رابطة الجيتزاويه

[meshmeshahanem]

السلام عليكم ورحمة الله وبركاته

كيفكم ياجيتزاوية

علي فكرة انا حجزت انا كمان جيتز اوتو ماتيك بس في نفس الوقت متردد

ناس كتيرة بتئولي اني اغير واختار النيو اكسنت

هيا مش هتفرق كتير اووي

كمان الموظف في التوكيل قالي اني ممكن اغير في اي وقت طالما لم ادفع مبلغ السيارة بالكامل وكمان قالي اني لو حبيت ارجع في كلامي واخد مبلغ الحجز هيرجعوه ليا عادي من غير اي مشاكل

انا هكون شاكر فضلكم لو نصحتوني بما انكم جربتو الجيتز

جيتز ولا نيوو اكسنت وياريت تردو عليا بسرعة

جزاكم الله كل خير

مبروك عليك مقدما العربيه اللي ربنا حيكتبهالك
موضوع انك نختار مبين الجيتز والاكسنت متوقف علي حضرتك عايز ايه هل عربيه هاتش باك ولا سيدان
بمعني عربيه تجري بيها وعفريته صغننه وتستغني عن الشنطه "الشنطه مش صغيره بالنسبه انها هاتش باك"
ولا عربيه سيدان لأحتياجك للشنطه
الاكسنت انا مجربتهاش بس سمعت انها عربيه حلوه
لكن طبعا الجيتز دي حبيبت قلبيعربيه ماشاء الله عليها زي الفل والحمد لله لم اقابل حد اشتكي منها
فالنهايه حدد انت عايز ايه من العربيه واعمل صلاه استخاره وتوكل علي الله فاللي حيكتبهولك
ولو في اي استفسار انا فالخدمه

[caftazeen]

تقريبا حضرتك فهمت غلط اللي كان مكتوب قبل كده كان مقصود بيه لمبه التبريد مش لمبه الحراره
ولمبه التبريد دي لمبه بتنور اول لما تدور العربيه وتطفي لما العربيه تسخن
اما لمبه الحراره فدي اللمبه اللي بتنور لما درجه الحراره تزيد نتيجه عدم وجود مياه فالريدياتر
اما بالنسبه للأنذار مع احترامي للي بيقول انه بيخرف انا العربيه معايا بقلها 7شهور وبسم الله ماشاء الله الانذار زي الفل بالاضافه ان الانذار ده هو نفس انذار الماتريكس والالنترا
وطبعا نفس الكلام علي البطاريه مفيش حاجه خالص
وبعدين مع احترامي مفيش وجه مقارنه مبين الكوري والصيني خالص
والجيتز من العربيات الكوري المحترمه لأنها جايه زي مهيه من كوريا مش بتتقفل في مصر او في اي مكان هي كده زي مهيه
ولو في اي استفسار انا فالخدمه

شكرا لاهتمامك :b4_611: و ربنا يبارك و يمشي الموضوع على خير

[aboudelmsry]

شكرا جزيلا لاختي الفاضلة

الشيء التاني تفتكرو ايه اجمل لون في الجيتس

انا شفت اللون الاسود والرمادي

الاسود عجبني اووي

بس الجميع اجمع علي ان الاسود مش جميل في العربيات الصغيرة

غير ان لونه بيبهت مع الوقت يعني بعد سنة ولا اتنين

قالولي ان الالوان الفاتحة بتكون اجمل في العربيات الصغيرة

المهم انا اقترحت مبدئيا اللون الشامبين وبعدها اللون الاسود

ياريت لو حد شاف الوانها كلها يئولي ايه اجمل لون

وجزاكم الله كل خير

[meshmeshahanem]

شكرا جزيلا لاختي الفاضلة

الشيء التاني تفتكرو ايه اجمل لون في الجيتس

انا شفت اللون الاسود والرمادي

الاسود عجبني اووي

بس الجميع اجمع علي ان الاسود مش جميل في العربيات الصغيرة

غير ان لونه بيبهت مع الوقت يعني بعد سنة ولا اتنين

قالولي ان الالوان الفاتحة بتكون اجمل في العربيات الصغيرة

المهم انا اقترحت مبدئيا اللون الشامبين وبعدها اللون الاسود

ياريت لو حد شاف الوانها كلها يئولي ايه اجمل لون

وجزاكم الله كل خير

لاشكر علي واجب واهلا بيك معانا فالرابطه
الاسود حلو طبعا بس انا مع الرأي اللي بيقول انه فالعربيات السيدان احلي وكمان انه بيبهت مع الوقت
والشامبين حلو فالجيتز بس انا عاجبني الرمادي اكتر وفالجيتز كمان تحفه
وفالنهايه دي وجهات نظر

[MEMES]

احب اضيف كمان الاحمر والكحلى والتانجورد والسماوى كلها الوان جميله وطبعا اهم حاجه ان الواحد يكون مرتاح للون عربيته .

