فتح شنطة نيو اكسنت 2009 من الريموت

[basemzaki]

صباح الخير علي جميع مالكي نيو اكسنت، قريت في موضوع سابق عن فتح باب الشنطة من الريموت بضغطة طويلة، ولكن لما جربت اعمل كدة النهاردا الصبح وانا بفتح العربية بالريموت ماحصلش حاجة والشنطة مافتحتش.
بالرغم من انو الريموت الجديد اللي فيه 3 زراير زي ماكان مكتوب، فهل ريموت نيو اكسنت 2009 مافيهاش الأوبشن دا ولا لأ ؟ ولو هي مافيهاش ازاي ممكن اشغل الأوبشن دا وأقدر افتح الشنطة من الريموت؟ ولو ينفع هل لازم أعمل دا في التوكيل عشان الضمان ولا دي حاجة ممكن اي حد بيفهم يعملها؟؟

أرجو من كل أصحاب نيو اكسنت وعندو المعلومة يدينا افادة حتي نستفيد منها كلنا. وشكرا

[BassamHafez]

اعتقد انه اصلا ما ينفعش عشان لازم الشنطة تكون اصلا بتبفتح من جوة العربية بزرار كهربا عشان تتوصل على الريموت لا عندنا في النيو اكسنت موجود دراع عادي متوصل بسلك بيتشد لما ترفع الدرع عشان يفتح الشنطة

مش عارف انا صح ولا غلط بس اعتقد انه كده فعلا

[mohamed_magdi]

اولا انا لسة جايب نيو اكسنت والريموت زرارين بس مش تلاتة ومينفعش تفتح الشنطة بالريموت

[basemzaki]

شكرا يا باسم باشا للافادة

[BassamHafez]

شكرا يا باسم باشا للافادة

تحت امرك يا باشا

بس على فكرة انا اسمي بسام :)

[basemzaki]

أسف يا فندم علي لخبطة الاسم وعموما باسم و بسام ليهم نفس المعني وهو الابتسام والتفاؤل وربنا يجعلك دايما بسام يا رب

[BassamHafez]

أسف يا فندم علي لخبطة الاسم وعموما باسم و بسام ليهم نفس المعني وهو الابتسام والتفاؤل وربنا يجعلك دايما بسام يا رب

يا باشا لا داعي للاعتذار انا بص كنت بصحح الاسم مش اكتر

وفرصة سعيدة معرفة سيادتك

[major123]

استاذى العزيز بسام يمكنك اضافة فتح الشنطة من الريموت عند عشم نوار بشارع دمشق ولا تخرج من الضمان لان عشم نوار هو البيركب الريموت والكاسيت فى التوكيل وبالتوفيق انشاء الله

[BassamHafez]

استاذى العزيز بسام يمكنك اضافة فتح الشنطة من الريموت عند عشم نوار بشارع دمشق ولا تخرج من الضمان لان عشم نوار هو البيركب الريموت والكاسيت فى التوكيل وبالتوفيق انشاء الله

لو حضرتك عملتها في عريتك النيو اكسنت يا ريت تقولنا اتكلفت كام

[basemzaki]

الف شكر يا فندم علي المعلومة