اجيب النترا مصري و لا خليجي

[dr_abooody]

كنت عايز اشتري هيونداي النترا اتوماتيك عادية اللي هي نازل عليها تخفيض 3 الاف جنية بس الراجل قالي عايز مصري و لا خليجي


اية الفرق بقى و ايهما افضل و هل بيفرق في العفشة و نوع الدهان صحيح

[Samir Elshahawy]

أبعد عن الهيونداي و غني له كرامة للسيد "غبوووووووووور"

[A. Ibrahim]

شوف جين 2 و بعدين قرر

بلا هيونداي بلا غبور

[SAMEHNOSHI]

انا لو كنت حشترى النترا كنت حشترى الخليجى بس بعد تخفيض ال 3000 جنية اللى لسة معمول من امبارح على الالنترا المصرى اعتقد المصرى افضل دلوقتى.
انا رايى المصرى افضل بسعرها الجديد و معاها الضمان

[Hosam_Optrawy]

الوكيل أفضل عشان الضمان

[adhamsabry51]

من رايي لا دي و لادي بص علي السيراتو و قرر

[tarekabosdera]

اتوكل على الله وهات الخليجي افضل من مواصافات غبور اللي الناس عمالة تسب وتلعن فيه

[ghost]

الوكيل أفضل عشان الضمان

[kliken]

خليجى افضل طالما الناس مش بتشكر فى غبور اصلا
بس العربيه ما شاء الله حلوه

[som3aa]

أشترى من التوكيل لان الخليجى دا نصب , فرق كماليات قليل اوى على السعر , انا كنت فاكر بينزل ب Abs طلع معظمه لأ , فى عربيات زى السيراتو و الc180 سعرهم خليجى هنا فى مصر اغلى من التوكيل على الفاضى , خليك فى المضمون و معاك ضمان الوكيل + الصيانة عند الوكيل بدل ما حد يذلك و يسرقك فى الصيانة و تبقى مش مطمن.
حضرتك برده قارن بينها و بين السيراتو لان السيراتو شكلا تحفة + ضمان 5 سنين.

[Nader007]

ايه حكاية غبور يا جماعة؟؟ ليه كل الناس بتسب و تلعن فيه؟؟؟

[m_s_h_a]

الصيت ولا الغنى المهم خليك فى الوكيل دى زيرو لازم تحتاج الضمان اما العربيه انا رائى ممتازه وبعدين يا جماعه السيراتو دى عربيه ما تزال تحت الاختبار شكلها حلو مش هشترى بالشكل وبعدين الكيا سوابقها كتير فين الريو وفين السبكترا وفين وفين البرايد كلها فى الضياع على فكره انا ليا واحد قريبى معاه كيا كرنفال 2008 استنى 6 شهور علشان يجيبوا له فلتر الجاز والهوا

[tarekabosdera]

انا شايف ان الضمان ملوش لازمة لان العربية كده كده غالبا اول 60 الف كيلو مبيحصلش حاجة ان شاء الله وبعد ال 60 الف كيلو خلاص بتبقى زيك زي اي عربية خليجي وبتدفع مصاريف اي صيانة او عطل.

وبعدين مراكز خدمة هيونداي المعتمدة كتيرة اوي اوي وزي الفل واحسن من الوكيل نفسه والناس بتشكر فيها. وفي موضوع مثبت في المنتدى فوق اسمه مراكز خدمة هيونداي في جمهورية مصر العربية هتلاقي فيه كل المراكز المعتمدة.