حادثة النترا+تغيير قطع غيار+محتار بين المراكز المعتمدة للتصليح

[sameh.acc]

قدر الله وماشاء فعل .... العربية بتاعتى اتخبطت طلعت ع الرصيف وتم عمل الاجراءات الازمة لدى الشركة المصرية للتأمين التكافلى واخترت اصلحها فى مراكز معتمدة اخترت منهم مركز البايلى اللى موجود قبل حديقة الفسطاط عند الراعى الصالح وهو من المراكز المعتمدة لدى شركة التأمين وهما اللى هيحاسبوا حتى لو فية تغيير قطع غيار كمان وتم عمل تقرير التلفيات وقالولى الاكصدام هيترش والشبكة اللى فيها الفوجات هتتغير هى والكارتيرات البلاستيك اللى تحت الاكصدام + السدر الفايبر هيتغير + قميص المروحة علما بان الفيوز بتاع المروحة اتحرق اما غيرنا الفيوز الجديد كان بيسخن بس المروحة شغالة بس بتشم ريحة كأن شياط فبقول للراجل راح قايلى الموتور اتحرق اصلوا سرعتين وهو دلوقتى شغال سرعة واحدة !!!! مش عارف اتحرق ازاى خصوصا المروحة بتلف يبقى الملف سليم + كمان لقينا اما بنشغل التكييف العربية بترعش جامد والتكييف مش ساقع خالص الراجل كشف لقى مفيش فريون فقالى شكل السربنتينة كمان مخرومة ,,, بعد ماشفت المركز دة بقلب فى الورقة بتاعة المراكز لقيت مركز مودرن سيرفيس اللى عند حمدى لادا فى الحرفيين فبجد محتار مش عارف اختار انهى مركز خصوصا البايلى قالى ممكن تاخد اسبوع تصليح مع ان العربية اكتر اللى فيها تغييرررررررر يعنى فك وتركيب مش هياخد يوم بصراحة محتار جدااااااااااا ومحتاج المشورة والنصيحة والنبى ياجماعة ربنا ميوقعكمش فى ضيقة

[Ahmed Anwer]

قدر الله و ما شء فعل

المهم ان حضرتك و العائلة كويسين

ان معرفشي مركز البابلي ده معتمد عند غبور و لا لأ ،،

بس مودرن سيرفيس معتمد عند غبور ،،

بس مش هيسعفوك في الوقت

و غالبا برده هيطلبوا اسبوع ،،

الفكرة في المركز المعتمد من هيونداي ،، المفترض انه هيكون شغال بنفس الكلبسات و قطع الغيار الاصلية بتاعت العربية

و كمان المفروض انهم عندهم خبرة اكتر في عربيات هيونداي

[sameh.acc]

ربنا يكرم حضرتك يا استاذ احمد الحمدلله على كل شىء ,, مركز البايلى على ما اعتقد معتمد من غبور اليافظة بتاعتة مكتوب Hyundai service وقالى بنبعت واحد يجيب القطع بفاتورة من غبور وهيوريهالى الموضوع كلة اللى خايف منه انو يفرق بس فى رش الاكصدام لكن قطع الغيار طالما اصلية مظنش هتفرق كتير واهو ع الاقل اقرب اطمن عليه من فترة للتانية انا حاسس ان المركز دة فاضى شوية ممكن يخلصوها فى وقت اقل من مودرن سيرفيس وربنا يقدم اللى فية الخير