"جي بي أوتو" تخفض سعر "هيونداي ماتريكس" 4000 جنيه

[n_light]

قررت شركة "جي بي أوتو" وكلاء سيارات "هيونداي" الكورية في مصر تخفيض سعر هيونداي "ماتريكس" 4000 جنيه.

و أصبح السعر الجديد ل"ماتريكس" المانيوال 86.000 جنيه بعد أن كان 90.000 جنيه .

أما سعر هيونداي "ماتريكس" أوتوماتيك الجديد فبلغ 93.000 جنيه بعد أن كان 97.000 .



ولسه الباقي جاي وراها
واتمني حد لو متابع يقول لنا هي السعر الطبيعي كان فعلا 90 ولا اقل

عشان فيه شركات بتزود السعر 10 الاف وبعدين تخفض 5 وتعمل دوشة انها عملت تخفيضات


ولسه خلوها تصدي

[som3aa]

سبب خفض السعر مش حملة و لا حتى الازمة المالية السبب ببساطة نزول الكارينز لا اكتر و لا اقل , فلما فرق السعر يبقى 14 الف فى ناس كتير هتجيب الماتريكس علشان ارخص , الفكرة كلها نزول منافس بعد مكان مفيش منافس.
لو مكنوش نزلوا سعرها الكل هيشترى الكارينز علشان احسن 100 مرة و بالتالى هيوقف مبيعات الماتريكس.
انا متوقع نفس الكلام للالنترا

[Hosam_Optrawy]

سبب خفض السعر مش حملة و لا حتى الازمة المالية السبب ببساطة نزول الكارينز لا اكتر و لا اقل , فلما فرق السعر يبقى 14 الف فى ناس كتير هتجيب الماتريكس علشان ارخص , الفكرة كلها نزول منافس بعد مكان مفيش منافس.
لو مكنوش نزلوا سعرها الكل هيشترى الكارينز علشان احسن 100 مرة و بالتالى هيوقف مبيعات الماتريكس.
انا متوقع نفس الكلام للالنترا

كلام سليم جدا

بس الالنترا غليت بعد نزول السيراتو

والسبب ان السيراتو غير متوفره وبتتباع بأوفر برايس

[Hacker5]

متهيئلى غبور جاتله حالة رعب على الماتريكس
ابو الفتوح و نصير زنقوه بالتيجو و الكارينز

[som3aa]

بس الالنترا غليت بعد نزول السيراتو

والسبب ان السيراتو غير متوفره وبتتباع بأوفر برايس

فعلا علشان لسه فى الاول فالسيراتو عليها ضغط جامد و بالحجز , بس بعد كدا لما تبقى متوفرة هى و الالنترا هيضطر ينزل تمن الالنترا علشان يعرف ينافس

ابو الفتوح و نصير زنقوه بالتيجو و الكارينز

معتقدش التيجو تقدر تنافس الماتريكس و كمان التيجو مبيعاتها قليلة جداااااا بالنسبة للماتريكس , يعنى انا مشفتهاش فى حياتى غير 3-4 مرات فى الشارع بس , كمان مونور ال1600cc بتاع الA516 ضعيف عليها فمابالك بالتيجو اللى هى اكبر حجما و بعدين فى ناس كتير (و انا منهم ) مثقش خالص فى الصينى مهما كانت المركة الا لما ينزل اوروبا و امريكا و يتباع و ينجح فى اختبارات الامان الاوروبية و العربيات تتجرب و نشوف معمرة و لا لأ و فيها مشاكل و عيوب و لا لأ و ايه نظامه , حاليا الصينى فى رايى اشخصى مينفعش غير لحد معاه فلوس زيادة و عايز يخلص منها و دا رايى الشخصى بس برده مبنى على عدم بيع العربيات دى فى اى دولة اوروبية او دولة محترمة + عدم نزولها فى اختبارات الامان الاوروبية.

