ،، بس بيبقي فيها شوية مشاكل بسيطة لما بتستلمها ،، بتضبط في الضمان ،، لأن العربية نفسها ممتازة ،، و معمرة ،،

عشان بس متفتكرش انك هتشتري مرسيدس ،،

أنا كنت عارف كده قبل ماشتري و كنت راضي ،، عشان اخد اعلي امكانيات و جودة مقبولة بأقل سعر

لو تعرف تزود و تجيب جيتز او نيو اكسنت او ماتريكس

يبقي احسن طبعا

الدايوو بقي مشاكل تجميعه دلوقتي اكتر من غبور ،، ابو الفتوح مركز مع الإسبرانزا ،، و ممكن تتابع منتدي دايوو ، غير إنها قدمت قوي كموديل ،،

و الأفيو لسه متكونش صورة واضحة عنها ،،

و الباقي بصراحة مانصحش بيه ،، عشان كله ماركات مغمورة و توكيلات في الضياع ،،

الويرا ، البوينتر ، السيينا ، الكليو ، و غيرهم

و زبون الفئة دي بيبقي فلوسه علي قده ،، و عايز عربية يبقي فلوسها فيها ، و صيانتها و قطع غيارها في المتناول ،،

[د.كريم]

السلام عليكم اول حاجة

ديه اول مشاركة ليها في المنتدى المحترم تقريبا انا قريت كل موضوعاته بس مش كنت بشارك كنت بحاول الاول ابني فكرة كويسة

انا انشاء الله ناوي اجيب عربية فيرنا بصراحة عجباني قوي قوي وسعرها كويس

بصراحة الحج كان حاطط ميزانية وقدرت بعد مجهود كبير اني اوصل معاه اني انشاء الله اجيب الفيرنا ال 1500 المصري بس الفول اوبشن بس ملاحظ ان الكل لما بيتكلم بيتكلم عن ال 1600وببيشكر فيها عارف ان سعر الفول اوبشن يجيب ال 1600 الهاف اوبشن بس بصراحة انا عوزها فول اوبشن

سؤالي بعد ما صدعت دماغكم هيه ال 1500 وحشه ولا ايه اصل بصراحة الدايو لانوس مع انها عربية محترمة جدا مش بحب شكلها برتاح لشكل الفيرنا اكتر فياريت حد يقلي هيه ال 1500 فيها حاجة ولا ايه؟؟؟؟؟؟؟؟؟

[Nile_Storm]

ابدا بس ال 1600 فيها موتور الانترا القدي م و ماتركس يعني موتور حديث
و مفيش 1500 مصري الان فيه الهندي الفيفا بس
و انا زيك بالضبط بس فضلت ال1600 هاف اوبشن عن الفيفا لانها اضمن ثانيا ارخص ثالثا هتحس بالفرق ده جدا مع التكييف و تاثيره علي سحب العربيه

[mer_man]

يا جماعة انا معاكم ان اي حاجة مستوردة احسن من المصري بس مش لدرجة الهنديييييييي ما تنسوش برضة ان مصر بتجمع مرسيدس و بي ام برضة و الهند ما شفناش منها غير عربيان النقل و الميكروباص التاتا الي ملهاش اي علاقة بالمعايير الصناعية لا دولية و لا محلية و لا باذنجانية

[r0xer]

ال1600 هاف أوبشن أفضل من ال1500 فول أوبشن.

عموما الفرق كله في عداد الrpm مش هيبقى موجود ولمبة ستوب خلفية مش موجودة غير في الفول أوبشن و طبعا الكاسيت هيبقى شرايط " لكن ممكن تغيره لو هتجيب العربية من معرض" و طبعا فرق إزاز الكهربا هيبقى مش موجود.

إذن ممكن تستغنى عن الحاجات البسيطة دي في مقابل أداء قوي و شكل أحدث و موتور رائع حتى الأن مع الإلنترا القديمة و الماتركس و غيرها من السيارات التي أستهلكت بشكل كبير. بالإضافة إلى أن موتور ال1500 أعتقد على حسب ما سمعت إنه نفس موتور الأكسنت القديمة !