زيت الفيرنا نقص !!

[moudy2002]

النهاردة قلت ابص على زيت الموتور فى الفيرنا ... لقيتة تقريبا ناقص حوالى ربع لتر ( المقدار الى انا زوته وبقى الزيت على علامة ال max ) طبعا اانا اسغربت جدا لانى فى صيانه الاف حطيت شيل 10.000 الرمادى وكان الزيت على العلامة مظبوط . وكان فاضل ربع لتر فى الجركن الى انا زوتهم النهاردة .
العداد عامل دلوقتى 5500 ك .. المهم ربنا يتستر وميطلعش حاجة فى الموتور . ويطلع بخر زيت .

انا عملت الى عليا ورفعت العربية فى البنزينة وملقتش تسريب كمان بصيت على الشكمان ملقتش اى اثار زيت محروق ..

لو حد مر باتجربة ديه يقولى رأية لانى فعلا بقيت قلقان ..
شكرا مقدما .

[yahiahelaly]

على حسب خبرتي بدام العربية لس جديدة اتاكد من غطاء الزيت ممكن يكون بيطلع بخرة زيت زي مانتة بتقول بس بيتهيئلي مش هينقص الكمية ديه كلها تاني حاجة ممكن يكون تسريب وانتة بتقول مافيش رابع حاجة بقى واخطرها وانتى اكيد ملاحظها ان مافييش زيت على ماية فى المقاس

[Samir Elshahawy]

طبيعي ان الزيت ينقص نتيجة لتبخره أو احتراق جزء منه في غرف الحريق و لكن ليس بمقدار كبير و عموما تاكد من الاتي:
- عند قياس مستوي الزيت تاكد من ان السيارة في مستوي أفقي و ليس هناك اي ميول للطريق
- تاكد من وضع مقاس الزيت بأحكام في مكانه حتي لايتطاير منه الزيت أثناء دوران المحرك
- تأكد من احكام غطاء التزويد

و حاول ان تتحري مستوي الزيت بشكل يومي حتي تكتشف أي نقص في المستوي بشكل مبكر

[vayron]

راجع طبةالزيت من تحت وأتأ:د أنهم قفلوها كويس

[m_s_h_a]

وبعدين مش لازم الزيت يكون عند علامة max هو المهم يكون مابين الحد الادنى والاقصى وزى ما قال الزملاء وبعدين هو قاس الزيت بعد ما حطه فى العربيه على طول وكنت مغير الفلتر؟ لان الفلتر بيسحب كميه من الزيت راجع مانصح به الزملاء واعتقد ممكن تبص على جوانب الموتور من اعلى كمان لو فى زيت؟

[moudy2002]

شكرا ياجماعة على النصايح الجميله دية وانا فعلا هتابع مستوى الزيت على فترات متقاربة علشان اشوف ايه الحكاية وطبعا هتابع اول بأول معاكوا ..

[ashouhdy]

حضرتك قست مستوى الزيت قبل ما تدور و العربية باردة
ولا العربية كانت دايرة و سخنة
عشان مستوى الزيت بيختلف فى الحالتين