فيرنا+اسبرنزا+شاهين

[cupid]

عايز النصيحه ياشباب فيرنا 1600 ولا اسبرنزا1600 ولا شاهين1600 ولا لانوس ياريت ياجماعه تقولولي الافضليه لمين بالترتيب
سوال اخرللعلم بالشي ليس له علاقه بالاختيار هل الاسبرنزا1600 والشاهين والانوس في منهم اتومتك؟؟؟؟؟؟؟

[cupid]

سوري ياجماعه عايز ادخل في المقارنه سيينا

[Ahmed Anwer]

مفيش أتوماتيك غير في الفيرنا

[cupid]

فين المقارنات او الافضليه بالترتيب للسيارات

[أبو عبدالله]

من حيث الاعتمادية واسعار الصيانة وقطع الغيار يبقى بدون منازع الشاهين واللانوس

اللانوس قطع غيارها لا تقارن بالفيرنا فهيا رخيصة جدا وموجوده في كل حته عن اسعار قطع غيار الفيرنا

اما الأسبرنزا فلا انصحك نهائي بها

[mohaismail]

انا لو مكانك اجيب شاهين وانا مغمض مصر مينفعش فيها غير شاهين وقطع غيارها رخيصة جدا جدا

[Sharky]

رأى الشخصى :
1- لانوس
2- فيرنا
3- شاهين
4- إسبرانزا

[memo_hefnawy]

1- شاهين
2- شاهين برده
3- لانوس
4- إبعد عن الفيرنا حاليا أو هات كورى مش مصرى (أعتقد لسه ال 1600 كورى)
5- سيينا

[PAYOO]

اولا شيل من دماغك الصيني خالص (ده لو عاوز تعيش في راحه بال)
ثانيا بلاش "لانوس" لأن شركة "دايوو" لم يعد لها وجود في العالم بعد أن بيعت لشركة جينيرال متورز الأمريكيه
أما عن الثلاثه المتبقيين في المقارنه :-
إذا كنت مِن مَن لا يهتم بالشكل وتريد القوة والمتانه يبقى أول اختيار هو "الشاهين" بدون منازع
عاوز عربيه منتشره في مصر وقطع غيرها متوافره ومش غاليه يبقى الـ"فيرنا"
أما السيينا لا أستطيع أن اعطيك رأيي فيها لجهلي بها وإن كنت لا أفضلها لان وكيل فيات في مصر مقصر جدا في مراكز الخدمة


وربنا يوفقك لما فيه الخير إن شاء الله

[Powert]

رأى الشخصى :
1- لانوس
2- فيرنا
3- شاهين
4- إسبرانزا

+1

[Islam_galal]

بص سعادتك طالما حطيت الشاهين في المقارنة يبقس سعادتك قابلها شكلا
تبقي الشاهين فورا
1- شاهين (الشكل مش مقبول عند بعض الناس و الصالون ضيق شوية عند الكنبة الخلفيه لكنو قطع غيار رخيصة قوي بالمقارنة بالزيرو و متانة صاج و موتور جيد) 1400 CC & 1600CC.
2- اسبيرانزا (موتور سحبة ضعيف بالذات تحت 100 كم/س بالمقارنة بالـ 1600، تقفيل كان عربية قديمة معمولها عمرة نضيفة و لكن صالون و اسع و شنطة و اسعه و كماليات تحفة) 1600 CC بس.
2- (برضه 2) فيرنا (التقفيل المصري مش قد كدة و الصالون شوية اضيق من الاسبيرانزا و لكن الموتور جيد مرتفع) 1500 & 1600 CC.
3-اللانوس (ماركة انتهت و صاج ضعيف و لكن عربية اثبتت كفاءة علي مدار السنين و قطع غيار رخيصة و موتور جيد جدا).
4- سيينا (قطع غيار غالية و بعضها مش موجود و الوكيل مش مهتم بسيارات الركوب قوي و لكن السيارة بشكل عام جيد)

[eng_mkhalaf]

سيبك من بايو وشوف شيرى A11 :) :)

[cupid]

ياعني نستبعد تماما الاسبرنزا والدايو والسيينا

[شريف]

بص سعادتك طالما حطيت الشاهين في المقارنة يبقس سعادتك قابلها شكلا
تبقي الشاهين فورا
1- شاهين (الشكل مش مقبول عند بعض الناس و الصالون ضيق شوية عند الكنبة الخلفيه لكنو قطع غيار رخيصة قوي بالمقارنة بالزيرو و متانة صاج و موتور جيد) 1400 CC & 1600CC.

1+

اضف الى ذلك ان العربية يعتمد عليها و دفع خلفى ومتييييييينة
ومفيش 2 ولا 3 ولا 4

[PAYOO]

سيبك من بايو وشوف شيرى A11 :) :)

والله العظيم يا باشمهندس أنا ملسوع لسعه من الصيني خالتني من بعدها ماكولش في اطباق صيني حتى

وأنا فاكر أني صدمتك أول ماشوفتك في المقابله إللي فاتت (معلش بقى أنا انكسفت منك بعدها والله)