[Hosam_Optrawy]

التيجو مبيعاتها قليلة جداااااا بالنسبة للماتريكس , يعنى انا مشفتهاش فى حياتى غير 3-4 مرات فى الشارع بس

انا بقى عكسك

باشوفها كتير جدا

وخصوصا اللون الاسود

العربيه انتشرت جامد

[الريس]

اكيد السبب هو مزاحمة الكارينز و التيجو لها
و انا برغم اني من ملاك الماتريكس ((عربيتين))
الا اني كنت متعجب جدا على السعر الهلامي بتاع غبور ده

[blazer]

سبب نزول السعر اكيد هو منافسه الكارينز اولا ثم التيجو

[Mostafa Hessen]

سبب خفض السعر مش حملة و لا حتى الازمة المالية السبب ببساطة نزول الكارينز لا اكتر و لا اقل , فلما فرق السعر يبقى 14 الف فى ناس كتير هتجيب الماتريكس علشان ارخص , الفكرة كلها نزول منافس بعد مكان مفيش منافس.
لو مكنوش نزلوا سعرها الكل هيشترى الكارينز علشان احسن 100 مرة و بالتالى هيوقف مبيعات الماتريكس.
انا متوقع نفس الكلام للالنترا

1000000000000000%

[SAMEH_FOUAD]

التيجو منتشرة جدا جدا وسيارة شكلها احسن واظرف من الماتريكس بكتير ,لكن ماجربتهاش
وبعدين انا بشوف سيراتو كتير جدا جدا جدا ,ازاى بقى مش قادر التوكيل يسد على حجزها

[som3aa]

التيجو منتشرة جدا جدا وسيارة شكلها احسن واظرف من الماتريكس بكتير ,لكن ماجربتهاش
وبعدين انا بشوف سيراتو كتير جدا جدا جدا ,ازاى بقى مش قادر التوكيل يسد على حجزها

مش عارف يمكن انا اللى مبشوفهاش كتير بس العربية مش بالشكل , العربية فى الاول و الاخر جودة تصنيع و عمر افتراضى , يعنى مثلا الماتريكس معروفة و مضمونة , الa620 تمن المستعمل منها موديل 2007 عاملة 60000 بتتباع ب 68000 مع ان تمنها جديد 110000 لان معروف انها مش معمرة و بيظهر فيها عيوب و حاجات , بالنسبة للسيراتو مش قادر يسد الحجز لان العربية نزلت ف ناس كتير اشترتها مرة واحدة هو بيجيب كمية صغيرة و يبيعها و ضغط الحجز سبب عدم توافرها بس الموضوع مش هيطول سنة بالكتير اوى تكون كل العربيات اتسلمت و تبقى العربية موجودة عادى فى كل المعارض تسليم فورى , نفس الكلام بيحصل فى عربيات كتير غالية و رخيصة اول ما تنزل زى ال مرسيدس ال c-class و الاسبرانزا و الانترا و عربيات تانية كتير.

[أحمد كمال]

يا بركاتك يا كارينز !!!!

[Ahmed Samy]

الكارينز و التيجو

انا باشوف التيجو كتير جدا

و اللي بيسأل اصحابها بيشكروا فيها جدا

واحد بس اللي شتمها و لعن سلسفينها

بس عموما ..العربية منافسة


و غبور لازم يعقل بقى ....كفاية كدة

[Ashraf_Ashraf]

سبحان الله مع انه غبور كان بيقول انه بيكسب 2% فقط من قيمه العربيه
كده يستاهل الشكر بيبيع بخساره علشان عيون اهله وبلده

[n_light]

يا سبحان الله

انا كنت فاكر الناس هتقول ان الوكلاء ابتدوا يحسوا علي دمهم ويخفضوا الاسعار عشان الدنيا تمشي

اتاري هي بس حكاية منافسة وحرق اسعار علي بعض

زي الرينو المغربي اول ما نزلت الفيرنا نزلت سعرها عشان متاخدش منها السوق

عموما برضه فيها خير لينا ولسه مستنين اكتر

فكرتوني بدعاء باسمعه علي طول في صلاة الجمعة

"اللهم اضرب الظالمين بالظالمين واخرجنا من بينهم سالمين"


امين