تحذير شديد جدا من غبور قليوب..للافادة فقط

[amirfanos]

تحذير من أسؤا توكيل فى مصر ولكل من تسول لة نفسة ان يعمل صيانة عندهم
من أول الاستقبال واسعار الكافيتريا السياحى وحتى دفع الفاتورة والخروج من هذا الوقر بعد عمرا طويل ان شاء اللة....دا لو خرجت أصلا ...فضلا عن حرقة الدم
عشان ما أطولش عليكم و تعم الفادة هأختصر كلامى فى نقاط:
1-يعطوا أى ميعاد للعميل بغض النظر عن كمية السيارات فى اليوم الواحد او نوع الصيانة(أى كلام)
2-يقولك أتفضل فى الاستراحة و هايندهوا أسمك وأنسى ياعمرو
3-اللى لة واسطة أو بيدفع هو بس اللى بيمشى بغض النظر عن الارقام اللى خدناها فى الاستقبال(سبحان اللة تلاقى عربيتهم طلع لها جناحات و نطت واشتغلوا فيها)
4-أسعار الكافيتريا=شرم الشيخ
5-و االى مالهوش وسطة علشان يمشى علية بالاتى(يهزأ المهندس 3 مرات قبل الاكل و يعمل خناقتين و يعلى صوتة فى الصالة قبل النوم) معلش أصلى صيدلى.
6-لهم حجة مختلفة لكل عميل لتبرير التاخير(واللى مايصدقهاش عيل فى kg2)
7-ميكانيكا فقط و مالهومش اى دعوة باى عيب اخر فى العربية(يتم تحويلك لمقر اخر)

على فكرة انا كنت باعمل صيانة الالف الاولى(اللى هية بتاخد 10 دقائق فقط) و حضرت الساعة 11.20ص وغادرت 5.5 م بعد ما عملت الوصفة أعلاة.
و عشان ما كونش ظلمتهم بحكمى تاكد من كلامى 100 فى ال100 وكلمت تقريبا جميع العملاء هناك.
و أخيرا قررت طظ فى الضمان و طظ فى الصيانة و الميكانيكية بالهبل برة و لووصلت ابيع العربية بجد
و حسبى الله و نعم الوكيل و عمار يا مصر بأمثال غبور و غيرة
وانا مستعد لاى استفسار د.أمير

0127701177

تم تعديل لفظ الجلاله
مشرف هيونداي

[EslaM_NagY]

انا عملت صيانة مرة هناك من 6 شهور تقريبا

كانوا زى بتقول بالظبط بس انا يومها مشيت فى معادى الى أخدته.

[amirfanos]

تلاقيك بس يا باشا ضخم أو عضلات شوية
حكم هم مابيجوش الا بالعين الحمرا
ومنهم للة

[alisleman]

هو غبور كدة تحس انه واخد صفات المصريين فى قلة النظام

[Hacker5]

عادى حضرتك دى مش حاجة جديدة الموضوع رحته فاحت ولا ريحة الفسيخ

[hamdy]

انا لسة عامل صيانة ال 20 الف
الوصول الي غبور ابو رواش الساعة 12 ظهرا
ميعاد الخروج الساعة 8ونص بليل يا جماعة
دا العادي ومتسالنيش عربيتك اتاخرت ليه ....!!!!؟؟؟؟؟؟

[HamadaMOMO]

هو دا حال غبور ودا كمان ياريت تخرج من عندهم العربية اتصلحت كل مشاكلها مش يصلح عيب ويسيب الباقى ويقولك الصيانة الجاية

[EslaM_NagY]

تلاقيك بس يا باشا ضخم أو عضلات شوية
حكم هم مابيجوش الا بالعين الحمرا
ومنهم للة

اولا : الله تكتب بحرف ( الهاء ) وليس التاء المربوطة - خد بالك

ثانيا : انا ارفــــــــــــــــــــــــــــــــــــــــع مما تتخيل

[atamim]

يا باشا انا رحت 9 و نص خلصت 2

المهم بعد ما دخلت كان فية عربية فرنا بيضاء قبلى فيها بنات بعد شوية اختفت تماما من الطابور (كشف مستعجل)

المهم عربيتى اتحركت شوية و ركنوها قولت مستنيها تبرد علشان يغيروا الزيت قولت اتمشى شوية


رجعت بعد ساعتين لقتها فى مكانها متحركتش و العربيات الى بعديها وصلت للتسليم خلاص

رحت للمهندس قولت له العربية بقالها ساعتين مركونه فى نفس المكان

الراجل طلع جدع بعد 10 دقائق جاب واحد (او هو الى جا من نفسة معرفش) و خلصوها بعد كدة ب نص ساعة فالساعة بقت 2 و نص بدل مستلمها الساعة 12

المهم الكول سنتر اتصل بيا على الموبيل بيقول لى العربية جهزت خلاص

بس للامانه هو دخل للكول سنتر و طلع من عندة ساعة ما كلمته يمكن قال لهم اتوصوا بالراجل دا و اتصلوا بية اول ما تخلص هههه

[COLDMAN]

كلام مضبوط ده حال صيانة قليوب فعلا وعن تجربة وياريت على قد كده بس ، قول يارب عربيتك تخرج سليمه من هناك

[MEMES]

توكيلات غبور زباااااااله بجد
أنصحك بمقاطعتهم وتعامل مع مركز خدمه معتمد هتحس بفرق كبييييير

[ahmedsamir79]

غبور توكيلاته مزعجه جدا

[analyzer]

من سنتين ونصف كنت لسه شارى العربيه الفيرنا وروحت عملت صيانه الالف الاولى ومعتبتهاش تانى لحد يومنا هذا

[mosaelaswad]

عمرى ماشفت زى غبور -تهريج-وان شاءاللة لو استمر على كدة هيبتدى يقع واحدة واحدة--بالمناسبة هما مش مهتمين بالشكاوى لية --ناس ماعندهاش دم

[Amrrr]

انا باروح ابو رواش انظف من قليوب ومنظم كتير عنه وبتخلص العربية في الميعاد اللي بيقولوا عليه ودايماً بيدي معاد متأخر ويخلص قبل منه -
3 مرات من سبع زيارات ندهوا علي استلم العربية والاربع مرات التانيين كنت بانزل اسأل عليها القيها خلصانة وساعات بتتأخر مش كل مرة يعني
عملت شكوى مرة وسيبتها في خدمة العملاء اتصلوا بي بعديها بأسبوع وتابعوا معايا الموضوع وخلص على خير
آخر مشكلة حصلتلي من غبور السلطان حسين ركبوا لمبة سهاري عالية وسيحت وش الفانوس وغيروهولي في أبو رواش بالفاتورة اللي واخدها من السلطان حسين