[gogo811]

السلام عليكم ياجيتزاويه انا استلمت اليوم وياسلام من السلاسه بتاعتها محستش بنفسى غير ان انا سايقها ورايح جاى على البحر من المعموره الى المنتزه وشكر خاص الى الاخت مشمشه التى جعلتنى اعشق تلك السياره واحب اقولها معلش اللون جه احمر بس تحفه

[meshmeshahanem]

السلام عليكم ياجيتزاويه انا استلمت اليوم وياسلام من السلاسه بتاعتها محستش بنفسى غير ان انا سايقها ورايح جاى على البحر من المعموره الى المنتزه وشكر خاص الى الاخت مشمشه التى جعلتنى اعشق تلك السياره واحب اقولها معلش اللون جه احمر بس تحفه

وعليكم السلام ورحمه الله وبركاته
ألف مبرووك عليك العفريته الصغننه :10D5C8~1107:
ويارب يديك خيرها ويبعد عنك شرها
وعيزين منك بقي تقرير مفصل عن العربيه واحساسك ايه وانت سايقها
وربنا يخليك انا فعلا بحب العربيه دي اللي اقصي درجه ممكن تتخيلها ويارب يطلع احساسي عند حسن ظنك وتحبها انت كمان
ومبروووك عليك اللون الاحمر هو لون طبعا حلو المهم انو يكون عاجبك

[ahmedemam07]

السلام عليكم يا اعضاء احلى منتدى
انا حجزت جيتز مانوال و كنت عايز اطمن على اخبار العربية في الثبات خصوصا اني حسافر بيها كتير
انا بفكر اركب جنوط 15 و اغير الكاوتش اول ما استلم فتنصحوني بايه؟

[lol1986]

والله يجماعه جامد اوى موضوع الرابطة ده وانا ان شاء الرحمن هانضملكم قريب انا اليومين دول بلف على المعارض على جيتز اوتو فتحة سقف و اول ماهجيبها هاقولكم ونبقى نعمل عضوية وكده المهم بس انا ليا سؤال انا عارف ان العفريتة دى جراية وحلوة وبتشد وبتزعل حاجات كبيرة منها المهم ايه ظروفها فى السرعات العالية انا بسافر كتييييييير وبجرى والجرى عندى بدايته 160 يعنى ممكن تلاقونى فى مشوار اسكندرية مدى 190 200 فانا عايز اعرف ثبات العربية ايه فى الطريق المستقيم والملفات ومطبات الهوا

[ADELHASANALSHAAIRYN6]

ليس هناك شك ان الجيتز عربية فوق النمرة واحد - وانا كنت خلاص هأشترى - لكن لى صديق اخبرنى ان قطع غيارها خراب بيوت ولا توجد الا فى التوكيل او مراكز الصيانة - ودة طبعا عيب خطير جدا يعيب اى سيارة - فما هو رأيكم ؟

[lol1986]

هاستلم زئرده بكرة

[lol1986]

يلا جالكم عضو جديد لاسع شوية وهانحط على الكل بعد ال 1000 كيلو

[hebo111]

hi 3aleko koloko ana 3ayza ashtery getz we 3ereft men hyundai en el dof3a el gaya hateb2a model 2010 bas mesh 3arfa eh el 7agat el gedida feeha ,ana bas 3ayza astafeed menko eh el mashakel beta3etha we eh el 7agat el kwayesa feeha we keda plz 3ayza rad sari3 law amkan

[dragonnn_s]

استقسار من فضلكم يا جيتزاوية

انا انشاء الله هستلم جيتز بعد بكرة هل الاوبش الموجود على موقع هيونداى موجود فيها:
ايرباج
فوج لايت
مساحة خلفية
هل الاوبشن ده فى 2010 ولا مش موجود لان الجيتز اللى بشوفها 2009
شكرا

[Evo]

شفتو يا جماعة الجتز إلي إتحطلها تربو كيت كامل وشكمان وهيدر وكويل أوفرز وجنوط ١٧
لسة خارجة من كام يوم بس وتحت التجربة