ماتريكس 2009 اوتوماتيك وبنزين 80

[msds_eg]

السلام عليكم
يا جماعه انا معايا ماتريكس 2009 الشكل الجديد اتوماتيك

بصراحه كان تنك البنزين فاضي واضطرتني الظروف اني احط فيها بنزين 80 حطيت 20 لتر سافرت بيها من مصر لاسكندريه وشغلت التكييف طول الطريق والعربيه كان صوتها طبيعي ومحستش باي فرق غير ان السحب قل شويه ومسمعتش اي اصوات غريبه انتو ايه رايكم
انا كنت قبل كده قاري في المنتدى ان في ناس بتسخدم بنزين 80 على عربياتهم الدايو ومفيش مشاكل ويمكن ده اللي خلاني اجرب 80

انا عايز اعرف ايه العواقب اللي ممكن تحصل لو كررت الموضوع ده ومشيت ببنزين 80

[EslaM_NagY]

هو عشان طريق سفر فالحمل على الموتور اقل من الزحمة فعشان كدة مفيش اصوات غريبة انما فى الزحمة توقع حصبلة.

على المدى الطويل الانجكشن حيبوظ اسرع من الطبيعى.

[msds_eg]

شكرا يا باشا انا فعلا معملتهاش غير مره واحده وربنا ميكررهاش تاني

[M.ABDEEN]

ياريت متكررهاش لانه لو اتكررت مع الوقت ممكن العربية تبرجل منك والانشكشن يتسد والعربية ممكن الموتور بتاعها يكون ادائه مش قد كده

[banboty]

مع الاستخدام الطويل

هتلاقى كهربة العربية مش هتبقى مضبوطة و لو كانت مانيوال كان ممكن تلاقيها بتسقف

و كمان تقصر عمر طرمبة البنزين و تسد الفلتر في وقت قليل

و الاحتراق هيكون قليل اللى بيها ممكن تكون رواسب كربون على اوشاش البساتم

[msds_eg]

الف شكر يا رجاله انا فعلا كانت دي المره الوحيده اللي عملت كده
بس انا لقيته انه عادي ومحصلش اي ضرر ولا تاثير خالص ساعتها وفي السفر لحد اسكندريه رايح جاي

عموما انا مش هكررها تاني وربنا يستر

[Samah AbdAllah]

مرة وعديت والحمدلله انها جت فى سفر وطريق مش زحمة

[zakiali]

أنا عملتها قبل كده مع عربيتي لقيتها سحبها قل كتير وسقفت الموتور بيرزع وات طالع والحاله بقت كرب ندمت الصراحه بس مكنش في اليد حيله عشان مكنش فيه الا بنزين 80 واللمبه نورت

[ahmed1981]

بصراحه كان تنك البنزين فاضي واضطرتني الظروف اني احط فيها بنزين 80 حطيت 20 لتر سافرت بيها من مصر لاسكندريه وشغلت التكييف طول الطريق والعربيه كان صوتها طبيعي ومحستش باي فرق غير ان السحب قل شويه ومسمعتش اي اصوات غريبه انتو ايه رايكم

عشرين لتر إزاي ؟؟
هل قصدك إن التانك كان فيه بنزين وزودت عليه 20 لتر 80 ؟؟
في هذه الحال هيكون عندك مخلوط بين 80 و 92 مثلاً
والنتيجة تطلع متوسط بينهم
بمعنى بنزين 86

لذلك متقدرش تقرر اللي حصل هو تجربة لبنزين 80
ولو عايز تجرب بنزين 80 إنتظر حى يصبح خزان البنزين شبه خالي ثم قم بملئه ببنزين 80

ومسألة إن البنزين 80 بيسد الإنجشن لا أساس ه من الصحة
لكن هناك محاذير أخرى ممكن تشوفها في الموضوع التالي:

http://www.nilemotors.net/Nile/showthread.php?t=16758

[bishoy02010]

موضوع الرشاشات تتسد والكلام ده مع احترامى لكل الناس اللى شاركت كلام غلط 100% عشان حاجة بسيطة قوى كل البنزين 80 90 92 95 واى رقم اكتينى ده ركم اكتين فقط ملوش اى علاقة بنقاء البنزين ... كل البنزين درجة نقاءة واحدة ... الفكرة كلها فى نظافة خزان المحطة اللى بتحط منة مش اكتر ... و طالما مفيش تسقيف فى الموتور مفيش اى ضرر بس لو حضرتك متأكد ان مفيش تسقيف وانا اشك فى الموضوع ده بالنسبة للماتركس بس لو مفيش تسقيف فمفيش اى مشاكل طالما بتحط من محطة نظيفة وبتهتم بنظافة الخزانات وهكذا

