تغيير النقلات للألنترا

[tefeamer]

انا معايا النترا 2008 عاملة 11000 كيلو أنا بغير السرعة الثالثة على 80 والرابعة على 100 وبيكون ال ار بى ام على 3.5 لكن واحد صاحبى قالى ان كدة حمل على الماتور وخصوصا انى على طول بعمل كده وقالى ريح الماتور وغير الثالث على 60 والرابع على 80 ، بس لما عملت كده حسيت ان العربية سحبها ضعف . ارجو المساعدة والافادة افادكم الله مع جزيل الشكر

[tefeamer]

فين الردود يا شباب

[EslaM_NagY]

المفروض فعلا النقل يبقى على 60 للثالث و80 للرابع


اكتر من كدة يبقى حمل على الموتور.

[tefeamer]

ممكن ردود اكثر وشكرا على من رد

[fahd_628]

يا باشا انت صح و انت كدة طبيعى جدا جدا جدا متقلقش مفيش حمل على الموتور خالص دة بالعكس انت لو سواقتك رياضية شوية بعنى بتحب العربية تبقى متجاوبة معاك لازم تغير على 3,5 او اكتر بشوية ! و لكن لو مثلا غيرت عند 2500 Rpm حتلاقى العربية ميتة خالص و سحبها حيقل !

و بعدين الريد لاين عندك عند 6500 لفة يعنى عندك لسة 3000 لفة كمان علشان توصل للريد لاين ! و الى عمرها ما حتتخطاة علشان فيها REV LIMITER زى اى عربية حديثة ! فا متقلقش خالص و خليك زى ما انت انقل عند 3500 RPM دة طبيعى جدا !

[yahiahelaly]

يا فندم الطبيعي تنقل على 3 الار بي م
3.5 دية لو هتجري وكدة لكن لو ماشي هادي او جواة البلد حتى لو الطريق مفوح متقرصتش على الموتور هوة مش مشكلة كبيرة بس الصح تنقل على تلات عشان تريح المكنة غير كدة عادي بس متيتخدموش غير لما تكون بتجري

[tefeamer]

شكرا على الردود يا شباب

[fahd_628]

يا فندم الطبيعي تنقل على 3 الار بي م
3.5 دية لو هتجري وكدة لكن لو ماشي هادي او جواة البلد حتى لو الطريق مفوح متقرصتش على الموتور هوة مش مشكلة كبيرة بس الصح تنقل على تلات عشان تريح المكنة غير كدة عادي بس متيتخدموش غير لما تكون بتجري

يا باشا ازاى يعنى ابقى بجرى و انقل على 3500 RPM الواحد لما بيجرى بينقل عند 5000 او 6000 RPM !!!!

و علشان تطمن اخى tefeamer بص كدة فى الكتالوج فى مرحلة التليين مكتوب انك متعديش 4000 RPM و دة فى مرحله التليين يعنى اعتقد ان كدة طبيعى جدا جدا و انت شوف بقى مين كلامة صح لأن انا معترض على الى بيقول ان الى بينقل عند 3500 RPM دة حمل على الموتور !

[tefeamer]

شكرا على الرد يا اخ fahd

[Amrrr]

شوف كتالوج العربية بيقولك ايه واعمله
انا عملت كدة ارتحت جدا وحاسيت ان العربية مرتاحة - وفي الكتالوج بيقول ان النقلات المثالية بتديك أحسن أداء ( طبعاً مش في حالة الجري لكن في المشي العادي ) وكمان بتديك احسن استهلاك في البنزين واكيد على المدى الطويل هتبقى محافظ على موتور العربية لأنك مثبت أداؤه وكل دا هتحس انت كمان بيه وانت بتنقل من نقلة للأعلى منها في اللحظة اللي بتسيب فيها الدبرياج وتبدأ تدوس على البنزين هتحس ان في اللحظة دي : الفتيس داخل بسهولة في النقلة بتاعته & هتلقط النقلة بنعومة من غير هز او نتش ومن وقت للتاني لازم تقرص وتعلي الأر بي ام مش عارف ليه بالظبط بس هي مفيدة للموتور ياريت لو حد يعرف يشرحها
المهم خليك مع الكتالوج هتلاقيها في جدول كل نقلة وقدامها السرعة اللي تنقل عليها مش الآر بي ام لأنه مختلف من نقلة للتانية يعني التاني لحد 3.5 والرابع لحد 3 بس وكدة يعني

[حماده المصري]

القياده المثاليه لاستهلاك الوقود والحفاظ على الموتور هتلاقيها في الكتالوج وفي الغالب مش هتعدي النقلات عن 2.5 الى 3 ار بي ام

في النيو اكسنت مثلا كان الاول اخره 20 التاني 40 التالت 55 الرابع 75 وده لافضل اداء من ناحيه الوقود وسلامه المحرك

وجهه نظري بقى في الي حضرتك بتعمله ده ملوش لازمه تنقل على 3.5 لان حضرتك مش بتجري ف ملوش لازمه تحرق سنه زياده على الفاضي

خلي طبيعه سواقتك بين 2.5 الى 3 ار بي ام في القياده الطبيعيه الا في الحرق والظروف الصعبه عيش معاك لحد 6 ار بي ام بس طبعا الحرق بيضر المحرك على المدى البعيد ويقلل من كفائته

انما النقل على 3.5 حضرتك كده لا حصلت القياده المثاليه ولا حصلت الجري وعموما مش هتضر المحرك ولا حمل عليه بس اكيد حضرتك فهمت وجهه النظر بتتكلم من منطلق ايه


==========

بالنسبه للاخ عمرو بيسال ان لازم من وقت للتاني تحرق على الموتور وده مفيد له

هو عامه العربيات الجديده لازم برضو تتعود على بعض من السرعات العاليه ومش شر حرق كل الغيارات لا انت ممكن تجري بالرابع والخامس والفائده في انك بتعلم موتور العربيه الجري وبتفتحه شويه عشان بعد كده لو حبيت تجري تلاقي موجود

مع اني مش مقتنع ان العربيات الجديده هتضر جامد لو معملتش معاها كده
عربيتي لما كانت جديده قعدت احرق عليها كده جدا النتيجه كانت صوت محرك مرتفع وبرضو التسارع زاااد شويه بس ملوش لازمه الحرق من الاساس

[dr_abooody]

الموضوع يسيط يا جماعة انت بتحس بالعربية و هتنقل من غير ما تحط في بالك

لو سايق هادي هتلاقي نفسك بتنقل على 2.5 او 3

لو عصبي شوية هيبقى 3.5 فما فوق

[thefighter22]

يا باشا انت المفروض تدي المتور حقه في الغيارات يعني في حاجة كتير بيعملها اسمه تسقيط الغيار دة فيديتو انك طعطي المتور عزم بئنك تطلع علي الغيار تاني بي قوة عالية وي دة هتحسو بس انتا كنت كويس بس شكلك رجليك ثقيلة علي البزين بوص الطريقة الثانية دية غلط انتا كدة مع الوقت تبوظ المتور وي هتلقي العزم بيضيع منك اكيد انتا بتحس ان العربية مش بتسحب عشان الغيارات انت ظبت الغيار يعني متغلي ال ار بي ام يعدي 3