معدل استهلاك الالنترا للبنزين.

[tarekabosdera]

أرجو من اصحاب الالنترا فقط توضيح استهلاك الالنترا للبنزين لكل صفيحة وياريت توضحو اذا كانت مانيوال ولا اوتوماتيك.....


انا معاايا النترا 2009 اوتوماتيك وبتستهلك 170 كم / صفيحة.

مع العلم ان انا بمشي في طرق سريعة كتير وبشغل التكييف بالنهار.

[mosaelaswad]

انا معايا نفس العربية بس ماحسبتلهاش لكن اعتقد ان دة كويس وكمان متنساش انة صعب الحسبة كدة لان في عوامل كتير منها اسرعة كام طريق سريع طول الوقت ولا احيانا التكييف عالى ولا اول درجة كدة يعنى

[HamadaMOMO]

انا معايا نفس العربية بس ماحسبتلهاش لكن اعتقد ان دة كويس وكمان متنساش انة صعب الحسبة كدة لان في عوامل كتير منها اسرعة كام طريق سريع طول الوقت ولا احيانا التكييف عالى ولا اول درجة كدة يعنى

+1111111111111111

[amrnader]

الاستهلاك عندك شكله اعلى من الطبيعى، انا عادة بعمل فى حدود ال 220 كم فى الصفيحة، بيقل المعدل او يزيد حسب الظروف و مشغل التكييف على طول و العربية اتوماتيك.

انت حسبتها مرة واحدة و لا كام مرة عشان ممكن تكون مشكلة فى البنزينة فجرب تمون من بنزينة تانية.

[tarekabosdera]

الاستهلاك عندك شكله اعلى من الطبيعى، انا عادة بعمل فى حدود ال 220 كم فى الصفيحة، بيقل المعدل او يزيد حسب الظروف و مشغل التكييف على طول و العربية اتوماتيك.

انت حسبتها مرة واحدة و لا كام مرة عشان ممكن تكون مشكلة فى البنزينة فجرب تمون من بنزينة تانية.

انا حسبتها مرة واحدة بس. بس العربية لسة عاملة 1600 كم فقط.

انت قصدك البنزية هتغش يعني؟؟ انا بشوف العداد لحد ما يوصل للقيمة اللي انا عايزها.

وبعدين حضرتك بتحط بنزين 90 ولا 92؟؟؟؟؟

[amrnader]

انا حسبتها مرة واحدة بس. بس العربية لسة عاملة 1600 كم فقط.

انت قصدك البنزية هتغش يعني؟؟ انا بشوف العداد لحد ما يوصل للقيمة اللي انا عايزها.

وبعدين حضرتك بتحط بنزين 90 ولا 92؟؟؟؟؟

انا بحط بنزين 92.

انا شاكك فى الطريقة الى انت بتحسب بيها، انت بتحط بنزين بالقيمة يعنى مبتفولش. لازم عشان تحسب صح تفول العربية و تصفر عداد الرحلات و بعد كدة تانى مرة تفول العربية برضه و تشوف عدد الليترات اللى فولت بيها و عدد الكيلوميترات اللى فى عداد الرحلات.

اى طريقة تانية بتحسب بيها من غير ما تفول هتبقى غلط او فى احسن الاحوال مش دقيقة.

فى احيانا بنزينات بتغش، ده وارد جدا، و لو حسيت بكده متفولش من نفس البنزينة تانى.

[tarekabosdera]

انا اللي بعمله بعبي صفيحة وساعتها بصفر عداد الرحلات وبشوف بتخلص عند كام.

[amrnader]

انا اللي بعمله بعبي صفيحة وساعتها بصفر عداد الرحلات وبشوف بتخلص عند كام.

الكلام ده مينفعش، هو يعنى ايه الصفيحة تخلص، دية حاجة عمرك ماهتقدر تحكمها، هل مثلا بتستنى لما البنزين يشحر و العربية متمشيش تقوم مالى صفيحة تانية؟!

زى مقولتلك جرب تحسبها بطريقة التفويل، لان كدة بتقدر تحسب بدقة كبيرة عدد الليترات اللى مشيتك كيلوهات معينة.

جرب و احسبها و قولنا النتيجة.