صيانة شاملة للنيو اكسنت

[tikotjie]

السلام عليكم و رحمة الله و بركاته

ازيكم يا شباب، انا محتاج رأيكم و خصوصا الناس الى عندها خبرة فى النيو اسكنت انا عاوز اغير نظام الصيانة من صيانة دورية كل 5 الاف الى صيانة شاملة كل فترات لأكبر يا ترى حد معايا؟ و موافقنى ولا فيه اى مشاكل؟

و يا ريت اعرف من وكلاء مراكز الصيانة الصيانة الشاملة ممكن تتكلف كام؟ و كل قد ايه ممكن اعملها

وشكرا ليكم يا جماعة

[BassamHafez]

هم للاسف اصلا في التوكيل لو انت مشتكيتش من حاجة مابيعملوش حاجة اكتر من انهم بيغيروا الحاجات في مواعيدها بس زي البوجيهات والسيور والفلاتر وهكذا

انت ممكن تعمل الكلام ده مع نفسك وتروحلهم كل 10000 وخلاص بس معرفش الضمان ظروفه في الحالة دي

[AHMEDCAR]

الضمان بيسقط لو ماروحتش صيانتين وراء بعض لكن انت فى احاله دى بتروح و احده و تسيب و احده متهيالى عادى مافيش مشكله

[megaman]

بص يا باشا ممكن تعمل الاتى كل 10000 عند ميكانيكى نضيف تثق فيه ربط العفشة وفك تيال الفرامل وخليه ينضفهم همه والطنابير وخليه يراجع على رجلشة فرامل اليد ويغير اماكن الكاوتش مع بعض x طبعا غير زيت شل الترا +فلتر اصلى يستحسن ضبط الزوايا ومراجعة ترصيص العجل نضف فلتر الهوا بضغط الهواء واستبدله كل 15000 غير البوجيهات كل 20000 ونضفها فى ال10000 وكذلك ممكن تستخدم منظف دورة البنزين والانجكشن كل 20000 غير مياه دورة التبريد كل40000 المرة الاولى 48000 غير كل السيور كاتينة وتكييف ودينامو على60000 الكاوتش غيره من40000-60000 لو فى حد يعرف حاجه تانيه يضيف وكلنا نستفيد

[megaman]

حاجه مهمه جدا نسيتها تغيير فلتر البنزين على 60000 او40000 للامان

[tikotjie]

الله ينور عليك يا ميجامان :)

الله ينور عليك يا ميجامان :)

انا عاوز اعمل الصيانة مع نفسي فعلا ومستنى لو حد هيضيف حاجة بس ياريت يكون الحاجات الى لازم تتغير مش رفاهية ؟

وجزاكم الله خيرا ان شاء الله يا شباب

تيكوتجي

[tikotjie]

السلام عليكم و رحمة الله و بركاته
يا تري حد يعرف اسعار قطع غيار النيو اسكنت فى السوق بكام و من فين ممكن اشتريها وانا واثق؟