هيونداى i20 ,, وصلت مصر

[kareemhisham]

اطلق غبور الهيونداى i20 فى معرض اوتوماك المقام حاليا ,, و اليكم التفاصيل

المحرك :
محرك بتكنولوجيا الجيل الخامس cvvt و ينتج "124" حصان عند 6300 لفة !! رقم جبار على عربية اصغر من الi30 ,, و عزم 156 نيوتن متر عند 4200 لفة ,,

ناقل الحركة :
اوتوماتيك ,, و لسة معرفش فى مانيوال ولا لأ

الكماليات الداخلية :
تكييف , مرايات كهربا , سنتر لوك , باور ستيرينج اليكترونى , زجاج كهربا , عجلة قيادة متعددة المهام , راديو CD Mp3 , صندوق التابلوه مزود بتكييف لحفظ الاطعمة و المشروبات , كمبيوتر رحلات , ترمومتر لقياس درجة الحرارة بالخارج , فتح التانك من الداخل , مقعد السائق قابل للتعديل , المقاعد الخلفية قابلة للطى , و مخرج كهربا

الكماليات الخارجية :
جنوط سبور و كاوتش R15 60/185" , كشافات ضباب , فتحة قف , مرايات خارجية ضم الكترونى , عواكس خلفية

عوامل الامان :
قضبان فولاذية , ايرباجز , فرامل ABS , السيارة حاصلة على 5 نجوم من NCAP " برنامج السلامة الاوروبى "

نعرف من كدة ان العربية هتنزل هاى لاين و ان غبور مش هيقصصها

بالنسبة للسعر انا لسة مش عارف اوصلوا بس هجيبهولكوا انهاردة انشاء الله ,, بس طبعا لازم هيكون اقل من الi30 و الهاى لاين بتاعها ممكن يقفل عند بدايات الi30 الهوا 100 الف

و يارت اكون رايحت الناس الكانت عمالة تسأل على العربية دى

[Nile_Storm]

ياه نازله بكل حاجه هتبقي قنبله فعلا
شكرا ياباشا

[GMakram]

هو معنى انها نزلت بالمواصفات دى فى اوتوماك تبقى هتنزل بعد كدا بنفس المواصافات؟

[Anti_virus_abdo]

اخيرااااااااااااااااااا غبور ساب عربيه فيها abs & airbags انا مش مصدقققققق
طب داوقتي محدش يعرف اسعرها كام ؟؟ و بلد النشأ برده عشان كنت سامع انها بتتعمل في نفس مصنع ال I10 يعني هندي

[EslaM_NagY]

دى 1600 ؟؟ ولا كام ؟؟

[kareemhisham]

ياه نازله بكل حاجه هتبقي قنبله فعلا
شكرا ياباشا

على ايه ,, احنا عايزين نخدم و بس

هو معنى انها نزلت بالمواصفات دى فى اوتوماك تبقى هتنزل بعد كدا بنفس المواصافات؟

انا كلمتهم و قالولى انها هتنزل fully loaded و باقى الموديلات هيعرفوا هينزلوا منها ايه بعد المعرض

اخيرااااااااااااااااااا غبور ساب عربيه فيها abs & airbags انا مش مصدقققققق
طب داوقتي محدش يعرف اسعرها كام ؟؟ و بلد النشأ برده عشان كنت سامع انها بتتعمل في نفس مصنع ال I10 يعني هندي

و الله انا كمان اتيسط ان فيها عوامل امان ,, و العربية بتتصنع فى كوريا ,, و مفيش اى معلومات عن السعر خاااالص

دى 1600 ؟؟ ولا كام ؟؟

العربية 1600

[osama0512]

يا جماعه مينفعش تطلع 1600 ع لى حسب ما شفت على النت

http://www.hyundai.co.uk/newCars/i20/technical/

العربيه 1400 سى سى

[kareemhisham]

يا جماعه مينفعش تطلع 1600 ع لى حسب ما شفت على النت

http://www.hyundai.co.uk/newcars/i20/technical/

العربيه 1400 سى سى

حضرتك ممكن تكلمهم و تسأل بنفسك ,,

[Demirell]

والسعر أخباره إيه؟

[kareemhisham]

والسعر أخباره إيه؟

مفيش اى معلومات عند التوكيل عن السعر

[zico900]

يا جماعه برده غبور عمل حركاته, ده العربيه بتزل بره بسته ايرباج و esp و الفرامل اللي ورا ديسكات مش drum brake بس طبعا عمو (خبور) اكلهم علينا.....!

بس مع ذلك العربيه مواصفتها حلوه للي مش هيسافر بيها و ياريت تكون مصنوعه في كوريا و مش الهند مع ان wikipedia مش كاتب غير الهند

http://en.wikipedia.org/wiki/Hyundai_i20

تم التعديل في بعض الكلمات لصعوبه قرائتها
مشرف هيونداي

[kareemhisham]

يا جماعه برده غبور عمل حركاته, ده العربيه بتزل بره بسته ايرباج و esp و الفرامل الوره ديسكات مش درم براك بس طبعا عمو (خبور) اكلهم علينا.....!

بس مع ذلك العربيه مواصفتها حلوه للمش هيسافر بيها و يرات تكون مصنوعه في كوريا و مش الهند مع ان wikipedia مش كاتب غير الهند

http://en.wikipedia.org/wiki/Hyundai_i20

لو على موضوع الايرباجز ,, ففى عربيات كتر يتبقا اساسا 6 و 8 و 12 بس بتنزل عندنا 2 ,, اما بالنسبة للesp ,, فانا مستغرب انوا شلها اكيد ماكنتش هبا دى الهتفرق فى السعر اوى
اما عن العربية بتتصنع فين ,, فانا لما سألتوا فى التليفون ,, قالى فى كوريا بطريقة الهوا "عادى يعنى"

[Hesham A.Megid]

يا جماعه مينفعش تطلع 1600 ع لى حسب ما شفت على النت

http://www.hyundai.co.uk/newCars/i20/technical/

العربيه 1400 سى سى

العربيه متوفره بمواتير بنزين 1.2، 1.4 و 1.6

مش هيبقي متوفر في مصر غير ال 1.6

العربيه مصنعه في مصنع هيونداي بتشناي (Chennai) بالهند.

لو ال fully equipped سعرها كان اقل من 95 ألف، انا شايف انها هتبقي احسن من ال Sirion ال 1.5 و ال Grande Punto و حاجات تانيه كتير.

صور لل interior اللي انا شايفه ممتاز من ناحية الشكل و متوقع ان ال materials بتاعته تبقي ممتازه برده زي ال i30:





و طبعا متوقع ان مش كل ال gadgets الموجوده جوه العربيه هتنزل عندنا زي ما حصل مع ال i30.

[Ahmed Anwer]

المفاجأة كمان انهم نزلوا الآي 30 استيشن واجن

قمة الجرأة من غبور










انا حاسس ان الاتجاه العام بعدكده انه هينزل العربيات بعوامل امان

اكيد وصله ان دي نقطة ضعف في عربيات هيونداي في مصر

الآي 20 لو سعرها معداش ال 95 الف باقصي حد هتكون منافسه

[Hesham A.Megid]

المفاجأة كمان انهم نزلوا الآي 30 استيشن واجن

قمة الجرأة من غبور

من المميزات القليله لغبور انه بينزل تقريبا كل الموديلات! اعتقد ان كل موديلات هيونداي بتتباع في مصر ما عدا حاجات بسيطه اوي.

بس مش عارف ايه لازمة ال i30 CW اذا ماكانش فيها صف كراسي ثالث!