[msds_eg]

عشرين لتر إزاي ؟؟
هل قصدك إن التانك كان فيه بنزين وزودت عليه 20 لتر 80 ؟؟
في هذه الحال هيكون عندك مخلوط بين 80 و 92 مثلاً
والنتيجة تطلع متوسط بينهم
بمعنى بنزين 86

لذلك متقدرش تقرر اللي حصل هو تجربة لبنزين 80
ولو عايز تجرب بنزين 80 إنتظر حى يصبح خزان البنزين شبه خالي ثم قم بملئه ببنزين 80

ومسألة إن البنزين 80 بيسد الإنجشن لا أساس ه من الصحة
لكن هناك محاذير أخرى ممكن تشوفها في الموضوع التالي:
http://www.nilemotors.net/nile/showthread.php?t=16758

يا افندم انا ساعتها كان لازم اروح اسكندريه وكان التانك فاضي تماما ومكنش معايا فلوس غير تمن ال 20 لتر بنزين 80 وعلبه السجاير بس وكان لازم اسافر المشوار ده ضروري جدا ااااااااا

[msds_eg]

موضوع الرشاشات تتسد والكلام ده مع احترامى لكل الناس اللى شاركت كلام غلط 100% عشان حاجة بسيطة قوى كل البنزين 80 90 92 95 واى رقم اكتينى ده ركم اكتين فقط ملوش اى علاقة بنقاء البنزين ... كل البنزين درجة نقاءة واحدة ... الفكرة كلها فى نظافة خزان المحطة اللى بتحط منة مش اكتر ... و طالما مفيش تسقيف فى الموتور مفيش اى ضرر بس لو حضرتك متأكد ان مفيش تسقيف وانا اشك فى الموضوع ده بالنسبة للماتركس بس لو مفيش تسقيف فمفيش اى مشاكل طالما بتحط من محطة نظيفة وبتهتم بنظافة الخزانات وهكذا

هي العربيه اوتوماتيك ومحصلش تسقيف خالص وفضلت ماشي بيها طول السفر في الطريق لاسكندريه على 120 ولما دخلت بيها اسكندريه كانت عاديه جدا ومحصلش تسقيف خالص بجد بس حسيت انها تقيله شويه بس

[bishoy02010]

هي العربيه اوتوماتيك ومحصلش تسقيف خالص وفضلت ماشي بيها طول السفر في الطريق لاسكندريه على 120 ولما دخلت بيها اسكندريه كانت عاديه جدا ومحصلش تسقيف خالص بجد بس حسيت انها تقيله شويه بس

عايز ققول لحضرتك تأكيد على كلامى ان فيه فيرنا بتاعت واحد هنا فى المنتدى وصلت 160 الف ببنزين 80 عادى ومن غير مشاكل نهائى طبعا ده غير موضوع الدايو اللى فى ناس من 99 بتحطلها 80 وعادى ده بيأكد موضوع ان البنزين درجة نقاءة واحدة والمشكلة بتكون من نظافة خزانات المحطة فمتقلقش محصلش حاجة :)

[zezo13178]

موضوع الرشاشات تتسد والكلام ده مع احترامى لكل الناس اللى شاركت كلام غلط 100% عشان حاجة بسيطة قوى كل البنزين 80 90 92 95 واى رقم اكتينى ده ركم اكتين فقط ملوش اى علاقة بنقاء البنزين ... كل البنزين درجة نقاءة واحدة ... الفكرة كلها فى نظافة خزان المحطة اللى بتحط منة مش اكتر ... و طالما مفيش تسقيف فى الموتور مفيش اى ضرر بس لو حضرتك متأكد ان مفيش تسقيف وانا اشك فى الموضوع ده بالنسبة للماتركس بس لو مفيش تسقيف فمفيش اى مشاكل طالما بتحط من محطة نظيفة وبتهتم بنظافة الخزانات وهكذا

اختلف معاك ياريس خصوصا لو كنت بتحط 80 وحطيت بعد كده 92 , الكلام ده حتي في الهونداي الاكسيل والسويفت مش في الماتركيس