خدعة أبو غالي

[ahmedfaid8181]

بس يا فندم الحل بسيط جدا
روحى لادارة البنك العربي الافريقي اللي انتي فتحتي فيه الحساب ومضيتي فيه الشيكات و بلغيهم انك هتغيري المقدم عشان تغير سعر العربية (هتنقصي المقدم) البنك هيبعت للفرع بتاع ابوغالى اللي انت دفعتي فيه 1000 عشان يجيب عرض سعر العربية الجديد بس ومالكيش دعوه بالمعرض خالص
بس انا اتعاملت قبل كده مع ابو غالي البنك العربي الافريقي عشان عرض ال 6% بس وقتها سعر العربية اللي كنت حاجزها اتغير و البنك هو اللي بلغني وجابوا من نفسهم العرض الجديد و ظبطوا المسائل بس اهم حاجه تروح البنك بنفسك و توضح الامر هناك
ومتسحبش فلوسك من ابو غالي و الا هتسيب 25 % من المقدم ليهم يعني 250 جنية

[Mr_MoMo]

أعضاء المنتدى الكرام
دي أول مشاركة لى في منتداكم القيم وعايزة أعرض تجربتي وأخذ رأيكم.
أنا حجزت عربية ماتريكس 2010 من أبو غالي طبعاً علشان عرض ال 6% فائدة وده كان من اكتر من شهر ، وطبعاً العربية مش موجودة ولم يتم تسليمها إلى الآن ، المهم طبعاً وقت حجز العربية كان سعرها 97000 جنيه وجي بي أوتو نزلها الاسبوع الماضي بسعر 93000 جنيه طبعاً الموزعين ومنهم أبو غالي المفروض عليهم الالتزام بالسعر الجديد ، ولكن أبو غالي طبعاً رفض وبيقول إن اتفاقية البنك وعرض ال6% مقتصر على سعر 97000 جنيه .
طبعاً كلام ما يتصدقش سألت البنك قالوا طبعاً إن ده كلام فارغ ومن حق العميل إنه يستفيد بأي عروض ويدفع سعر العربية وقت استلامها لأن لو كانت العربية زادت كان لازم ندفع زيادة السعر و مش هايكون ده رد الفعل.
المهم أنا مش هاقدر أكون سلبية وأستسلم لجشع أبو غالي أنا بافكر في الكيا كارينز لأنها بصراحة كانت عاجباني من الأول لكن أنا قلت الماتريكس محدش اشتكى منها وصيانتها وقطع غيارها معقولة وكمان ال resale بتاعها ممتاز .
بس مش هاقدر اقبل الجشع ده ، ياريت تفيدوني بآرائكم وأقدر أعمل إيه مع الناس دي ؟

كارينز ايه بسسسسسسسسسسسسسسسسسسسسس دا انا ليا شووط كبير مع موضوع الكيا كارينز دا , شكاوي , و خنقات و ليله !!!!!!!!!! ابعد عن الكارينز و غنيلو , خليكي في الانترا انا خلاص بعد معركه الكارينز مفيش غير النترااااااااااااااااااااااااااااااااااااااااااااا اااااااااااااااااااااااااااااااا هيا البيج بوص في الفقه دي !!!!!!!!!!1

[Samah AbdAllah]

حضرتك لو تحبى تغيرى غيرى براحتك شوفى اللى يناسبك بس المهم انك ماتغيريش نوع العربية هربا من ابوغالى
لازم تتمسكى بحقك فى خفض السعر وحتى لو وصلت انك تبلغى جهاز حماية المستهلك
لان السكوت على مثل هذه التصرفات هو مايدفع امثالهم فى التمادى فى الجشع واستغلال المشترى

[tutankhamoun]

طبعا لازم أتخاذ موقف .......
لأنه بمنتهى البساطة لو كان سعر العربية طلع جنيه واحد كانوا رفعوا السعر ........
و أدام مبدأ تغيير السعر موجود .......
يبقى لازم تأخدي بالسعر المنخفض ...........
و لو مرضيوش ......... يبقى تسحبي فلوسك ....... و تشوفي معرض تاني محترم ......
بس الأول جربي الحاجات اللي الأخوة قالوا عليها قبلي يمكن تجيب نتيجة وتقدري تغيري السعر للنزول .

و بعدين ده كذب و تضليل :
يعني أيه علشان تأخدي 6 % يدوكي بالسعر القديم ....
ما هو هما اللي ممولين العربية ...... كنا نقول ماشي .......

إنما البنك هو اللي ممول ........ يعني هما مكسبهم مضمون مضمون ...... و لا ليهم أي صلة إن كانت الفائدة 6 % أو حتى 50 %

شوية نصابين صحيح .

لا تتراجعي عن موقفك و التمسك بتخفيض السعر أو سحب الفلوس حتى لو هاتخسري 25 % يعني 250 جنيه ......
و بعدين أيه كل الأنتظار ده كله ..........؟؟؟؟؟؟؟؟؟؟

[MoToRiZeR]

مبدئياَ غير الكارينز كمان فيه سكودا رومستر و سعرها ممتاز .
ثانياَ لو صمموا علي موقفهم لو عندك وقت ممكن تروحي جهاز حماية المستهلك في المهندسين تعملي شكوي و دول ناس جد و محترمين .. لو عايزة تخلصي علي طول إلغي الحجز و تغور العربية اللي من وشهم و فيه عربيات تانية كتير .

[mohamedmaher]

انت استاذ يا cairo 2005 واضح انك خبير ممتاز وربنا يجازيك خير ان شاء الله على النصيحة الحلوة والقوية ديه لأن فعلا المماطلة لازم يقابلها تصرف جرىء زى اللى انت اقترحته

[aliabutaleb]

مبدئياَ غير الكارينز كمان فيه سكودا رومستر و سعرها ممتاز .
ثانياَ لو صمموا علي موقفهم لو عندك وقت ممكن تروحي جهاز حماية المستهلك في المهندسين تعملي شكوي و دول ناس جد و محترمين .. لو عايزة تخلصي علي طول إلغي الحجز و تغور العربية اللي من وشهم و فيه عربيات تانية كتير .

على فكرة جهاز حماية المستهلك موجود له مقر في القرية الذكية - كم 28 على الطريق الصحراوي - مبنى b124