صيانة مجمعة 60 و 65 بمركز كارافان الرحاب

[الريس]

نظرا لضيق الوقت انا فوتت صيانة ال 60 و عملتها في ال 65 في مركز كارافان (معتمد) بالرحاب


المكان صغير جدا جدا

مهندس الاستقبال ظهر الي الوجود الساعة12 الظهر و انا وصلت الساعة 11 و طبعا انتظرت سيادته (هو اسمه احمد) و المكان مش زحمة

اتفقنا نعمل حاجات و نفوت حاجات علشان ضغط التكاليف

و غيرنا الاتي

سير الكاتينة و البليتين
مجموعة السيور
فلتر الهواء
مياة الريدياتير
طقم بوجيهات
و عملو ربط عفشة

المصنعيات 275 بالضريبة

الزمن 3 ساعات

الاجمالي 1163

التقييم العام 7 على 10

معملوش اي واجب خصومات او خدمات اضافية مع العلم المصنعية دي للكاتينة فقط و لم ادفع مصنعية الصيانة الدورية

ملحوظة
فلتر الزيت عندهم ب 33 جنيه اخو اللي باجيبه من شل ب 27 جنيه بالضبط و مش عارف السبب

بس كده

[EslaM_NagY]

مبرررررروك الصيانة

حسيت بفرق بعد تغير الحجات دى ولا الاداء هو هو ؟؟

بالنسبة للمركز فى مدينة نصر فهو فعلا صغير جداااا وكانت عندى معاهم تجربة سيئة هى ان السنتر باظ وبعد فك الاربع بيبان وبعد 3 ساعات طلعلى المهندس وهو مسبوط اووى بيقولى احنا مش عارفين وهو مش عايز يشتغل ليه ؟؟ قولته طب شكرا

تانى يوم رحت ابو رواش فى 10 دقايق السنتر كان شغال.

من ساعتها وانا حرمت اروح كارفان دا تانى

بس انا رحت الى فى مدينة نصر مش الرحاب.

[الريس]

مبرررررروك الصيانة

حسيت بفرق بعد تغير الحجات دى ولا الاداء هو هو ؟؟

بالنسبة للمركز فى مدينة نصر فهو فعلا صغير جداااا وكانت عندى معاهم تجربة سيئة هى ان السنتر باظ وبعد فك الاربع بيبان وبعد 3 ساعات طلعلى المهندس وهو مسبوط اووى بيقولى احنا مش عارفين وهو مش عايز يشتغل ليه ؟؟ قولته طب شكرا

تانى يوم رحت ابو رواش فى 10 دقايق السنتر كان شغال.

من ساعتها وانا حرمت اروح كارفان دا تانى

بس انا رحت الى فى مدينة نصر مش الرحاب.

تسلم يا باشا على ذوقك
بس لايوجد اي احساس بأي فرق في الأداء
و فعلا لولا ان انا كنت خايف على العربية من المشي اكتر من كده علشان الكاتينة كنت صبرت و عملتها في ابو رواش

و هما الناس نفسهم في المركز بيقولولي ان بتاع مدينة نصرمش اد كده

خير ان شاء الله
و شكرا للمرور

[Ahmed Anwer]

مبرووووك يا باشمهندس باسم ،،، علي صيانة الخمسة و ستين الف

و عقبال المليييييون

عاش من شافك يا ريس

انا اتعاملت مع مركز كارفان في الرحاب في حاجة بسيطة قبل كده

و كان احساسي العام انهم مش بطالين

علي الأقل من قبيل انهم رايقين

[الريس]

مبرووووك يا باشمهندس باسم ،،، علي صيانة الخمسة و ستين الف

و عقبال المليييييون

عاش من شافك يا ريس

انا اتعاملت مع مركز كارفان في الرحاب في حاجة بسيطة قبل كده

و كان احساسي العام انهم مش بطالين

علي الأقل من قبيل انهم رايقين

الله يبارك قيك يا احمد باشا و اعتذر عن الغياب لظروف افتتاح شركتي الجديدة
بس و الله ليكم جميعا وحشة جامدة

كارافان فعلا مش زحمة برغم عدد سكان الرحاب
و ده مؤشر مهم

عموما ادينا هنشوف

شكرا لذوقك و مرورك الكريم

[bassam nagy]

الف مبروك وعقبال صيانة 1000000

[الريس]

الف مبروك وعقبال صيانة 1000000

الله يبارك لي في عمرك و ذوقك
شكرا لمرورك الكريم

[AHMEDCAR]

كان لازم تغير البوجيهات بالمره علشان العربيه تفوق صح كده ات مش هاتحس باى فرق خالص

ده صيانه ال30 لما بنغير فيلتر بنزين و بوجيهات الربيه بتحس انها عاوزه تمشى لوحدها

مبروك و عموما كارفان ده واحد اخد العلامه من غبور و فتح مركز خدمه بالتالى هو مش هايعنل اى خصم علشان يستفيد اكبر قدر ممكن

[الريس]

كان لازم تغير البوجيهات بالمره علشان العربيه تفوق صح كده ات مش هاتحس باى فرق خالص

ده صيانه ال30 لما بنغير فيلتر بنزين و بوجيهات الربيه بتحس انها عاوزه تمشى لوحدها

مبروك و عموما كارفان ده واحد اخد العلامه من غبور و فتح مركز خدمه بالتالى هو مش هايعنل اى خصم علشان يستفيد اكبر قدر ممكن

احمد بيك
انا فعلا و حقا غيرت البوجيهات و كتبت ده في راس الموضوع يا فندم

في بس نقطة لفتت انتباهي و عاوز انبه الناس ليها
مراكز قطع غيار المعتمدة من غبور (زي اللي في شارع دمشق)بتدي 20 % على السعر اللي بنشتري بيه من مراكز الصيانة و مراكز الصيانة ملزمة تقبل منك القطع دي (لانها بختم غبور)
دي معلومة جديدة عرفتها بعد ما عملت الصيانة للاسف و كانت ممكن توفر لي 250 جنيه على الاقل
فنحاول ننشر الموضوع للفائدة

و موتاشاكيرين ليموروراك الكاريم يا باشا