اشترى منين كاوتش جديد وابدل القديم بكام

[bassemf]

السلام عليكم ورحمة اللة،

معايا فيرنا كاملة 2007 مانيول وماشية حوالى 58.000 ك اشتريت فردة خلفية جديدة لان القديمة اتقطعت من بلاعة عالية فى مصر الجديدة.

المهم عايز 3 فرد تايلاندى زى اللى ركبتها فسعرها العادل حوالى كام ؟ والسؤال الاهم هنحسب ال 3 فرد المستعملين بكام ؟ واحد عرض عليا 75 ج فى الثلاثة.

ارجو الافادة لى وللجميع،

باسم فهمى

[angelheart]

اعتقد القديم كدا خلاص ... عمرة الاقتراضى انتهى .. شوف بقية الاعضاء يفيدوك بردوو

[bassemf]

يعنى شايف 25ج للفردة معقول .. على فكرة هو لسة ماتمسحش. على العموم هشوف رأى الاخوة بردة

[أشرف فتحى]

لو عندك مكان ...متبتدلش القديم...إحتفظ بيه لاى ظرف لا قدر الله...

كده كده مش جايب حاجه تستاهل واللى هياخده هيبيعه لواحد على انه مشى 10000 كيلو بس زى ما بتوع الكاوتش كلهم بيقولوا...

فبدل ما تدى حد فرصه ينصب على حد تانى...خلى القديم عندك ...يمكن تحتاجه او تسلفه او اى حاجه....
ربنا يوفقك...

[megaman]

نصيحه اشترى كومهو كورى عجله حلوه واشترى من تاجر جملة كبير زى غطاطى فى فيصل او حد تانى فى شارع احمد سعيد او سمير بيومى فى شارع التحرير بالدقى

[bassemf]

شكرا يا جماعة وخاصة أشرف فتحى على اقتراحة ..